كەزدەسۋ بارىسىندا مۇناي-گاز يندۋسترياسىنداعى ىنتىماقتاستىق, كومپانيانىڭ جەكەشەلەندىرۋ باعدارلاماسىنا قاتىسۋ كەلەشەگى, سونداي-اق, قازاقستاندىق كاسىپورىندارمەن ءوزارا ءىس-قيمىلدىڭ باسىم باعىتتارى قارالدى.
سونىمەن قاتار, كەزدەسۋگە Citigroup تاراپىنان «سيتيبانك قازاقستان» اق باسقارما توراعاسى, ديرەكتورلار كەڭەسىنىڭ مۇشەسى ا. كۋريلين جانە شىعىس جانە ورتالىق ەۋروپا, تاياۋ شىعىس جانە افريكا بويىنشا ينۆەستيتسيالىق-بانكتىك قىزمەتتەر بولىمشەسىنىڭ باسشىسى ي. متيبەليشۆيلي قاتىستى.
Citigroup قر-دا 1993 جىلدان باستاپ جۇمىس ىستەيدى. بۇل كەزدە الماتىدا «سيتيبانك ن. ا.» كومپانياسىنىڭ وكىلدىگى قۇرىلعان ەدى. بانكتىڭ نەگىزگى قىزمەتى — جەتەكشى قازاقستاندىق كاسىپورىندارعا, قارجى ينستيتۋتتارىنا جانە حالىقارالىق كومپانيالاردىڭ بولىمشەلەرىنە وپەراتسيالىق قىزمەت كورسەتۋ جانە ولاردى كورپوراتيۆتىك قارجىلاندىرۋ. بيزنەس جۇرگىزۋدىڭ باسىم سالالارى: مۇناي جانە گاز, ەنەرگەتيكا, اگروونەركاسىپ سەكتورلارى, سونداي-اق كەن يگەرۋ ونەركاسىبى جانە تەلەكوممۋنيكاتسيالار.
