الماتىدا قر كونستيتۋتسياسى كۇنى قارساڭىندا «نۇر وتان» پارتياسى الماتى قالالىق فيليالى مەن «MEGA Center Almaty» ساۋدا ويىن-ساۋىق كەشەنى بىرلەسىپ, بالالار ۇيلەرىنىڭ تاربيەلەنۋشىلەرى مەن جاعدايى تومەن وتباسىلارىنداعى بالالار ءۇشىن قايىرىمدىلىق اكتسياسىن وتكىزدى.
مەرەكەلىك شارا بارىسىندا بۇلدىرشىندەر ءتۇرلى بايقاۋلارعا قاتىسىپ, ولارعا جۇلدەلەر مەن سىيلىقتار تابىس ەتىلدى. ارنايى بالالار ءۇشىن «HAPPYLON» ويىن-ساۋىق ايماعى تەگىن جۇمىس ىستەدى.
- بۇل اكتسيا جىل بويى ۇيىمداستىرىلاتىن بولادى. ءبىز بارلىق بالالارعا مەرەكەلىك كوڭىل كۇي سىيلاعىمىز كەلەدى. ولاردىڭ كەيبىرەۋلەرى مۇنداي اتتراكتسيونداردى العاش رەت كورىپ وتىر. سونىمەن قاتار, بۇگىن تەگىن كونتسەرت وتەدى, ۆيكتورينا ويناتىلادى. ءبىزدىڭ سەرىكتەستەر وسىنداي باستامانى قولداپ, قول ۇشىن سوزىپ وتىر. سونداي-اق, از قامتىلعان وتباسىلارىنىڭ بالالارىنا مەكتەپكە بارۋعا بارلىق قاجەتتى ماڭىزدى كەرەك-جاراق زاتتار ۇلەستىرىلدى, - دەدى «نۇر وتان» پارتياسى الماتى قالالىق فيليالى توراعاسىنىڭ ورىنباسارى الماجان باقتۇرازوۆا.
- ءبىزدىڭ قالامىزدا ويىن-ساۋىق ورتالىقتارى كوپ, بىراق بارلىعى ءۇشىن قولجەتىمدى ەمەس. بۇگىنگى شارانىڭ ارتىقشىلىعى بالالارعا ويىن كارتالارى تاراتىلىپ, وزىنە ۇناعان ويىن اۆتوماتتارىن تاڭداۋ مۇمكىندىگىنە يە بولدى. مۇنداي اكتسيالار ۇلكەن اتا-انالار مەن بالالار ءۇشىن قولداۋ قولداۋ بولىپ تابىلادى- دەپ اتاپ ءوتتى شارا قاتىسۋشىسى, ەكى بالانىڭ اناسى ولگا.
ۇيىمداستىرۋشىلاردىڭ ايتۋىنشا, وسىنداي اكتسيالار كونستيتۋتسيا كۇنى قارساڭىندا ۇنەمى ۇيىمداستىرىلىپ وتىرادى. اۋداندىق پارتيا فيليالدارى بۇنداي ءىس-شارالاردى جۇرگىزەدى.
قايىرىلدىلىق اكتسياسىنان شاتتانىپ ءماز بولعان بۇلدىرشىندەر ەرەكشە ارايعا بولەنىپ, اتا زاڭنىڭ شۋاعىن سەزىنگەندەي, مەرەيلەنىپ تارقاستى.
ساپارباي پارمانقۇل,
«ەگەمەن قازاقستان»
الماتى
