فەستيۆالعا تەك ERG كاسىپورىندارىنىڭ جۇمىسشى-قىزمەتكەرلەرى عانا ەمەس, قالا تۇرعىندارى مەن قوناقتارى تىركەلىپ, قاتىسۋعا مۇمكىندىك الدى.
ەۋرازيالىق توپ سپورتتى قولدايدى. سپورت سالاسىن بەلسەندى دامىتىپ, سالاماتتى ءومىر سالتىن كاسىپورىندارىندا جانە قالا تۇرعىندارى اراسىندا دا بارىنشا كەڭىنەن ناسيحاتتاۋدا, – دەيدى ەۋرازيالىق توپ باسقارما توراعاسى سەرىك شاحاجانوۆ.
– ويتكەنى, ءبىزدىڭ توپ العا قاراي دامۋعا ۇمتىلاتىن ادامداردى قولدايدى. سول ءۇشىن ءبىز ERG-ءدىڭ كەز كەلگەن جۇمىسشى-قىزمەتكەرى مەن توپ كاسىپورىندارى ورنالاسقان قالالاردىڭ كەز كەلگەن تۇرعىنىنا سپورتتى قولجەتىمدى ەتۋدى ماقسات ەتتىك. كۇزگى جۇگىرۋ فەستيۆالىن توپتىڭ ەلدەگى بۇقارالىق سپورتتى دامىتۋعا باعىتتالعان العاشقى قادامدارىنىڭ ءبىرى.
جۇگىرۋ فەستيۆالى ءۇش قالادا ءبىر ۋاقىتتا باستالدى. ۇيىمداستىرۋشىلار 3, 5 جانە 10 كم قاشىقتىقتاردان بولەك, بالالار اراسىندا دا جۇگىرۋ جارىسىن وتكىزدى.
اقسۋداعى «ERG Run Fest» جۇگىرىس جولى قالانىڭ ورتالىق كوشەلەرىن قيىپ ءوتتى. جۇگىرۋگە قاتىسۋشىنى تۇرعىندار كوشە بويى قولداپ, دەمەپ وتىردى. ەكىباستۇزدىق سپورتشى, الەمدەگى شولدەردى جاياۋ جۇگىرىپ وتكەن مارات جىلانباەۆ فەستيۆالدىڭ قۇرمەتتى قوناعى بولدى.
– سپورت مەرەكەسىنە قاتىسقانىما قۋانىشتىمىن, –دەيدى فەستيۆالگە قاتىسۋ ءۇشىن قاراعاندىدان ارنايى كەلگەن الەكساندر زاكالەنكوۆ. –دايىندىقتى ەرتە باستاپ, جۇگىرگەن سايىن جەڭىلدەپ, شىڭدالىپ قالدىم.
ERG-ءدىڭ سپورت پەن «سالاۋاتتى ءومىر سالتىن ساقتاۋ» ورتالىعىنىڭ جەتەكشىسى ولجاس ورازباەۆتىڭ ايتۋىنشا كۇزگى جۇگىرۋ فەستيۆالىنە قاتىسقان ءاربىر ادام وزدەرىنە ەرەكشە سىيلىق جاساپ, دەنساۋلىقتارىن شىڭداپ, جاقسى كوڭىل-كوڭىل كۇيدە بولدى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن : يرينا سىچينا
