ونداعى ماقسات – ۆەنەسۋەلاداعى بوسقىندارىنىڭ تۇيتكىلىن شەشۋ. كريۋگەردىڭ ايتۋىنشا, ليما مەن بوگوتا وسى جاعدايعا قاتىستى باسقا ەلدەرمەن بىرلەسە جۇمىس اتقارۋعا دايىن.
«كوشى-قون داعدارىسىمەن كۇرەسۋ ءۇشىن قولدان كەلگەندى جاسايمىز. باس ساۋعالاپ قاشقان ۆەنەسۋەلالىقتار تۋرالى مالىمەتتەردى ءبىلۋ جۇمىستى ءبىراز جەڭىلدەتەدى. ويتكەنى ولاردىڭ سانى كۇن ساناپ ءوسىپ جاتىر. بۇل جايتتى جاسىرا المايمىز. برازيليا ۇكىمەتى ۆەنەسۋەلامەن شەكارادا ورنالاسقان رورايما شتاتىنا قارۋلى كۇشتەرىن جىبەرمەك. ەل پرەزيدەنتى ميشەل تەمەردىڭ ايتۋىنشا, بۇل شارا برازيليالىقتار مەن ۆەنەسۋەلالىق ميگرانتتاردىڭ قاۋىپسىزدىگىن قامتاماسىز ەتۋ ءۇشىن جاسالىپ وتىر», دەيدى كريستيان كريۋگەر.
ۆەنەسۋەلاداعى ساياسي جانە ەكونوميكالىق داعدارىس ۋشىعۋى سالدارىنان تۇرعىندار ەلدەن قونىس اۋدارۋعا ءماجبۇر بولىپ وتىر.
حالىقارالىق كوشى-قون ۇيىمىنىڭ دەرەگى بويىنشا, 2015-2017 جىلدار ارالىعىندا ميگرانتتاردىڭ سانى 10 ەسەگە ارتقان, ياعني 700 مىڭنان 1 جارىم ميلليونعا وسكەن.
