- جۇمىلا كوتەرگەن جۇك جەڭىل دەمەكشى", بارشاڭىزدى ءبىر كىسىدەي اتسالىسۋعا شاقىرامىن. قازاق ۇلكەندى قۇرمەتتەگەن حالىق. سوندىقتان دا جاس ۇرپاق سىزدەر ايتقان كەڭەسكە قۇلاق سالارى انىق. بىرەۋ بىلمەستىكپەن, ەندى بىرەۋ بىلە تۇرا وسىنداي جاعدايعا بارىپ جاتادى. ال مۇنىڭ سوڭى ميلليونداعان ايىپپۇل نەمەسە تەمىر تورعا قاماۋعا اپارىپ جاتىر. سىبايلاس جەمقورلىقتىڭ سوڭى نەگە اپاراتىندىعى تۋرالى اڭگىمەلەر ءتۇرلى باسقوسۋلاردا ءجيى ايتىلىپ تۇرسا, اقىلعا كەلەتىندەر كوبەيە تۇسەرى ءسوزسىز, دەدى دەپارتامەنت باسشىسى نۇرگۇل جاننازاروۆا.
اۋداندىق ارداگەرلەر كەڭەسىنىڭ توراعاسى اياپبەرگەن بيشەنوۆتىڭ باستاماسىن اۋداندىق انالار كەڭەسىنىڭ ءتورايىمى ايعانىم تولەسباەۆا قولدايتىنىن جەتكىزدى. قوعامدىق ومىرگە بەلسەنە ارالاسىپ جۇرگەن ولار شەتتە قالعىسى جوق, ومىرلىك تاجىريبەسىمەن بولىسپەك.
سونداي-اق, اۋدان اكىمدىگىندە مەملەكەتتىك قىزمەتشىلەرمەن كەزدەسۋ وتكىزىلىپ,سىبايلاس جەمقورلىققا قارسى ساياساتىنىڭ جۇزەگە اسىرىلۋى, مەملەكەتتىك قىزمەت سالاسىنداعى وزگەرتۋلەر مەن تولىقتىرۋلار, مەملەكەتتىك قىزمەتشىلەردىڭ ادەپ جانە مىنەز-ق ۇلىق نورمالارىن ساقتاۋ ماسەلەلەرى ايتىلدى.شاراعا اۋدان اكىمىنىڭ ورىنباسارلارى, ءماسليحات حاتشىسى, "نۇر وتان" پارتياسى اۋداندىق فيليالى, ءبولىم باسشىلارى, مەملەكەتتىك قىزمەتشىلەر جانە مەملەكەتتىك كورسەتەتىن كۆازيمەملەكەتتىك ورگاندارىنىڭ باسشىلارى قاتىستى.
اۋدان اكىمى قىدىربەردى بەكوۆتىڭ ايتۋىنشا, مەملەكەتتىك كورسەتىلەتىن قىزمەتتەردىڭ ساپاسىن جەتىلدىرۋ, قىزمەتتەر كورسەتۋ ۇدەرىسىن مەيلىنشە وڭتايلاندىرۋ, قۇجاتتاردىڭ مەرزىمى مەن تىزبەسىن قىسقارتۋ, قاعازباستىلىقتى ازايتۋ جانە سىبايلاس جەمقورلىقتىڭ الدىن-الۋ بويىنشا ءتۇرلى شارالار جۇرگىزىلۋدە.
قاراقيا اۋدانىنا جاساعان جۇمىس ساپارى اياسىندا دەپارتامەنت باسشىسى نۇرگۇل جاننازاروۆا جانە ادەپ جونىندەگى كەڭەس مۇشەسى قايروللا ەرەجەپوۆ حالىقتى جۇمىسپەن قامتۋ جانە حالىققا قىزمەت كورسەتۋ ورتالىعىندا بولىپ, قۇرىق جانە جەتىباي اۋىلدارىنا بارىپ ازاماتتاردى جەكە سۇراقتارمەن قابىلدادى. اۋدان تۇرعىندارىنىڭ دەنى جۇمىسسىزدىق, جاستار پراكتيكاسى, دەنساۋلىق, ءبىلىم سالاسى جانە مەملەكەتتىك قىزمەتكە جۇمىسقا تۇرۋ جونىندە سۇراقتارعا جاۋاپ ىزدەدى. بارلىق وتىنىشتەر بويىنشا جاۋاپتار بەرىلدى.
قاراقيا اۋدانىنان باستاۋ العان بۇل شارا الداعى ۋاقىتتا وبلىستىڭ باسقا دا اۋداندارىندا جالعاسىن تاپپاق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
