بۇل ماسەلە «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس كوميتەتتىڭ وتىرىسىندا قارالدى. قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى نۇرلان الدابەرگەنوۆ قارجى ءمينيسترى لاۋازىمىنا ءاليحان اسحان ۇلى سمايىلوۆتى تاعايىنداۋ تۋرالى قازاقستان رەسپۋبليكاسىنىڭ پرەمەر-ءمينيسترىنىڭ ۇسىنىسىن دەپۋتاتتار قاراۋىنا ۇسىندى.
ءماجىلىستىڭ قارجى جانە بيۋدجەت كوميتەتىنىڭ مۇشەلەرى ءا. سمايىلوۆقا بىرقاتار سۇراقتار قويدى. سونداي-اق, ەلىمىزدىڭ سالىق جانە بيۋدجەتتىڭ كىرىس بولىگىن ارتتىرۋ, قارجى رەسۋرستارىن جۇمساۋدى باقىلاۋ شارالارىن كۇشەيتۋ, سونىمەن بىرگە بيۋدجەت قاراجاتى ەسەبىنەن جۇزەگە اسىرىلاتىن باعدارلامالاردىڭ قورىتىندى ناتيجەلەرىنە قول جەتكىزۋگە قاتىستى پىكىر الماستى. وتىرىس سوڭىندا ءتيىستى قورىتىندى قابىلداندى.
ول «قازاقستان رەسپۋبليكاسى پارلامەنتى ءماجىلىسىنىڭ قارجى جانە بيۋدجەت كوميتەتى «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس قازاقستان رەسپۋبليكاسىنىڭ پرەمەر-ءمينيسترى ۇسىنعان ءاليحان اسحان ۇلى سمايىلوۆتىڭ كانديداتۋراسىن قاراپ, اتالعان كانديداتۋرانى قازاقستان رەسپۋبليكاسىنىڭ قارجى ءمينيسترى لاۋازىمىنا تاعايىنداۋ ءۇشىن ۇسىنۋعا بولادى دەپ ەسەپتەيدى». دەپۋتاتتار كانديداتقا الداعى جۇمىسىنا تابىستار تىلەدى.
