قر ەنەرگەتيكا ۆيتسە-ءمينيسترى مۇناي, كەن ءوندىرۋ ىسىندەگى جوسپارلارمەن ءبولىستى.
«2018 جىلى قاشاعاننان 12 ميلليون توننا مۇناي ءوندىرۋدى جوسپارلاپ وتىرمىز. ارينە, مۇنىمەن شەكتەلىپ قالمايمىز. ءبىز كەن ورنىن وڭدەۋدىڭ العاشقى كەزەڭىندە كەلە جاتىرمىز. كەن ورنىنىڭ مۇمكىندىكتەرىن كەڭەيتۋ بويىنشا تۇجىرىمدامانى اياقتاعان سوڭ, قاشاعاننان مۇناي ءوندىرۋ كولەمىن ارتتىرۋعا كوشەمىز. اتالمىش كەن ورنىنىڭ بولاشاعى زور», - دەدى م.مىرزاعاليەۆ.
سونداي-اق ماعزۇم مىرزاعاليەۆ وز سوزىندە قازاقستان مۇنايدى ەش كەدەرگىسىز ەكسپورتتاي الاتىنىن ايتتى.
«بىزدە ەكسپورتتايتىن باعىتتارىمىز بار. قاشاعان مۇنايى كاسپي قۇبىر جەلىسى كونسورتسيۋمىنىڭ باعىتى بويىنشا قارا تەڭىزگە جانە الەمدىك نارىققا جەتكىزىلەدى. بىزدە كاسپي باعىتىن دامىتۋ بويىنشا ارنايى جوسپارلار بار. سونداي-اق, اقتاۋ تەڭىز پورتى, قۇرىق پورتى ارقىلى باكۋ, ماحاچكالاعا تاسىمالداۋعا مۇمكىندىك بار. ەلىمىزدىڭ ەنەرگيا رەسۋرستارىن ەسپورتتاۋدا ەشقانداي كەدەرگىلەر كورىپ تۇرعان جوقپىز», - دەدى ەنەرگەتيكا ۆيتسە-ءمينيسترى.
