سالتاناتتى شاراعا وبلىس اكىمى بەردىبەك ساپارباەۆ قاتىستى.
- مەملەكەت باسشىسىنىڭ قولداۋىنىڭ ارقاسىندا ءبىزدىڭ ەلىمىزدە جاستاردىڭ لايىقتى ءبىلىم الۋىنا باسقا دا دامىعان ەلدەردەن كەلگەن قاتارلاستارىنان مادەنيەت, ءبىلىم جانە دەنساۋلىق دەڭگەيىنەن ارتتا قالماۋى ءۇشىن بارلىق جاعداي جاسالىپ جاتىر. «بولاشاق» باعدارلاماسى, جاڭا مەكتەپتەر, سپورتتىق عيماراتتار جانە مادەني نىساندار – بۇنىڭ بارلىعى ءبىزدىڭ بالالار ءۇشىن. پرەزيدەنتتىڭ «رۋحاني جاڭعىرۋ» باعدارلاماسىنىڭ اياسىندا بيىلعى جىل ايماقتا بالا جىلى دەپ جاريالانىپ, ءىس-شارالاردى جۇزەگە اسىرۋعا بيۋدجەتتەن 4 ملرد استام تەڭگە ءبولىندى. بۇدان باسقا, بالالاردى دامىتۋعا جانە ولارعا كومەكتەسۋگە باعىتتالعان ءتۇرلى جوبالاردى جۇزەگە اسىرۋعا دەمەۋشىلەر - جەرگىلىكتى كاسىپورىندار مەن ۇيىمدار, قاراپايىم ازاماتتار اتسالىسۋدا. بايعانين اۋدانىنداعى شىعارماشىلىق اكادەميانىڭ جانە بالالاردى وڭالتۋ ورتالىعىنىڭ اشىلۋى «باقىتتى بالا» جوباسىنىڭ ءبىر بولىگى بولىپ تابىلادى. ءبىزدىڭ باستى ماقساتىمىز - بالالاردى وتانىمىزدىڭ وركەندەۋى ءۇشىن سالاۋاتتى, مىقتى, اقىلدى جانە رۋحاني باي بولۋعا تاربيەلەۋ, - دەدى وبلىس اكىمى ءوز قۇتتىقتاۋ سوزىندە.
جاڭا اكادەميانىڭ قۇرىلىسى مەن جابدىقتالۋىنا 58 ملن. تەڭگە ءبولىندى. مۇندا بالالار بي ۇيىرمەسى, كەسكىندەمە, روبوتوتەحنيكا, فوتو-شەبەرحانالار, جەرگىلىكتى تاريح, راديوتەحنيكا, وبسەرۆاتوريا جانە تاعى باسقالارى بار. وعان 800-دەن استام بالا كەلەدى.
ايتا كەتەيىك, بۇل نىسان وتكەن جىلى اقتوبەدە اشىلعان قازىرگى زامانعى شىعارماشىلىق اكادەمياسىنىڭ انالوگى. بۇگىندە شامامەن 8000 بالا 50-دەن استام ءتۇرلى ۇيىرمەلەر مەن ساباقتارعا بارادى.
