قر پرەزيدەنتى اكىمشىلىگىنىڭ كەلىسىمى بويىنشا باتىس قازاقستان وبلىسى اكىمىنىڭ وكىمىمەن يساقۇلوۆ راحىمجان ەرجان ۇلى وبلىس اكىمى اپپاراتىنىڭ باسشىسى بولىپ تاعايىندالدى. ءبىلىمى - جوعارى. «بولاشاق» باعدارلاماسىمەن رويال حوللوۆەي لوندون ۋنيۆەرسيتەتىن «ەكونوميكا جانە مەنەدجمەنت باكالاۆرى» ماماندىعى بويىنشا تامامداعان. جاس كوشباسشىلار باعدارلاماسى اياسىندا جاپونيا ۇكىمەتىنىڭ گرانتى نەگىزىندە ساياسي زەرتتەۋلەر ۇلتتىق ينستيتۋتىنىڭ «مەملەكەتتىك باسقارۋ ماگيسترى» ماماندىعىندا وقىدى. قر پرەزيدەنتى اكىمشىلىگىندە ءارتۇرلى قىزمەتتەر اتقارعان. بۇعان دەيىن قر پرەزيدەنتى اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى بولىمىندە مەملەكەتتىك ينسپەكتور قىزمەتىن اتقاردى.
قانات ءشارىپ ۇلى قاناەۆتىڭ اتقارعان قىزمەتى ءۇشىن العىسىن بىلدىرگەن وبلىس اكىمى التاي كولگىنوۆ «2016 جىلدىڭ مامىر ايىنان بەرى وبلىس اكىمى اپپاراتىنىڭ باسشىسى بولعان ق.قاناەۆ قىزمەت اتقارعان ۋاقىتتا ەلباسىنىڭ كادر تاڭداۋداعى تالاپتارى, اتاپ ايتار بولساق, مەريتوكراتيا قاعيداسى قاتاڭ ساقتالىپ, «ورتالىق-ءوڭىر», ء«وڭىر-ورتالىق» جانە وبلىس ورتالىعى-اۋداندار» روتاتسيالاۋ جۇيەسى ءساتتى جۇزەگە اسىرىلدى», دەپ اتاپ ءوتتى.
ايتا كەتەيىك, وسى ارالىقتا مەملەكەتتىك ورگاندارعا 100-گە جۋىق, ونىڭ ىشىندە وبلىس اكىمى اپپاراتىنىڭ 32 قىزمەتكەرى باسشىلىق لاۋازىمعا وسى قاعيداتتارعا ساي تاعايىندالدى. قىزمەتى بويىنشا جوعارىلاعان ازاماتتاردىڭ 95 پروتسەنتى جەرگىلىكتى كادرلار.
