Oقىس وقيعا جەرگىلىكتى ۋاقىتپەن 29 تامىز كۇنى ساعات 4:30 شاماسىندا حۋرگادا-كاير تاس جولىندا بولعان. جول-كولىك وقيعاسى سالدارىنان ءارتۇرلى دەنە جاراقاتىمەن ەكى قازاقستان ازاماتى جاقىندا ورنالاسقان «راس-گاريب» ەلدى مەكەنىنىڭ اۋرۋحاناسىنا جەتكىزىلگەن. ول جەردە قازاقستان ازاماتتارىنا مەديتسينالىق كومەك كورسەتىلگەن.
«قازىرگى ۋاقىتتا قازاقستان كونسۋلىنىڭ كۇش سالۋىمەن تولىققاندى مەديتسينالىق كومەك كورسەتىپ, قوسىمشا دياگنوستيكالىق پروتسەدۋرالاردى جۇرگىزۋ ءۇشىن قر-نىڭ اتالعان ەكى ازاماتى جەدەل جاردەم كولىگىمەن حۋرگادا قالاسىنداعى ء«ال-مىسري» اۋرۋحاناسىنا جەتكىزىلەتىن بولادى», - دەلىنگەن حابارلامادا.
اۆتوبۋستاعى قالعان باسقا جولاۋشىلاردىڭ جاعدايى قاناعاتتانارلىق. حۋرگاداعا جەتكىزىلگەن ولارعا جەرگىلىكتى اۋرۋحانادا مەديتسينالىق كومەك كورسەتىلەننەن كەيىن قوناق ۇيلەرىنە قايتىپ, دەمالىستارىن جالعاستىرۋدا.
«جاعداي مىسىرداعى قازاقستان ەلشىلىگىنىڭ باقىلاۋىندا», - دەپ حابارلادى قر ءسىم ءباسپاسوز قىزمەتى.
