24 جاسار قازاقستاندىق ازامات دياس قادىرباەۆ 2015 جىلى امەريكا تۇرمەسىندە 6 جىلعا جازاسىن وتەۋگە سوتتالعان بولاتىن. ول 2013 جىلى بوستوندا اعايىندى تسارناەۆتار جاساعان لاڭكەستىك اكتىنى تەرگەۋ كەزىندە ايىپتى دەپ تانىلدى. اتاپ ايتقاندا, ول دوسى ازامات تاجاياقوۆپەن بىرگە اعايىندى تسارناەۆتاردىڭ پيروتەحنيكا سالىنعان ارقا قورجىنى مەن نوۋتبۋگىن جويىپ جىبەرگەن بولاتىن.
سىرتقى ىستەر مينيسترلىگى قادىرباەۆتىڭ مەرزىمىنەن بۇرىن بوستاندىققا شىعاتىنىن وسىعان دەيىن حابارلاعان بولاتىن. ول جازاسىن تەحاس شتاتىنداعى «Big Spring» فەدەرالدى تۇرمەسىندە وتەدى.
29 تامىز كۇنى دياس قادىرباەۆ اقش-تىڭ فەدەرالدىق تۇرمەسىنەن بوساتىلدى. بۇل اقپاراتتى وسى ەلدىڭ يمميگراتسيالىق جانە كەدەندىك پوليتسياسىنىڭ رەسمي وكىلى راستادى.
«قادىرباەۆ مىرزا اقش-تان قازاقستانعا دەپورتاتسيانى كۇتىپ, اقش-تىڭ يمميگراتسيالىق جانە كەدەندىك پوليتسياسىنىڭ قاماۋىندا قالادى», دەيدى پوليتسيانىڭ ءباسپاسوز حاتشىسى دجون موحان.
