ۆيزانىڭ جاڭا تۇرلەرى كۇشىنە ەنەدى

سىرتقى ىستەر مينيسترلىگىندە “قازاقستان رەسپۋبليكاسىنىڭ ۆيزالارىن بەرۋ ەرەجەلەرى” جونىندە ءباسپاسوز ءماسليحاتى بولىپ ءوتتى. بۇل كەزدەسۋگە كونسۋلدىق قىزمەت دەپارتامەنتىنىڭ ديرەكتورى سامات جاڭاباي مەن ىشكى ىستەر مينيسترىلىگى كوشى-قون باسقارماسىنىڭ باستىعى سەرىك سايىنوۆ قاتىستى. بيىلعى جىلدىڭ 1 ناۋرىزىنان باستاپ ەلىمىزدە سىرتقى ىستەر مينيسترلىگىنىڭ جانە ىشكى ىستەر مينيسترلىگىنىڭ بىرلەسكەن بۇيرى­عى­مەن بەكىتىلگەن “قازاقستان رەس­پۋبليكاسىنىڭ ۆيزالارىن بەرۋ ەرەجەلەرى” ءوز كۇشىنە ەنەتىن بو­لادى. مۇنداي جاڭا ەرەجەلەردى قا­بىلداۋدىڭ نەگىزگى ماقساتى – ونىڭ قاعيدالارىن بۇگىنگى قولدانىستاعى ميگراتسيالىق جاعدايعا سايكەس رەتكە كەلتىرۋ, سونداي-اق قازاقستان اۋماعىنا شەتەل ازاماتتارى كەلۋىن ءبىر جۇيەگە ءتۇسىرۋ. قابىلدانعان ەرەجەلەر قازاق­ستان رەسپۋبليكاسىنىڭ اۋماعىنا كاسىپكەرلىك, ەڭبەك جانە باسقا دا تولەنەتىن ىسكەرلىك ارەكەتتەرمەن اينالىسۋعا كەلەتىن شەتەل ازامات­تارىنىڭ اعىمىن قىسقارتۋ ءۇشىن شەكتەۋ قويۋعا باعىتتالعان. بۇعان قوسا, قۇجاتتا قابىلدانعان جاڭا قاعي­دالار شەتەل ازاماتتارىنىڭ تۋريست رەتىندە, جەكە ساپارمەن, سونىمەن قاتار, ينۆەستيتسيالىق ءىس-ارەكەتپەن اينالىسۋ ءۇشىن كەلۋگە قولايلى جاعداي تۋعىزۋدى كوزدەيدى, دەدى كونسۋلدىق قىزمەت دەپار­تامەنتىنىڭ ديرەكتورى. ءبىر اتاپ وتەرلىگى, بۇل ەرەجە­لەرگە العاشقى رەت ۆيزانىڭ “ميس­سيونەرلىك” جانە “سىرتقا شىعۋ” سەكىلدى ەكى جاڭا ساناتى ەنگىزىلگەن ەكەن. “ميسسيونەرلىك ۆيزا” – ەلىمىزگە ءدىني-اعارتۋشىلىق ماقسات ءۇشىن كەلەتىن شەتەلدىك ازاماتتارعا بەلگىلى ءبىر مەرزىمگە دەيىن بەرىلەدى. ال “سىرتقا شىعۋ” ۆيزاسى قازاق­ستاندا تۇراقتى تۇردە قونىستانعان شەتەل ازاماتتارىنا, سونداي-اق شەت­ەلگە تۇراقتى تۇردە تۇرۋعا كەتەتىن جانە قازاقستان جەرىندە ءوز قۇجاتتارىن جوعالتىپ العان ازا­مات­تارعا بەرىلەدى, دەدى كوشى-قون باسقارماسىنىڭ باستىعى. جاڭا ەرەجەلەردىڭ قاعيدالارى بويىنشا ەلىمىز اۋماعىنا مەملە­كەت­تىك ورگانداردىڭ, ديپلوماتيا­لىق وكىلدىكتەردىڭ, شەتەلدەردىڭ كونسۋلدىق مەكەمەلەرىنىڭ, قازاق­ستان اۋماعىندا تىركەلگەن حالىق­ارالىق ۇيىمداردىڭ ارنايى شا­قىرۋىمەن كەلەتىن شەتەلدىك ازامات­تاردىڭ ۆيزالارى ۇزارتىلادى ەكەن. ال زاڭدىق تۇلعالاردىڭ شا­قىرۋىمەن “ىسكەرلىك” ساناتىنداعى ۆيزامەن كەلەتىن شەتەل ازامات­تارىنىڭ, بۇعان قوسا, “جەكە ساپار”, “تۋريستىك” “ميسسيونەرلىك”, “تران­زيتتىك” ساناتتارىنداعى ۆيزالار ۇزارتىلمايدى. ءباسپاسوز ءماسليحاتىندا بولعا­نىنداي, ەرەجەدە جاڭادان ەنگىزىل­گەن ءتارتىپتىڭ ءبىرى – ول ديپلو­ماتيالىق وكىلدىكتەردىڭ قىزمەت­كەرلەرىنە, شەتەلدەردىڭ كونسۋلدىق مەكەمەلەرىنىڭ, حالىقارالىق ۇيىمداردىڭ قىزمەتكەرلەرىنە جانە ولارعا تەڭدەستىرىلگەن تۇلعالارعا, ەلىمىزدىڭ سىرتقى ىستەر مينيستر­لىگىنەن بەرىلگەن اككرەديتاتسيالىق كارتوچكالاردىڭ نەگىزىندە ولاردىڭ وتباسى مۇشەلەرىنە قازاقستان اۋماعىنا ۆيزاسىز كەلۋگە رۋقسات بەرىلەتىندىگى. بۇل – اككرەدي­تا­تسيالىق كارتانىڭ ديپلوماتيالىق جانە قىزمەتتىك جۇمىستار كەزىندە ەلىمىز اۋماعىندا قازاقستان رەسپۋبليكاسى ۆيزاسىنىڭ ورنىن الماستىرا الاتىنىن كورسەتەدى. ءباسپاسوز ءماسليحاتى كەزىندە ەرەجەلەردە ۆيزا ءتۇرى اتاۋىنىڭ الىنىپ تاستالعاندىعى جونىندە دە ايتىلدى. ياعني, بۇدان بىلاي بارلىق ۆيزالار “سىرتقا شىعۋ” ساناتىنان وزگە “كىرۋ-شىعۋ” دەپ بەرىلەتىن بولادى. بۇعان قوسا العاش رەت ءۇش مارتەلىك “تۋريستىك” جانە “جەكە ساپار” ۆيزالارىن بەرۋ ءتاجى­ريبەگە ەنگىزىلگەن ەكەن. بۇل ۆيزالاردىڭ مەرزىمى – 90 كۇن. جاڭا ەرەجەلەرگە سايكەس, ءتۇرلى جەڭىل­دىكتەر بەرۋ ماسەلەسى دە نازاردان تىس قالماپتى. ماسەلەن, 47 دا­مىعان ەلدىڭ ازاماتتارىنا ۆيزا بەرۋدە جەڭىلدەتىلگەن ءتارتىپ ساق­تالعان كورىنەدى. ولارعا قىزمەتتىك, ديپلوماتيالىق, ىسكەرلىك, جەكە جانە تۋريستىك ۆيزالاردى شاقىرۋ قاعازىنسىز الۋلارىنا مۇمكىندىك بەرىلەدى. ديپلوماتيالىق, ىسكەرلىك, قىز­مەتتىك جانە ينۆەستورلىق ساناتىن­داعى ۆيزالارعا قاتىستى دا ارنايى ءتارتىپ بار. ولار 3 جىلعا دەيىنگى مەرزىمگە بەرىلەدى. بۇعان قوسا, حا­لىقارالىق وزارالىق قاعيداسى ەس­كەرىلىپ, اتالعان ساناتتاعى ۆيزالار­دىڭ مەرزىمىن ۇزارتۋعا بولادى. كوشى-قون باسقارماسىنىڭ باس­تىعى سەرىك سايىنوۆتىڭ ايتۋىن­شا, قازىرگى جاڭا ەرەجەلەر بۇرىنعى نۇسقاۋلىقتان شەتەل ازاماتتارىنا شاقىرتۋ ازىرلەۋ ءتارتىبىنىڭ وڭاي­لاتىلعانىمەن ەرەكشەلەنەدى. ياعني, بۇل ەرەجە­لەرگە سايكەس, شاقىرۋشى مەكەمە ۆيزالىق قولداۋعا رۇقسات الۋ ءۇشىن جەكە ساپاردى ساناما­عاندا, مي­گراتسيالىق پوليتسيا ورىندارىنىڭ كەلىسىمىنسىز تىكەلەي ەلىمىزدىڭ سىرتقى ىستەر مينيستر­لىگىنە ءوتىنىش بىلدىرە الادى. ءلايلا ەدىلقىزى. جولداۋ زاڭنامالىق قامتاماسىز ەتىلۋى ءتيىس كەشە پارلامەنت ءماجىلىسى جانىن­داعى قوعامدىق پالاتانىڭ وتىرىسى بولىپ ءوتتى. وتىرىسقا پار­لا­مەنت ءماجىلىسى توراعاسىنىڭ ورىن­باسارى, قوعامدىق پالاتانىڭ توراعاسى سەرگەي دياچەنكو جەتەك­شىلىك ەتتى. ول كۇن تارتىبىنە شىعارىلىپ وتىرعان ماسەلە­لەر بويىنشا تۇسىنىك بەردى. وتىرىستا ەلباسى نۇرسۇلتان نازارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاق­ستاننىڭ جاڭا مۇمكىندىكتەرى” اتتى حالىققا جولداۋىن زاڭنامالىق قام­تا­ماسىز ەتۋدەگى قوعامدىق پالاتانىڭ ءرولى ماسەلەسى قارالدى. باسقوسۋعا قوعامدىق پالاتانىڭ مۇشەلەرى, پارلامەنت ءماجىلىسىنىڭ دەپۋتاتتارى, مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى قاتىستى. ءوزىن-ءوزى قامتۋشى تۇرعىنداردىڭ جاعدايىن زاڭ جولىمەن رەتتەۋ تاقىرىبىندا وتكەن دوڭگەلەك ۇستەلدىڭ قورىتىندىسى جونىندە قوعامدىق پالاتانىڭ مۇشەسى ۆ.كوسارەۆتىڭ مالىمەتى تىڭدالدى. “قۇقىق قورعاۋ جۇيەسىن رەفور­مالاۋ جانە ونىڭ ودان ءارى ىزگىلەنۋى” تاقىرىبىندا قوعامدىق پالاتا توراعاسىنىڭ ورىنباسارى ماقسۇت نارىك­باەۆ بايانداما جاسادى. “دەن­ساۋ­لىق ساقتاۋ سالاسىنىڭ جاقسارۋى – ءومىر ءسۇرۋ ساپاسىنىڭ ارتۋى” تاقىرى­بى بويىنشا دەنساۋلىق ساقتاۋ مي­نيسترى, قوعامدىق پالاتانىڭ مۇشەسى, الەۋمەتتىك-مادەني دامۋ جونىندەگى سەكتسيانىڭ جەتەكشىسى جاقسىلىق دوسقاليەۆ ءسوز سويلەدى. قوعامدىق پالاتانىڭ مۇشەسى, قارجى-ەكونوميكالىق رەفورما جانە ايماقتىق دامۋ سەكتسياسىنىڭ جەتەك­شىسى, ەكونوميكا عىلىمدارىنىڭ دوك­تورى ورازالى سابدەن “ەكونوميكانى ءارتاراپتاندىرۋ – تابىسقا جەتۋدىڭ كىلتى”, سونداي-اق قوعامدىق پالاتانىڭ مۇشەسى, دەموكراتيالاندىرۋ جانە ازاماتتىق قوعامدى دامىتۋ ماسەلەلەرى جونىندەگى سەكتسيانىڭ جەتەكشىسى ال­تىن­شاش جاعانوۆا “ىشكى ساياسي تۇراق­تىلىق – 2020 ستراتەگيالىق جوسپارىن جۇزەگە اسىرۋدىڭ سەنىمدى ىرگەتاسى” تاقىرىپتارىندا بايانداما جاسادى. وتىرىستا قوعامدىق پالاتانىڭ مۇشەسى, ەكولوگيا, اۋىل شارۋاشىلىعى جونىندەگى سەكتسيانىڭ جەتەكشىسى مەلس ەلەۋسىزوۆ “كليماتتىڭ جاھاندىق وزگەرۋى جاعدايىنداعى ەلدىڭ تۇراقتى دامۋىنداعى اۋىل شارۋاشىلىعىنىڭ ءرولى” تاقىرىبى بويىنشا ءسوز سويلەپ, ءوز ۇستانىمدارىن ورتاعا سالدى. كۇن تارتىبىندەگى ماسەلەلەرگە وراي قاتىسۋشىلار دا وزدەرىنىڭ پىكىرلەرىن ورتاعا سالدى. اسقار تۇراپباي ۇلى. كولۋمبيا ۋنيۆەرسيتەتىندەگى ءدارىس ونى قازۇۋ رەكتورى باقىتجان جۇماعۇلوۆ وتكىزدى جاقىندا اقش-تىڭ نيۋ-يورك قالاسىنداعى وسىناۋ اتاقتى كونەكوز وقۋ ورداسىندا وتكەن ءدارىس تاقىرىبى قازاقستاننىڭ جەتەكشى ۇلتتىق ۋني­ۆەر­سيتەتىنىڭ تاجىريبەسى نەگىزىندە ءبىلىم ساپاسىنىڭ جاھاندىق ورتالىعىن قۇرۋ­عا ارنالدى. قازۇۋ باسشىسى قازاقستاننىڭ جوعارى ءبىلىم جانە عىلىم سالاسىنىڭ رەفورمالىق كەزەڭ­دەرىنە توقتالىپ, قازاق ۇلتتىق ۋنيۆەرسيتەتىنىڭ تاجىريبەسى نەگىزىندە وتاندىق ءبىلىم بەرۋ سالاسىندا تۋىن­دايتىن ماسەلەلەردى شەشۋ ورايىنداعى ويلارىن ءبولىستى. ءبىر ءسات كوپشىلىك نازارىن پرەزيدەنت نۇرسۇلتان نازار­باەۆتىڭ قازاقستان حالقىنا ارناعان جولداۋىنا اۋداردى. تالعامپاز تىڭدارماندار قاتارىن­دا اقش-تىڭ مەملەكەتتىك دەپارتا­مەنتىنىڭ وكىلدەرى, نيۋ-يورك مەريا­سى­نىڭ قىزمەتكەرلەرى, كولۋمبيا ۋنيۆەرسيتەتىنىڭ باسشىلارى مەن وقىتۋشى-پروفەسسورلارى بولدى. اتال­مىش شارانىڭ وتەتىندىگى جايلى بۇكىلامەريكاندىق اكادەميالىق جەلى ارقىلى ءبىر اي بۇرىن پەنسيلۆانيا, بوستون, نيۋ-دجەرسي ۋنيۆەرسيتەت­تەرى­نىڭ پروفەسسورلارى قۇلاقتاندىرىلعان ەدى. ولار قازاقستاندىق ارىپتەستەردىڭ پىكىرلەرىن قولداپ, قىزىعۋشىلىق ءبىلدىردى. ءبىر ساعاتقا سوزىلعان پىكىر­تالاستا قازاقستاننىڭ ءبىلىم جانە عى­لىم سالاسى, قوعامدىق-ساياسي احۋالى, سىرتقى ساياساتى مەن ەلىمىزدىڭ ەقىۇ-داعى توراعالىعى, ت.ب. وزەكتى ماسەلەلەر ءسوز ەتىلدى. قازۇۋ رەكتورى جينالعان قاۋىمنان الەمگە ايگىلى قازاق اقىنى ولجاس سۇلەيمەنوۆتىڭ نيۋ-يوركتە كوشى-قون ماسەلەسىنە ارنالعان دۇنيەجۇزىلىك عىلىمي فورۋم وتكىزۋ جونىندەگى ۇسىنىسىن قولداۋدى ءوتىندى. وسىدان ءتورت اي بۇرىن و.سۇلەيمەنوۆ كولۋمبيا ۋنيۆەرسيتەتىندە الەم حالىقتارىنىڭ كوشى-قون تاريحىنا ارنالعان ءدارىس وقىعان بولاتىن. باقىتجان جۇماعۇلوۆ نيۋ-يوركتە ءبىلىم الىپ, جۇمىس ىستەپ جۇرگەن قازاقستاندىق ستۋدەنتتەرمەن جۇزدەستى. شەت ەلدەگى جاس وتانداستارىمىز وركەندەپ وسكەن قازاق ەلىنىڭ سوڭعى جەتىستىك-جاڭالىقتارىن ەستىپ توبەلەرى كوككە جەتە مەرەيلەندى. جيىنعا قاتىسقان كولۋمبيا ۋنيۆەرسيتەتى پروفەسسورلارىنىڭ ءبىرى – اتاقتى عالىم, كەڭەس وداعى كەزىندە اقش-تىڭ توتەنشە جانە وكىلەتتى ەلشىسى قىزمەتىن اتقارعان دجەك مەتلوك قازاقستاندىق ارىپتەستەرمەن شۇيىركە­لەسە اڭگىمەلەستى. قازۇۋ باسشىلىعى بيىلعى جىلدىڭ مامىرىندا حالىق­ارالىق قاتىناستاردىڭ تەورياسى مەن پراكتيكاسىن جەتە مەڭگەرگەن پروفەس­سور د.مەتلوكتى تاجىريبە الماسۋ ماق­ساتىندا قازاقتىڭ جەتەكشى ۋنيۆەر­سيتەتىنە قوناقتاپ قايتۋعا شاقىردى. كولۋمبيا ۋنيۆەرسيتەتىندە وتكەن كەزدەسۋ بارىسىندا ەكى جاقتى قارىم-قاتىناستى نىعايتۋ ماقساتىندا ءجۇر­گىزىلگەن كەلىسسوزدەر نەگىزىندە ارنايى قۇجاتتاماعا قول قويىلماقشى. قورعانبەك امانجول. كورمەگە دايىندىق قىزۋ جۇرگىزىلۋدە بيىل 26-29 مامىر ارالىعىندا استانادا ەلىمىزدە تۇڭعىش رەت اسكەري تەحنيكا, قارۋ-جاراق پەن دۇنيە-م ۇلىكتىڭ “KADEX – 2010” حالىقارالىق كورمەسى وتپەك. الەمدىك ارەنادا ەلىمىزدىڭ ابىرويىن اسقاقتاتا تۇسەتىن شارالاردىڭ ءبىرى بولىپ سانالاتىن وسى كورمەگە دايىندىق جۇمىستارى قىزۋ ءجۇرىپ جاتىر. وسىعان وراي, ەلىمىز قارۋلى كۇشتەرى اسكەرلەرىن پاتەرلەرگە ورنالاستىرۋ باس باسقارماسىنىڭ باستىعى, پولكوۆنيك ابدىحالىق بازارقۇلوۆپەن بولعان اڭگىمە كورمەگە دايىندىق جۇمىستارى توڭىرەگىندە ءوربىدى. – پولكوۆنيك مىرزا, العاشقى سۇراعىمىز كورمەنىڭ وتكىزىلۋ ورنى جونىندە بولماق.. – ەلىمىزدىڭ اسكەري سالاسىندا بۇرىن-سوڭدى كولەمى ءارى سيپاتى تۇرعىسىنان مۇنداي شارا وتكىزىلىپ كورگەن ەمەس. سوندىقتان بۇل شارا­نىڭ ۇيىمداستىرىلۋىن مەملەكەت­تىك دەڭگەيدە قاراستىرۋعا بولادى. بۇل يگى ءىس ەل قارۋلى كۇشتەرىنىڭ جو­­­عار­عى باس قولباسشىسى نۇرسۇل­تان نازارباەۆتىڭ ءتول اسكەرىمىزدىڭ بەدەلىن ارتتىرۋ ماقساتىندا العا قويعان تاپسىرماسىن ورىنداۋ شەڭبەرىندە ىسكە اسىپ وتىر. سون­دىق­تان كورمەنىڭ ءوتۋ ورنى باسىن­دا-اق بەلگىلەنىپ قويعان بولاتىن. ول – استانا حالىقارالىق اۋە­جايى­نىڭ ىرگەسىندە ورنالاسقان قور­عانىس مينيسترلىگىنە قاراستى اسكەري سەكتوردىڭ اۋماعى. 3 ۇشاق انگارى مەن اۆياتسيالىق-تەحنيكا­لىق قىزمەت كورسەتۋ ءبولىمىنىڭ نىسا­نى بولىپ تابىلاتىن اۋماق كولەمى – 7 700 شارشى مەتر. بۇعان قوسىمشا 61 560 شارشى مەتر جەردى قامتىعان ۇشاقتار تۇراعىنا جال­عاسىپ جاتقان تەرريتورياعا دا كور­­مەگە قويىلاتىن ونىمدەر ورنالا­ساتىن بولادى. – حالىقارالىق دارەجەدە كورمە ۇيىمداستىرۋ وڭاي شارۋا ەمەس. كورمە وتكىزۋ جۇمىستارىنىڭ جاۋاپتى بولىگى ءسىز باسقارىپ وتىرعان بولىمگە مىندەتتەلىپتى. سولارعا توقتالىپ وتسەڭىز. – كورمەنىڭ نەگىزگى ۇيىمداس­تىرۋ­شىسى قورعانىس مينيسترلىگى بولعاندىقتان, اتقارىلار جۇمىس اۋقىمىن ەلىمىزدىڭ قورعانىس مي­نيسترى ادىلبەك جاقسىبەكوۆ اي­قىن­داپ, ناقتى تاپسىرمالار بەردى. ات­قارىلار جۇمىس اۋقىمى جەت­كىلىكتى. اتاپ ايتسام, ۇشاقتار تۇرا­تىن ورىندى كەڭەيتۋ ماق­ساتىن­دا 1 620 اەرودروم پليتاسىن توسەۋ قاجەت. ۇزىندىعى 270, ەنى 6 مەتر­ بولا­تىن كىرەبەرىس جولدى جاساۋ ءۇشىن دە 135 پليتا توسەمەكپىز. سۋ قۇبىر­لارى مەن جارىق جەلىلەرىن جەت­كىزۋ دە ءبىزدىڭ مىندەتىمىزدە. كورمەگە قاتى­سۋ­شى­لارمەن بىرلەسىپ, تاۋار­لارىن كورسەتۋگە ارنالعان ورىندار­دى جا­ساق­تاۋىمىز قاجەت. باقىلاۋ الا­ڭى, مىنبەلەر, تۇعىر­لار, ءتۇرلى قالىپتاعى قۇراستىر­ما­لار. ونداعان توننا سالماعى بار اۋىر قارۋ-جاراقتان باستاپ, الا­قان­عا سىيىپ كەتەتىن كومان­دير ءدۇر­بىسىنە دەيىنگى تاۋار­لاردى ماماندار نازارىنا ىلىگەتىندەي ەتىپ ورنالاس­تىرۋ كەرەك. كەيبىر ونىمدەر ءۇشىن اشىق اسپان استى نەمەسە جابىق الاڭ ءتارىزدى ارنايى جاعدايلار جاساي­مىز. وعان قوسا, كورمە جۇمى­سى بارى­سىندا كەلىس­سوزدەر جۇرگىزىپ, جاسالعان كەلى­سىم-شارتتاردى ءراسىم­دەۋگە قاجەتتى كەڭسە ورىندارى كەرەك­تىگى تاعى بار. بۇل باعىتتا اتقارىلىپ جاتقان شارۋا سان الۋان. سونداي-اق, اسكەري ءبولىم­دەردىڭ ءبىر­قاتار نىسان­دارىن كۇردەلى ءجون­دەۋ­دەن وتكىزۋ كەرەك. كورمە اۋماعىنىڭ توڭىرەگىن كوگال­دان­دىرىپ, جوعارى دەڭگەيدەگى تالاپ­تارعا ساي بەزەندىرۋ دە بىزگە جۇكتەلىپ وتىر. بۇل جۇمىس­تارعا مەملەكەتتەن 42 ملن.تەڭگە بولىنگەن. ءبىز ءوز مىندەتى­مىزگە اسقان جاۋاپكەرشىلىكپەن قارايمىز. اسكەري تارتىپكە ۇيرەن­گەندىكتەن, بەرىلگەن تاپسىرمانى بارىنشا ناق­تى, ءدال ورىندايمىز دەپ سەندىرگىم كەلەدى. – ابدىحالىق ءابدىرايىم ۇلى, “KADEX – 2010” حالىقارالىق كورمەسى اياقتالعان سوڭ اتقارىلعان جۇمىستار ناتيجەسى نە بولماق؟ كور­مەگە ارنالىپ جاساقتالعان ايماق ودان ءارى قانداي ماقساتتا قولدانى­لا­تىن بولادى؟ – جوعارىدا ايتىپ وتكەنىمىز­دەي, دايىندىق جۇمىستارى قور­عانىس مينيسترلىگىنە قاراستى ءاس­كەري ءبولىم جانىندا جۇزەگە اسىرى­لۋدا. دەمەك, بۇل كورمە ايماعىنا ارنالىپ جاساقتالاتىن ايماق بۇدان سوڭ دا اسكەري سالانىڭ كادەسىنە جارايدى دەگەن ءسوز. باسقاشا ايت­ساق, ءبىر وقپەن ەكى قويان اتىپ وتىر­عان جايىمىز بار, ويتكەنى, مۇنداي ورىندار كەلەشەكتە قاجەت بولاتىن­دىعى داۋسىز. تۇڭعىش قارۋ-جاراق كورمەسى ەلىمىز ۇيىمداستىرىپ وتىرعان ماڭىزدى شارالاردىڭ سوڭعىسى دەپ ويلامايمىن. –  اڭگىمەڭىزگە راحمەت.