ABC Quick Start – بۇل قىسقا مەرزىمدە ستارتاپتى ءتيىمدى دامىتۋعا باعىتتالعان قارقىندى اكسەلەراتسيا باعدارلاماسى. باعدارلاما اياسىندا اكسەلەراتسياعا قاتىسۋشىلارعا تالىمگەرلىك, كوماندانى جيىنتىقتاۋ, ستارتاپ-جوبانى ەڭ باسىنان باستاپ ىلگەرى جىلجىتۋعا ۇيرەتۋ, شەتەلدىك نارىقتارعا شىعۋ, ABC-I2BF Seed Fund – نازارباەۆ ۋنيۆەرسيتەتى قورىنان ينۆەستيتسيالار الۋ مۇمكىندىگى, نازارباەۆ ۋنيۆەرسيتەتىنىڭ سەرىكتەستەرىنە قوسىلۋ, نازارباەۆ ۋنيۆەرسيتەتىنىڭ FabLab, DC Lab جانە باسقا زەرتحانالارىن, سونداي-اق كەڭسەلەرىن پايدالانۋ مۇمكىندىگى قاراستىرىلادى.
وسى جىلعى شىلدە ايىنىڭ اياعىندا باعدارلاماعا قاتىسۋعا كەلىپ تۇسكەن 40-تان اسا ءوتىنىمنىڭ ىشىنەن ىرىكتەۋدەن 13 ستارتاپ-جوبا وتكەن. جوبالار ەنەرگەتيكا, EdTech, اۋىل شارۋاشىلىعى, مەديتسينا جانە باسقا دا تەحنولوگيالىق دامۋ وبلىسىنداعى اناعۇرلىم وزەكتى سالالاردى قامتيدى.
ABC Quick Start III اكسەلەراتسيالىق باعدارلاماسىنا قاتىسۋشىلاردىڭ قاتارىندا مىناداي جوبالار بار. ولار, AgroGel – قۇمدا جانە قۋاڭ جەرلەردە وسىمدىكتەر وسىرۋگە ارنالعان, كىرىكتىرىلگەن تىڭايتقىشى بار بيو-دەگراداتسيالاناتىن گيدروگەل. Alfred – عيماراتتاردىڭ ەنەرگواۋديتىن اۆتوماتتى جۇرگىزۋگە ارنالعان سىمسىز سەنسورلىق جۇيەلەر. Apgrooz – رەتەيل كومپانيالارعا ارنالعان جۇك جونەلتۋ ءۇشىن اۆتوموبيلدەر ىزدەستىرۋ بويىنشا ونلاين ماركەت پلەيس. Blitz – ونەركاسىپتىك وندىرىستەردىڭ ينجەنەرلىك پەرسونالىن وقىتۋعا ارنالعان سەرۆيس. Farmily – سۋپەرماركەتتەردە وسىمدىكتەر وسىرۋگە ارنالعان ءمودۋلدى گيدروپوندىق قۇرىلعى. HR.best – ۇزدىك ۇمىتكەرلەردى تاڭداۋعا ارنالعان HR سەرۆيس. IPrep – الەمدىك ستاندارتتالعان تەستتەرگە دايىندالۋ ءۇشىن قازاق جانە ورىس تىلدەرىندەگى ونلاين پلاتفورما. Jaybox – موبيلدىك كونتەنتتى ۇلكەن ەكراندا قولدانۋ ءۇشىن ميني پك جانە پروەكتوردى بىرىكتىرەتىن قۇرىلعى. MiniPortier - كليەنتتەردىڭ بەيىلدىلىك مونيتورينگى. Observer – كەلۋشىلەر اعىنىن تالداۋ جۇيەسى. Symsyz – سوقىر جانە ناشار كورەتىن ادامدارعا ارنالعان عيمارات ىشىندە ناقتى جايعاستىرۋ جۇيەسى. TOP – كومپيۋتەرلىك كورۋ نەگىزىندە گەربيتسيدتەردى نۇكتەلىك ەنگىزۋ جۇيەسى. تسيۆيتا – ەلەكتروپۋنكتۋرا جانە پۋلستىك دياگنوستيكا قۇرىلعىسى.
نازارباەۆ ۋنيۆەرسيتەتىنىڭ تەحنوپارك بازاسىندا 6 اپتا بويى وقىتۋ كەزىندە ستارتاپكومپانيالار تالىمگەرلەر مەن ساراپشىلاردىڭ كومەگىمەن جوبالاردى قارقىندى دامىتىپ, ءىرى كوممەرتسيالىق كەلىسىمدەرگە قول جەتكىزدى, ينۆەست-ۇسىنىستار الدى, سونداي-اق ءوز جوبالارىن ءارى قاراي تابىستى ىسكە اسىرۋ ءۇشىن باستى سەرىكتەستەر تاپتى. ءىس-شارا اياسىندا Astana Business Campus يننوۆاتسيالىق كلاستەرى جوبالارىنىڭ كورمەسى مەن ستارتاپ-جوبالارعا ارنالعان كەلىسىمدەر مەن مەموراندۋمعا قول قويۋ ءراسىمى ءوتتى.
Astana Business Campus-تا يننوۆاتسيالىق ورتانى دامىتۋ ماقساتىندا بيزنەس ينكۋباتور, بيزنەس اكسەلەراتور, تەحنوپارك, كوممەرتسيالاۋ كەڭسەسى, زەرتتەۋلەردى سۇيەمەلدەۋ كەڭسەسى, Digital Fabrication Laboratory, Digital Creativity Laboratory جانە «استاناتەحنوپوليس» ارنايى ەكونوميكالىق ايماعى جۇمىس ىستەيدى.
راۋان قايدار,
«ەگەمەن قازاقستان»
