«بەيبىت ميسسيا-2018» جاتتىعۋى چەليابى وبلىسىنداعى چەباركۋل پوليگونىندا ءوتىپ جاتىر. شاراعا شانحاي ىنتىماقتاستىق ۇيىمى ەلدەرىنەن ءۇش مىڭداي اسكەري قىزمەتكەر جانە 500-گە جۋىق جەر جانە اۆياتسيالىق تەحنيكا تارتىلعان.
قازاقستان قارۋلى كۇشتەرىنىڭ اتىنان سۋ-30سم ەكى جويعىشى, سۋ-25 ەكى شابۋىلداۋشى جانە س-295 تۋربينالى-ءۆينتتى كولىك ۇشاقتارى ءوز قاۋقارىن پاش ەتەتىن بولادى. سەگىز جىلدىق ەڭبەك ءوتىلى بار مايور ازات ابدۋلين اۋەدە 650 ساعات ۇشىپ ۇلگەرگەن. بۇگىن ول سۋ-25 جويعىشىن تىزگىندەيدى. وقۋ-جاتتىعۋ جۇمىستارى اياسىندا باسقا ەلدىڭ ۇشقىشتارىمەن بىرگە اۋەدە بارلاۋ جۇرگىزىپ, اسكەريلەردى قورعاپ, اۋە شابۋىلىن جاساۋدى جەتىك مەڭگەرەتىن بولادى.
ء«بىزدىڭ باستى مىندەتىمىز – قويىلعان تاپسىرمالاردى ۋاقىتىندا دايىنداپ, ۇشاقتى ۇشقىشتارعا دايىنداپ بەرۋ. ءبارىن تەكسەرۋىمىز كەرەك, كورۋىمىز كەرەك. «بەيبىت ميسسياعا» قازاقستان, رەسەي, قىتاي, ءۇندىستان, پاكىستان, قىرعىزستان جانە تاجىكستاننىڭ اسكەري باسقارما بولىمشەلەرى, قۇرلىق كۇشتەرى جانە اۆياتسيالارى جۇمىلدىرىلعان. وزبەكستان – باقىلاۋشى ەل. جاتتىعۋدىڭ باستى ماقساتى – لاڭكەستىككە قارسى وپەراتسيانى وتكىزۋ كەزىندە اسكەريلەردىڭ بارىنشا بىرلەسە ارەكەت ەتۋىنە قول جەتكىزۋ», دەيدى سۋ-25 اعا تەحنيگى باكتىبەك ساپارشاەۆ.
