بۇگىن قازاقستان رەسپۋبليكاسىنىڭ كونستيتۋتسيا كۇنىنە وراي "ازاماتتارعا ارنالعان ۇكىمەت" مەملەكەتتىك كورپوراتسياسىنىڭ قىزىلوردا وبلىسى بويىنشا فيليالىندا مەرەكەلىك ءىس-شارا ءوتتى. اتا زاڭىمىزدىڭ 23 جىلدىعىنا وراي حالىققا قىزمەت كورسەتۋ ورتالىعىنا كەلگەن ءاربىر 23-ءشى ازامات سىيلىققا كىتاپ الدى.
ءساتتى كەزەك يەلەرى 100-گە جۋىق كىتاپتىڭ ىشىنەن وزىنە قىزىقتىسىن تاڭداپ الۋ قۇقىعىنا يە بولدى. ونىڭ ىشىندە ساياسي-قوعامدىق, تاريحي كىتاپتارمەن قاتار, ءار كىتاپحانانىڭ تورىنەن ورىن العان تۋىندىلار - ەلباسىنىڭ كىتاپتارى دا بولدى.
ء«بىز ءار قىزمەت الۋشىنىڭ كوڭىلىنەن شىعاتىنداي ءتۇرلى تاقىرىپتاعى كىتاپتاردى جينادىق. كىتاپقۇمار قاۋىمنىڭ قاتارىندا جاستارىمىزدىڭ كوپتىگى قۋانتادى. كىتاپ – قاي كەزدە دە قۇندى سىيلىق بولىپ قالا بەرمەك», دەدى فيليال ديرەكتورى ايدىن قايرۋللاەۆ.
