ۆ. ۆورونكوۆ بۇۇ قاۋىپسىزدىك كەڭەسىنىڭ مۇشەلەرىنە بۇۇ باس حاتشىسى انتونيۋ گۋتەرريشتىڭ دايش تەرروريستىك ۇيىمىنان حالىقارالىق بەيبىتشىلىككە جانە قاۋىپسىزدىككە قاۋىپ-قاتەرلەرى جانە بۇۇ-نىڭ مۇشە-مەملەكەتتەرگە وسى قاۋىپ-قاتەرلەرىنە قارسى ارەكەتتەرگە كورسەتىپ جاتقان قولداۋلارى تۋرالى 7-ءشى بايانداماسىن ۇسىندى.
وتىرىس بارىسىندا قازاقستاننىڭ بۇۇ جانىنداعى تۇراقتى وكىلى قايرات وماروۆ تەرروريزمگە قارسى كۇرەس ءۇشىن حالىقارالىق, وڭىرلىك جانە ۇلتتىق دەڭگەي كۇش-جىگەرلەردى بىرىكتىرۋ شاقىرىپ, باسىم ماقساتى رەتىندە جاستار اراسىندا تەرروريزمدى جانە ەكسترەميزمدى تاراتۋدى الدىن الۋدى اتادى.
ق.وماروۆ سونداي-اق قازاقستاننىڭ بىرقاتار ناقتى ۇسىنىستارىن اتاپ ءوتتى. ولاردىڭ ىشىندە مەملەكەت باسشىسى باستاماشىلىق ەتكەن اتالعان قاۋىپ-قاتەرمەن كۇرەسۋ ءۇشىن بۇۇ-نا مۇشە-مەملەكەتتەردىڭ كوپجاقتى ساياسي مىندەتتەمەسى رەتىندەگى «تەرروريزمنەن ەركىن بەيبىت الەمگە قول جەتۋ ءۇشىن ارەكەت كودەكسىن» قابىلداۋ.
سونىمەن قاتار, ەسىرتكىنىڭ زاڭسىز اينالىمى, تابيعي رەسۋرستار مەن مادەني ارتەفاكتىلەردى زاڭسىز ساتۋ, سونداي-اق تەرروريزمدى قارجىلاندىرۋدىڭ نەگىزگى كوزدەرى بولىپ تابىلاتىن جاڭا تەحنولوگيالار مەن تولەم ادىستەرىن قاتاڭ باقىلاۋ مەن جولىن كەسۋگە ەرەكشە نازار اۋدارىلدى.
ايماقتىق جانە حالىقارالىق دەرەك قورلار اراسىندا تەرروريستەرگە قاتىستى بيومەتريالىق اقپاراتتارمەن الماسۋدى كۇشەيتۋ قاجەتتىلىگى ايتىلدى. بۇل ءوز جاعىنان دەسترۋكتيۆتى توپتار مەن جەكە تۇلعالار تۋرالى ۋاقتىلى اقپارات الۋعا, سونداي-اق ينتەرنەت جەلىسىندەگى تەرروريستىك يدەيالاردى تاراتۋىن الدىن-الۋدىڭ ماڭىزدىلىعى باسا اتاپ ءوتىلدى.
قازاقستاننىڭ تۇراقتى وكىلى سونداي-اق تەرروريستىك قاۋىپ-قاتەر دەڭگەيى جوعارى ەلدەرىندە تۇراقتى ەكونوميكالىق دامۋىن جانە تەرروريستىك ارەكەتىنە قاتىستىرۋعا بالاما رەتىندە ەڭ الدىمەن جاستاردى جۇمىس ورىندارمەن قامتاماسىز ەتۋ قاجەتتىلىگىنە نازار اۋداردى.
ۇلىبريتانيا سىرتقى ىستەر ءمينيسترى دجەرەمي حانتتىڭ توراعالىمەن وتكەن قاۋىپسىزدىك كەڭەستىڭ وتىرىسىندا بۇۇ تەرروريزمگە قارسى اتقارۋشى ديرەكتوراتتىڭ ديرەكتورى ميشەل كوننيكس, راديكاليزاتسيانى زەرتتەۋ جونىندەگى حالىقارالىق ورتالىقتىڭ جەتەكشى ساراپشىسى دجوانا كۋك, سونداي-اق قاۋىپسىزدىك كەڭەستىڭ باسقا مۇشەلەرى ءسوز سويلەدى.
وتىرىس الدىندا قاۋىپسىزدىك كەڭەس مۇشەلەرى جانە بۇۇ باس حاتشىسى انتونيۋ گۋتەرريش 2018 جىلعى 18 تامىزدا كوز جۇمعان بۇۇ-نىڭ بۇرىنعى باسشىسى كوفي انناندى ءبىر مينۋت ۇنسىزدىكپەن ەسكە الدى.
