جاڭا وقۋ جىلى قارسانىندا «مەكتەپكە جول» رەسپۋبليكالىق اكتسياسى باستالىپ كەتتى. بيىل وسى الەۋمەتتىك باستامادان «باتىس» وڭىرلىك قولباسشىلىعىنىڭ اسكەري قىزمەتشىلەرى دە تىس قالماي, 50-گە جۋىق وقۋشىنى مەكتەپكە ازىرلەدى. الايدا, اكتسيانىڭ قىركۇيەك ايىنىڭ اياعىنا دەيىن سوزىلۋىنا بايلانىستى وقۋشىلاردىڭ سانى ءالى كوبەيۋى مۇمكىن.
اتالمىش قايىرىمدىلىق كومەك اسكەري قىزمەتشىلەردىڭ وتباسىلارىمەن جۇمىستى ۇيىمداستىرۋ قىزمەتىمەن, كوپبالالى جانە بەلگىلى ءبىر سەبەپتەرمەن تاعدىر قىسپاعىنا تۇسكەن وتباسىلارعا كورسەتىلدى. اسكەري قىزمەتشىلەر وقۋشىلاردى مەكتەپكە قاجەت قۇرالدارمەن, كيىم-كەشەكتەر مەن كانتسەلياريالىق تاۋارلارمەن قامتاماسىز ەتتى.
اسكەري قىزمەتشىلەردىڭ وتباسىلارىمەن جۇمىستى ۇيىمداستىرۋ قىزمەتىنىڭ باستىعى ەلۆيرا اقىنباەۆانىڭ ايتۋىنشا, باستامانىڭ باستى ماقساتى – كوپبالالى, تولىق ەمەس, اتا-اناسىنىڭ قاراۋىنسىز قالعان وتباسىلاردى ۇمىتپاي, ولارعا كومەك كورسەتۋ. وسى اكتسيانىڭ ارقاسىندا, تاعى دا ونعا جۋىق وتباسىعا قولداۋ كورسەتەمىز دەگەن جوسپارلارىن بار ەكەنىڭ ايتىپ كەتتى.
«باتىس» وڭىرلىك قولباسشىلى ءتۇرلى اكتسيالار مەن الەۋمەتتىك باعدارلامالارعا ۇدايى قولداۋ كورسەتىپ وتىرادى, «مەكتەپكە جول» اكتسياسى بولسا كەڭ كولەمدە بيىل ءتورتىنشى مارتە وتكىزىلۋدە. بيىل بارلىق كوپبالالى اسكەري قىزمەتشىلەردىڭ وتباسىلارىنا تولىقتاي كومەك كورسەتىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
