قاتىسۋشىلار يادرولىق قارۋدى قولدانۋ مەن سىناقتان وتكىزۋ قۇرباندارىن ەسكە الۋ ءۇشىن ءبىر مينۋت ۇنسىزدىگىك جاريالادى. ءوز سوزىندە, قازاقستاننىڭ تايلاندتاعى ەلشىسى راۋشان ەسبۋلاتوۆا قازاقستاننىڭ يادرولىق قارۋسىزدانۋ جانە جاھاندىق يادرولىق قاۋىپسىزدىكتىڭ ءپرينتسيپتى جانە دايەكتى جاقتاۋشىسى رەتىندە دامۋىنداعى پرەزيدەنت نۇرسۇلتان نازارباەۆتىڭ ايرىقشا ءرولىن اتاپ ءوتتى.
تاۋەلسىزدىگىنىڭ ەلەڭ-الاڭىندا الەمدەگى ءتورتىنشى يادرولىق ارسەنالىنان باس تارتىپ, قازاقستان ەلىمىزدىڭ حالىقارالىق قىزمەتىنىڭ بولاشاعىن ايقىندايتىن تاريحي قادام جاسادى. رەسپۋبليكا يادرولىق قارۋدى تاراتپاۋ تۋرالى جانە يادرولىق سىناقتارعا جاپپاي تىيىم سالۋ تۋرالى شارتتىنا تمد-عا مۇشە مەملەكەتتەردىڭ اراسىندا ءبىرىنشى بولىپ قوسىلدى. سەمەي كەلىسىمىنە قول قويۋ ارقىلى ورتالىق ازياداعى يادرولىق قارۋدان ازات ايماعى قۇرىلدى. قازاقستاننىڭ باستاماسى بويىنشا بۇۇ باس اسسامبلەياسى يادرولىق قارۋدان ازات الەمگە قول جەتكىزۋ جالپىعا بىردەي دەكلاراتسياسىن قابىلدادى. يادرولىق قارۋعا تىيىم سالۋ تۋرالى شارتىنا 2018 جىلعى 2 ناۋرىزدا قول قويۋى قازاقستاننىڭ يادرولىق قارۋسىزدانۋ جولىن ۇستانۋىن راستايدى.
ر.ەسبۋلاتوۆا قاتىسۋشىلاردى مەملەكەت باسشىسى بۇۇ تريبۋناسىندا مالىمدەگەن - 2045 جىلعا قاراي يادرولىق قارۋدان ازات الەمدى قۇرۋ ءورشىل ماقساتىنا قول جەتكىزۋ ءۇشىن كۇش-جىگەردى بىرىكتىرۋگە شاقىردى.
ازتمەاك اتقارۋشى حاتشىسىنىڭ ورىنباسارى كاۆە زاحەدي «دوڭگەلەك ۇستەل» قاتىسۋشىلارىنا ارنالعان ءسوز بارىسىندا «قاۋىپسىزدىك-دامۋ» بايلامى تۇرعىسىندا قازاقستاننىڭ يادرولىق قارۋسىزدانۋعا قاتىستى جۇرگىزىپ جاتقان ساياساتىنىڭ وزەكتىلىگەن اتاپ ءوتتى. تايلاند ءسىم حالىقارالىق ۇيىمدار دەپارتامەنتى باس ديرەكتورىنىڭ ورىنباسارى م.سريسۆاسدي ءوز سوزىندە رەسمي بانگكوكتىڭ يادرولىق قارۋدى تاراتپاۋ ءىسى جولىن ۇستاناتىنىن جانە قازاقستاننىڭ اتالعان باعىتتاعى باستامالارىن قولدايتىنىن مالىمدەدى.
سونىمەن بىرگە رەسەي, موڭعوليا, كۋبا, مىسىر, نيگەريا ەلشىلەرى جانە جاپونيا, مەكسيكا جانە وزبەكستان ەلشىلىكتەرى قازاقستاندىق ديپلوماتتارعا ەلشىلىگىنە ءىس-شارانى وتكىزۋ باستاماسىنا العىس ءبىلدىرىپ, يادرولىق قارۋسىز الەمگە قول جەتكىزۋدە كۇش-جىگەردى بىرىكتىرۋدىڭ ماڭىزدىلىعىن اتاپ ءوتتى. ءىس-شارا شەڭبەرىندە سەمەي پوليگونى جانە يادرولىق سىناقتاردىڭ سالدارى تۋرالى فيلم كورسەتىلدى.
