مۇمكىندىگى شەكتەۋلى ادامدار روبوت داياشىلاردى باسقاراتىن بولادى

OriHime-D دەپ اتالاتىن مۇنداي روبوتتار ەكى موديفيكاتسيادا شىعارىلادى. ەكەۋى دە ءبىرىنشى كەزەكتە ديستانتسيالىق كوممۋنيكاتسياعا باعىتتالعان. ءبىرىنشى مودەلدىڭ بيىكتىگى - 21,5 سانتيمەتر, ال سالماعى - 600 گرامم. ول سىرقات سەبەبىمەن وقۋ ورنىنا كەلە المايتىن وقۋشىلاردىڭ مەكتەپكە بارۋى ءۇشىن پايدالانىلادى. ال ەكىنشى روبوتتىڭ بيىكتىگى - 1,2 مەتر, سالماعى - 20 كيلوگرامم. ول سايكەسىنشە كۇردەلى جۇمىس تۇرلەرىن اتقارا الادى. دەسە دە ەكەۋىنىڭ دە ماقساتى ءبىر. ولار مۇگەدەك ادامداردىڭ الەۋمەتتەن وقشاۋلانباۋىنا مۇمكىندىك بەرەدى. Ory Lab. Inc.  روبوتتار ازىرلەۋشى كومپانياسىنىڭ مۇنداي روبوتتاردى جاساۋداعى نەگىزگى يدەياسى دا وسى.

«مەن مۇمكىندىگى شەكتەۋلى ادامداردىڭ جۇمىسقا ارالاسا الاتىن كەڭىستىگىن قۇرعىم كەلەدى», دەيدى Ory Lab. Inc.  روبوتتار ازىرلەۋشى كومپانياسىنىڭ ديرەكتورى كەنتارو يوشيفۋدجي.

ءيوشيفۋدجيدىڭ ايتۋىنشا, ول بالا كۇنىندە ادامدارمەن قارىم-قاتىناستا كوپ قيىندىق كورگەن. سول سەبەپتى ول الەۋمەتتىك وقشاۋلانۋدىڭ نە ەكەنىن جاقسى بىلەدى. سوندىقتان ءوز تاجىريبەسىنە سۇيەنە وتىرىپ, ۆاسەدا ۋنيۆەرسيتەتىندە ادامدارعا الەۋمەتتىك بايلانىستاردى رەتتەۋدە قولداۋ كورسەتەتىن روبوتتاردى ازىرلەي باستاعان.

Ory Lab. Inc.  روبوتتارىن سونداي-اق 2020 جىلعى توكيودا وتەتىن وليمپيادا جانە پاراليمپيادا ويىندارىنا دايىنداۋ جوسپارلانىپ وتىر.