ەستەرىڭىزگە سالا كەتەيىك, 22 قىركۇيەك كۇنى əلەۋمەتتىك جەلىلەردە قالاداعى كافەلەردىڭ بىرىندە ءتارتىپ بۇزعان ءۇش ازامات جايلى بەينەجازبا جاريالانعان بولاتىن. ولار داياشىدان تۇبىرتەكتى مەملەكەتتىك تىلدە اكەلۋدى تالاپ ەتىپ, اكەلمەگەن جاعدايدا اقشا تولەۋدەن باس تارتاتىندارىن جەتكىزگەن.
«ولار — مەملەكەتتىك قىزمەتشىلەر» دەگەن اقپاراتپەن باق جانە «Facebook» الەۋمەتتىك جەلىسىندە قوعامدىق رەزونانس تۋعىزعان ازاماتتاردىڭ ءىس-ارەكەتىنە قاتىستى جاريالانعان سىني ماتەريالدار مەن پىكىرلەر (بەينە كورىنىس) جازىلعان ەدى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىمەن بەينە كورىنىستەردى زەردەلەۋ بارىسىندا اقتاۋ قالاسىندا ورنالاسقان كافەلەردىڭ بىرىنە كەلۋشى ءۇش ازاماتتىڭ بىرەۋىنىڭ عانا مەملەكەتتىك قىزمەتشى, ياعني, كوك جەيدەدە وتىرعان ازامات مەملەكەتتىك قىزمەتكە العاش رەت قابىلدانعان (17.09.2018ج) جانە بۇگىنگى تاڭدا ءۇش اي سىناق مەرزىمىنەن ءوتۋشى اقتاۋ قالاسى اكىمى اپپاراتىنىڭ باس مامانى ە.انەسوۆ ەكەنى انىقتالدى.
ال قالعان ەكى ازامات مەملەكەتتىك قىزمەتشى بولىپ تابىلمايدى.
بەينەكورىنىستەگى نەگىزگى وقيعا كافە قىزمەتكەرلەرى مەن باسقا جەكە تۇلعانىڭ (مەملەكەتتىك قىزمەتكەر ەمەس) اراسىندا ورىن العان.
ەسكەرە كەتەتىن ءبىر ءجايت, مەملەكەتتىك قىزمەتشى ە.انەسوۆ قۇقىق قورعاۋ قىزمەتكەرلەرى كەلگەنگە دەيىن وقيعا ورنىنان كەتىپ قالۋىنا بايلانىستى ونىڭ ماساڭ كۇيدە بولۋ جاعدايىن ءتيىستى قۇزىرلى ورگاندارىمەن انىقتاۋ مۇمكىن بولماعان.
قازىرگى ۋاقىتتا اقتاۋ قالاسى اكىمدىگىنىڭ حابارلاۋىنشا, ءتارتىپ بۇزعان مەملەكەتتىك قىزمەتشىگە قاتىستى قىزمەتتىك تەكسەرۋ تاعايىندالىپ, ناتيجەسى قوسىمشا باياندالاتىنى تۋرالى اقپارات تارادى.
جالپى ە.انەسوۆتىڭ تارتىپسىزدىككە جول بەرمەۋىن وعان بەكىتىلگەن تالىمگەرى جانە قالا اكىمدىگىنىڭ ادەپ جونىندەگى ۋاكىلى باقىلاۋ كەرەك بولاتىن. الداعى ۋاقىتتا, قالا اكىمدىگىندەگى مەملەكەتتىك قىزمەتشىلەردىڭ ءتارتىبى جونىندە اقتاۋ قالاسى اكىمىنىڭ ورىنباسارى, ادەپ جونىندەگى ۋاكىل گۇلميرا قالمۇراتوۆادان كەزەكتى ادەپ جونىندەگى كەڭەس وتىرىسىندا سۇرالماق.
