اتالعان شاراعا جوعارى سوت كەڭەسىنىڭ مۇشەسى, جوعارعى سوتتىڭ سۋدياسى ءادىل قۇرىقباەۆ, جوعارى سوت كەڭەسىنىڭ مۇشەسى, استانا قالالىق سوتىنىڭ سۋدياسى ارداق بالاعۇماروۆا, جوعارى سوت كەڭەسىنىڭ مۇشەسى, رەسپۋبليكالىق ادۆوكاتتار القاسى توراعاسىنىڭ كەڭەسشىسى بالگۇل رايسوۆا قاتىستى.
العاش ءسوز العان ءا.قۇرىقباەۆ ەلىمىزدە مەملەكەتتىك بيلىكتىڭ ءبىر ساتىسى رەتىندە سوت بيلىگى قىزمەت ەتەدى دەدى. ال وسى سوت بيلىگى جوعارعى سوت پەن جەرگىلىكتى سوتتاردى قۇرايدى. مىنە, وسى سوت جۇيەسىنە قاجەتتى مامانداردى تاڭداۋ قىزمەتىن جوعارى سوت كەڭەسى جۇرگىزىپ وتىرادى. جوعارى سوت كەڭەسى ەلىمىز تاۋەلسىزدىك العان كەزدەن باستاپ ساپالى جۇمىس ىستەپ كەلەدى. شەتەلدىك وزىق تاجىريبەلەردى جيناقتادى. وسىلايشا جوعارى سوت كەڭەسى كادرلاردى ىرىكتەۋدىڭ تىڭ تاسىلدەرىن تابا ءبىلدى. سونىڭ ارقاسىندا بۇگىندە سوت جۇيەسى بىلىكتى ماماندارمەن قامتاماسىز ەتىلىپ وتىر.
جوعارى سوت كەڭەسىنىڭ مۇشەلەرى سويلەگەن سوزدەرىندە سۋديالاردىڭ بوس ورىندارىنا ورنالاسۋعا كونكۋرستى وتكىزۋ ءتارتىبىن جاڭعىرتۋدىڭ جانە سۋديا لاۋازىمىنا بىلىكتىلىك ەمتيحاندى تاپسىرۋدى جەتىلدىرۋدىڭ نەگىزگى باعىتتارى تۋرالى دا ايتىپ بەردى.
الەكساندر تاسبولات,
«ەگەمەن قازاقستان»
