امەريكالىق سەناتورلاردىڭ ءبىرى دجون سيدني ماككەين III 2018 جىلى جەرگىلىكتى ۋاقىتپەن 16:28-دە قايتىس بولدى. مارقۇمنىڭ ومىرمەن قوشتاسار ساتىندە جانىندا وتباسى مۇشەلەرىنىڭ بولعانى ايتىلادى زاڭ شىعارۋشىنىڭ اپپاراتى تاراتقان مالىمدەمەدە.
سونداي-اق سەناتور اپپاراتىنداعىلار «ماككەيننىڭ 60 جىل بويى قۇراما شتاتتارعا ادال قىزمەت ەتكەنىن» اتاپ ءوتتى. اقش سەناتورىنىڭ دياگنوزى تۋرالى 2017 جىلى 19 شىلدەدە جاريالانعان. ماككەيننىڭ وكىلدەرى وندا سول جىلعى 14 شىلدەدە فينيكس قالاسىنداعى (اريزونا شتاتى) مەديتسينالىق ورتالىقتىڭ حيرۋرگتەرى ء ساتتى وتا جاساعانىن, سەناتوردىڭ سول كوزىنەن ۇيىعان قاندى الىپ تاستاعانىن حابارلاعان بولاتىن. ال 24 تامىزدا ماككەين دەرتتىڭ اسقىنۋىنا بايلانىستى ەم قابىلداۋىن توقتاتقان ەدى.
دجون ماككەين 29 تامىزدا 82 جاسقا كەلەر ەدى. اقش پرەزيدەنتى دونالد ترامپ قايعىلى وقيعاعا بايلانىستى ساياساتكەردىڭ وتباسىنا كوڭىل ايتتى.
«دجون ماككەيننىڭ وتباسىنا ورنى تولماس قازاعا بايلانىستى كوڭىل ايتامىن. ءبىزدىڭ جۇرەگىمىز بەن دۇعامىز سىزدەرمەن بىرگە», دەپ جازدى ول Twitter پاراقشاسىندا.
