وبلىستىق «كوممۋنيزم تاڭى» گازەتىنىڭ قىز-كەلىنشەكتەرىن كۇلكىگە قارق قىلىپ تۇرعان بۇل سۋرەتتەگى جىگىت – حالىق اقىنى ومار شيپين «قارشىعاداي قاۋاز» دەپ اتاعان تاجىماقين قاۋاز.
جاڭادان وركەن جايىپ, كەنشىلەردىڭ ورداسىنا اينالىپ كەلە جاتقان رۋدنىي قالاسىنىڭ اتىنان ايتىساتىن ونەرلى جان تابا الماعان سوڭ, سول كەزدە وبلىستىق مادەنيەت باسقارماسىنىڭ باستىعى قىزمەتىن اتقارىپ, ءارى ايتىستى ۇيىمداستىرىپ, مۇرنىنا سۋ جەتپەي جۇرگەن قاۋاز اعا ايتىسقا ءوزى شىققان.
ايتىس باستالىپ, ءبىر-بىرىنە سىرى ءمالىم سايگ ۇلىك اقىندار كەستەلى ءسوزدى كەسەگىمەن توگىپ, حالىقتىڭ ىقىلاسىنا بولەنىپ جاتىر. ءبىر كەزدە قوستاناي مەن رۋدنىي قالاسى اقىندارى شىعاتىنىن حابارلادى. قاۋازدىڭ قارسىلاسى – «كوممۋنيزم تاڭى» گازەتى ادەبيەت جانە مادەنيەت ءبولىمىنىڭ مەڭگەرۋشىسى ءمۇسىلىم دوسماعامبەتوۆ. ەكى اقىن ءبىر-ءبىرىن اڭدىسىپ, قالالاردىڭ كەمشىلىكتەرىن ايتىپ وتىرادى. رۋدنىي جاس قالا بولعاندىقتان كەم-كەتىگى مولداۋ. بىراق عاسىرعا جۋىق تاريحى بار قوستانايدىڭ دا كەمشىلىگى ءار جەردەن كورىنىپ تۇرادى. ناريمانوۆكاداعى جەتى جىل سالىنىپ, بىتپەي جاتقان كوپىردى ايتقاندا كوپىردەن ابدەن زەرەزاپ بولعان حالىق كوتەرىلىپ, قوشەمەتتەي جونەلەدى. ءسويتىپ جەڭىس رۋدنىي قالاسىنىڭ اقىنىنا بەرىلەدى.
قاجى قورعان ۇلى,
تەلەجۋرناليست,
قازاقستاننىڭ ەڭبەك سىڭىرگەن مادەنيەت قىزمەتكەرى
