قۇرمەتتى قازاقستاندىقتار!
قازاقستان حالقى اسسامبلەياسى سىزدەردى مەملەكەتتىك مەرەكە – قازاقستان رەسپۋبليكاسى كونستيتۋتسياسىنىڭ كۇنىمەن شىن ىقىلاسپەن قۇتتىقتايدى!
1995 جىلعى 30 تامىزدا جالپىحالىقتىق رەفەرەندۋمدا ەلىمىزدىڭ قولدانىستاعى كونستيتۋتسياسى قابىلداندى. ول ادام ءومىرىن, ونىڭ قۇقىقتارى مەن بوستاندىقتارىن ەڭ جوعارى قۇندىلىقتار دەپ ايقىنداپ, ەل دامۋىنىڭ نەگىزىن قالادى. الەۋمەتتىك باعدارلانعان ەكونوميكا, يدەولوگيالىق جانە ساياسي ارالۋاندىق, بارشانىڭ زاڭ الدىنداعى تەڭدىگى قازاقستاننىڭ قۇقىقتىق دامۋىنىڭ باسىمدىقتارى بولىپ تابىلادى.
ەلدىڭ اتا زاڭىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلى تابىسپەن جۇزەگە اسىرىلعان.
تاۋەلسىزدىك جىلدارى قازاقستان قۋاتتى مەملەكەتكە اينالدى. ءبىزدىڭ بارلىق تابىستارىمىز بەن جەتىستىكتەرىمىز – ءتۇرلى ەتنوستار مەن كونفەسسيالاردىڭ وكىلدەرىن ءبىرتۇتاس حالىق, ءبىرتۇتاس ۇلت ەتىپ بىرىكتىرگەن دايەكتى ساياساتتىڭ جەمىسى.
قىمباتتى وتانداستار!
بۇگىندە كونستيتۋتسيا قازاقستاندى الەمنىڭ وزىق دامىعان 30 ەلىنىڭ قاتارىنا جەتكىزۋ جولىنداعى جاڭعىرتۋدى, دەموكراتيالىق ينستيتۋتتاردى نىعايتۋدى, ازاماتتاردىڭ ءال-اۋقاتىن ارتتىرۋ مەن قوعامدى جۇمىلدىرۋ پروتسەسىن ودان ءارى ىسكە اسىرۋدىڭ قۋاتتى فاكتورى بولىپ تابىلادى.
وسىناۋ مەرەكەلى كۇنى بارشا قازاقستاندىقتارعا بەيبىت كۇن, يگى تابىستار مەن بەرەكەلى بىرلىك تىلەيمىز! ءار شاڭىراقتا تاتۋلىق, كەلىسىم مەن ءوزارا تۇسىنىستىك ورناپ, بۇل مەرەكە ءاردايىم بويىمىزعا كۇش-قۋات, العا قويعان ماقساتتارعا قول جەتكىزۋدە كوڭىلىمىزگە سەنىم بەرسىن!
قازاقستان حالقى اسسامبلەياسىنىڭ كەڭەسى
