مۇسىلماننىڭ ۇلىق مەرەكەسى - قۇربان ايت مەيرامىنا وراي وتكەن سالتاناتتى شارادا ريددەر اكىمى جومارت مۇراتوۆ مەرەكەگە جينالعان حالىقتى اسارعا شاقىرىپ, عيبادات ورنىنىڭ قۇرىلىسىن اياقتاۋعا اتسالىسۋدى وتىنگەن ەدى. «اسار – قازاق حالقىنىڭ ەجەلدەن كەلە جاتقان ەلدى تۇتاستىققا, بەرەكە-بىرلىككە شاقىراتىن تاعىلىمى مول راسىمدەرىنىڭ ءبىرى. شاھار باسشىسىنىڭ شىركەۋ قۇرىلىسىن اياقتاۋ جونىندەگى ۇسىنىسىن قالالىقتار قۋانا قابىل الدى. ارنايى ەسەپشوت تا اشىلدى.
ەرەكشە اتاپ وتەرلىگى, يگى ىسكە ەڭ ءبىرىنشى بولىپ ريددەر قالالىق مەشىتىنىڭ يمامى جاقسىمبەت نۇريسلام, كاسىپكەرلەر ادام گيلدەرمان مەن بولاتحان كۇزەمباەۆ ءۇن قوسىپ, قۇرىلىسقا قارجىلاي كومەك كورسەتتى. قازىر ارنايى اشىلعان ەسەپشوتقا جان-جاقتان قارجى اۋدارىلىپ جاتىر. تۇسكەن قاراجات 500 مىڭ تەڭگەدەن استى. ءبىزدى قۋانتقانى - كوپ جىل قۇرىلىسى اياقتالماي تۇرعان شىركەۋدىڭ قۇربان ايت مەرەكەسىندە قۇرىلىسىن اياقتاۋ جونىندە شەشىم قابىلدانعانى. بۇل – ەلىمىزدىڭ تۇتاستىعىن, ۇلتتار اراسىنداعى تاتۋلىقتى انىق اڭعارتسا كەرەك», - دەيدى ريددەر قالالىق ىشكى ساياسات ءبولىمىنىڭ باسشىسى انار ورالقىزى.
ازامات قاسىم,
«ەگەمەن قازاقستان»
شىعىس قازاقستان وبلىسى,
ريددەر قالاسى
