ايماقتار • 25 تامىز، 2018

ماۋلەن اشىمباەۆ ارنايى ساپارمەن شىعىس قازاقستان وبلىسىنا كەلدى

274 رەتكورسەتىلدى

«؛نۇر وتان»؛ پارتياسى ءتوراعاسىنىڭ ءبىرىنشى ورىنباسارى ماۋلەن اشىمباەۆ ارنايى ساپارمەن شىعىس قازاقستان وبلىسىنا كەلدى. ساپار بارىسىندا ول پرەزيدەنتتىڭ بەس الەۋمەتتىك باستاماسىنىڭ جانە جاڭا پارتيالىق جوبالاردىڭ جۇزەگە اسىرىلۋ بارىسىنا باقىلاۋ جۇرگىزىپ، اتقارىلعان جۇمىس بارىسىمەن تانىستى.

سونداي-اق ماۋلەن اشىمباەۆ شىعىسقازاقستاندىق ۇستازدار قاۋىمىمەن، «؛7-20-25»؛ باعدارلاماسىنىڭ قاتىسۋشىلارىمەن جانە مەملەكەتتەن شاعىن نەسيە الىپ، كاسىبىن دوڭگەلەتىپ وتىرعان جەرگىلىكتى كاسىپكەرلەرمەن كەزدەستى.

مەكتەپ مۇعالىمدەرىنىڭ ءداستۇرلى تامىز ءماسليحاتىنا قاتىسقان پارتيا ءتوراعاسىنىڭ ءبىرىنشى ورىنباسارى ۇستازدار الدىندا ءسوز سويلەپ، «؛نۇر وتاننىڭ»؛ پارتيالىق جاڭعىرۋ اياسىندا ءبىلىم بەرۋ ىسىنە قاتىستى ءبىرقاتار تىڭ باستامالاردى قولعا العانىن ايتتى. سونىڭ ىشىندە مەكتەپ وقۋشىلارىنىڭ جاڭا اقپاراتتىق تەحنولوگيالاردى مەڭگەرىپ، ءبىلىمىن جەتىلدىرۋ ءۇشىن پارتيا تەگىن ءىت-سىنىپتار جوباسىن جۇزەگە اسىرىپ جاتقانىنا ەرەكشە توقتالىپ ءوتتى. ودان بولەك، پارتيالىق جوبالاردىڭ قاتارىندا جاستاردىڭ دۇرىس تاماقتانۋىنا جانە سالاماتتى ءومىر سالتىن ۇستانۋىنا باعىتتالعان مەكتەپ اسحانالارى مەن سپورت الاڭدارىن جاڭعىرتۋ ءىسى دە بار. جاس بۋىننىڭ بىلىمگە دەگەن كۇشتارلىعىن قالىپتاستىرۋدى دا نازاردان تىس قالدىرماعان ەلىمىزدىڭ جەتەكشى ساياسي كۇشى وسى باعىتتا دا ارنايى جوبانى قولعا الىپ وتىر.

&ndash؛ پارتيا ەلباسىنىڭ تاپسىرماسىنا سايكەس ءوز قىزمەتىن جاڭعىرتۋ جۇمىستارىن قارقىندى جۇرگىزۋدە. وسى باعىتتا ءبىلىمدى ۇرپاق تاربيەلەۋ ىسىنە دە قاتىستى كوپتەگەن جوبالاردى قولعا الدىق. سونىڭ ىشىندە مەكتەپ وقۋشىلارىنا بولاشاقتىڭ ماماندىقتارىن وقىتۋ ماقساتىندا ءىت-سىنىپتار اشۋ ءىسىن جۇرگىزىپ جاتىرمىز. ودان بولەك، جاستارىمىزدىڭ دۇرىس تاماقتانىپ، سالاماتتى ءومىر سالتىن ۇستانۋىن دا پارتيا باستى نازاردا ۇستاپ وتىر. وسىنداي يگى ىستەردى تابىستى جۇزەگە اسىرۋدا ۇستازدار قاۋىمىنىڭ دا ءرولى ەرەكشە ەكەنى ءسوزسىز، &ndash؛ دەدى ماۋلەن اشىمباەۆ.

پارتيانىڭ قولداۋىمەن جاڭا وقۋ جىلىندا وبلىس مەكتەپتەرىندە 277 ءىت-سىنىپ اشىلادى دەپ جوسپارلانىپ وتىر. وندا وقۋشىلار ۆەب-ديزاين، روبوت تەحنيكاسى، مەحاترونيكا، باعدارلامالاۋ نەگىزدەرى جانە 3D مودەلدەۋ بويىنشا تەرەڭدەتىلگەن ءبىلىم الماق. ماۋلەن اشىمباەۆ وسكەمەن قالاسىنداعى №46 مەكتەپتە اشىلعان وسىنداي سىنىپتىڭ بىرىنە ارنايى باردى. جالپى الداعى ءۇش جىلدا ەلىمىز بويىنشا پارتيانىڭ باستاماسىمەن 1000-نان استام تەگىن ءىت-سىنىپ اشىلىپ، وندا جىلىنا 150 مىڭ جاس قازاقستاندىق سيفرلىق باعىتتا بىلىمدەرىن جەتىلدىرەتىن بولادى.

مەكتەپ وقۋشىلارىنان بولەك، ەرەسەك ازاماتتارعا دا سيفرلىق ساۋاتتىلىقتارىن ارتتىرۋعا مۇمكىندىك قاراستىرىلعان. وسى ماقساتتا «؛نۇر وتان»؛ پارتياسى ءىت-ورتالىقتار اشىپ، قازاقستاندىقتاردى وقىتۋ جۇمىستارىن باستاپ كەتتى. بۇل يگى ءىس تە جاڭا پارتيالىق جوبالار اياسىندا جۇزەگە اسىرىلىپ جاتىر. وسكەمەن پوليتەحنيكالىق كوللەدجىندە اشىلعان وسىنداي ءىت-ورتالىققا ارنايى بارعان ماۋلەن اشىمباەۆ ونداعى وقىتۋ تەحنولوگياسىن باقىلاپ قايتتى. اتالعان ورتالىقتا جەرگىلىكتى جۇمىسسىز ازاماتتار باعدارلامالاۋ نەگىزدەرىن مەڭگەرىپ، ينجەنەرلىك گرافيكا، ۆيدەو مونتاجداۋ، دەربەس كومپيۋتەرلەردى دياگنوستيكادان وتكىزىپ، جوندەۋ جانە روبوت تەحنيكالارىمەن جۇمىس ىستەۋگە ماشىقتانىپ، ءبىلىم الۋدا. بۇل ءىت-ورتالىق ءوز تۇلەكتەرىن جۇمىسپەن قامتۋ ءۇشىن جەرگىلىكتى جۇمىس بەرۋشى كومپانيالارمەن، كاسىپورىندارمەن جانە اتقارۋشى ورگاندارمەن تىعىز بايلانىس ورناتقانى دا كوڭىل قۋانتادى.

بۇل جوبالاردىڭ ەلىمىزدىڭ سيفرلى ەكونوميكاسىن دامىتىپ، باسەكەگە قابىلەتتىلىكتى ارتتىرۋ ءۇشىن جاسالعان قادام ەكەنىن ايتقان ماۋلەن اشىمباەۆ ەلىمىزگە اقپاراتتىق تەحنولوگيانى ەركىن مەڭگەرگەن بىلىكتى ماماندار اسا قاجەت ەكەنىن تىلگە تيەك ەتتى.

&ndash؛ «؛نۇر وتان»؛ پارتياسى وسى ماسەلەگە ەرەكشە كوڭىل ءبولىپ، ۇكىمەتپەن، «؛اتامەكەن»؛ ۇلتتىق كاسىپكەرلەر پالاتاسىمەن بىرلەسىپ ءبىرقاتار جوبالاردى جۇزەگە اسىرۋدا. بۇل باستامالاردى پارتيانىڭ «؛سيفرلى قازاقستان»؛ باعدارلاماسىنىڭ جۇزەگە اسىرىلۋىنا قوسقان ناقتى ۇلەسى دەپ ايتۋعا دا تولىق نەگىز بار. الداعى ۋاقىتتا ءىت-سىنىپتاردا ءبىلىم العان جاستاردىڭ ءتۇرلى وليمپيادالار مەن حالىقارالىق جارىستارعا قاتىسىپ، جان-جاقتى دامۋىنا جاعداي جاسالۋى ءتيىس. ال ءىت-ورتالىقتار كاسىبي بىلىكتىلىگىن كۇشەيتىپ، زامانعا ساي ماماندىقتى مەڭگەرگىسى كەلگەن كەز كەلگەن قازاقستاندىق ءۇشىن بەرىلىپ وتىرعان ۇلكەن مۇمكىندىك. پارتيا ورتالىق تۇلەكتەرىنە قولداۋ كورەتىپ، ولاردىڭ «؛استانا Hub»؛ ارقىلى ءوزىنىڭ ستارتاپتارىن جۇزەگە اسىرۋىنا دا كومەكتەسەتىن بولادى،&ndash؛ دەدى پارتيا ءتوراعاسىنىڭ ءبىرىنشى ورىنباسارى.

سونىمەن قاتار پارتيانىڭ مەكتەپ اسحانالارىنىڭ جۇمىسىن جاڭعىرتۋ جوباسىن جۇزەگە اسىرۋ ىسىنە دە بەلسەنە كىرىسكەنىن ايتا كەتكەن ءجون. بۇل باستاما جاستاردىڭ دۇرىس تاماقتانۋىن قالىپتاستىرۋعا باعىتتالعان. وسى يگى ءىستى جۇزەگە اسىرۋ ءۇشىن ءقازىردىڭ وزىندە وڭىردە 10 مەكتەپ انىقتالعان. ونىڭ 5-ەۋى سەمەي قالاسىندا ورنالاسسا، قالعان ء5-ۋى &ndash؛ وسكەمەندە. ودان بولەك، دۇرىس تاماقتانۋ ماسەلەسىنە بايلانىستى وڭىردە تاماق كومبيناتىن اشۋ جۇمىستارى دا قاراستىرىلىپ جاتىر.

پارتيانىڭ مەكتەپ سپورت الاڭدارىن زامانعا ساي قايتا جابدىقتاۋ، اۋىل بالالارىنا اعىلشىن ءتىلىن ۇيرەتۋ، ءداستۇرلى كىتاپحانالاردى زاماناۋي ناعىز ءبىلىم ورتالىقتارىنا اينادىرۋ جوبالارى دا ءبىلىم بەرۋ ىسىنە تىكەلەي قاتىستى باستامالار ەكەنى ءسوزسىز.

ساپار بارىسىندا ماۋلەن اشىمباەۆ پۋشكين اتىنداعى وبلىستىق كىتاپحانادا اشىلعان كوۆوركينگ ورتالىققا باردى. مۇندا كەلۋشىلەردىڭ كىتاپ وقىپ قانا قويماي، جايلى دەمالىسى ءۇشىن دە بارلىق جاعداي جاسالعان. سونداي-اق كىتاپحانادا وقىرمانداردىڭ «؛ەلەكتروندى ۇكىمەت»؛ جۇيەسىنىڭ جۇمىسى بويىنشا ترەنينگتەر مەن باعدارلامالاۋ جانە ديزاين نەگىزدەرى جونىندە تەگىن دارىستەرگە قاتىسۋعا دا مۇمكىندىك قاراستىرىلعان. مۇندا بالالاردىڭ شىعارماشىلىق قابىلەتتەرىن شىڭدايتىن ءتۇرلى ۇيىرمەلەر، قازاق ءتىلىنىڭ جاڭا ءالفاۆتىن وقىتۋ ورتالىعى، پىكىرتالاس كلۋبى جانە شەت تىلدەرىن وقىتاتىن كۋرستار تۇراقتى جۇمىس ىستەيدى. كىتاپحانادا مۇمكىندىگى شەكتەۋلى جاندارعا دا قولايلى جاعداي جاسالعانىن ەرەكشە اتاپ وتكەن ءجون. ياعني مۇندا كوزى ناشار كورەتىن جاندارعا ارنالعان ارنايى وقۋ زالى مەن ساۋساق بۋىندارىن دامىتاتىن شەبەرلەر مەكتەبى بار. سۋرەت سالۋ، توقىما سياقتى قولونەر تۇرلەرى بويىنشا دا ترەنينگتەر مەن ساباقتار وتكىزۋ ءىسى جۇيەلى جولعا قويىلعان.

ەلباسى، پارتيا ءتوراعاسىنىڭ بارشا نۇروتاندىقتاردىڭ الدىنا قويعان باستى مىندەتتەرىنىڭ ءبىرى پرەزيدەنتتىڭ بەس الەۋمەتتىك باستاماسىنىڭ جۇزەگە اسىرىلۋ بارىسىنا قوعامدىق باقىلاۋ جۇرگىزۋ ەكەنى بەلگىلى. سوعان بايلانىستى ماۋلەن اشىمباەۆ شىعىس وڭىرگە ساپارى كەزىندە وسى باعىتتاعى جۇمىستاردى دا باقىلاپ قايتتى. اتاپ ايتقاندا، ول باسپانالى بولۋ ءۇشىن جەڭىلدىكپەن نەسيە العان «؛7-20-25»؛ باعدارلاماسىنىڭ قاتىسۋشىلارىمەن جانە ەكىنشى دەڭگەيلى بانك فيليالدارىنىڭ باسشىلارىمەن كەزدەستى. وسى باعدارلاما جاريالانعالى بەرى ەلىمىز بويىنشا جالپى سوماسى 18،6 ملرد. تەڭگەنى قۇرايتىن 1،5 مىڭنان استام ءوتىنىش كەلىپ تۇسكەن. سونىڭ ىشىندە وسكەمەن «؛7-20-25»؛ باعدارلاماسىن جۇزەگە اسىرۋدى ءساتتى باستاعان قالالاردىڭ ءبىرى ەكەنىنە ايرىقشا نازار اۋدارعان ءجون. ءقازىردىڭ وزىندە مۇندا «؛نۇرلى جەر»؛ باعدارلاماسى بويىنشا «؛سامۇرىق قازىنا»؛ ۇلتتىق ءال-اۋقات قورى»؛ اق، «؛بايتەرەك دەۆەلوپمەنت»؛ اق جانە باسقا دا جەكە قۇرىلىس كومپانيالارى سالعان 431 پاتەر پايدالانۋعا بەرۋگە دايىن. جىل سوڭىنا دەيىن تاعى 798 پاتەر دايىن بولادى دەپ كۇتىلۋدە.

&ndash؛ قازىرگى كەزدە باسپانا ەڭ وزەكتى ماسەلەلەردىڭ ءبىرى ەكەنى ءسوزسىز. «؛7-20-25»؛ باعدارلاماسى سول ماسەلەنى ءتيىمدى شەشۋگە باعىتتالعان ماڭىزدى باستاما. اسىرەسە جاس وتباسىلار ءۇشىن ۇلكەن مۇمكىندىك. باسپانانى كەز كەلگەن وتباسى ءۇشىن بولاشاققا سالىنعان ينۆەستيسيا دەسەك تە، ارتىق ەمەس. وسىلايشا ەلباسى بارشا قازاقستاندىقتاردىڭ ءۇيلى بولۋىنا داڭعىل جول اشىپ، يپوتەكالىق نەسيەلەردىڭ قولجەتىمدىلىگىن قامتاماسىز ەتىپ وتىر. وسى ساپار ناتيجەسىندە بەس باستامانىڭ شىعىس قازاقستان وبلىسىندا تابىستى جۇزەگە اسىرىلىپ جاتقانىنا كۋا بولدىق. الداعى ۋاقىتتا دا پارتيا بۇل جۇمىستاردى باقىلاۋدى جالعاستىرا بەرەدى،&ndash؛ دەدى پارتيا ءتوراعاسىنىڭ ءبىرىنشى ورىنباسارى.

ەلباسىنىڭ بەس الەۋمەتتىك باستاماسىنىڭ تاعى ءبىرى &ndash؛ شاعىن نەسيە بەرۋدى كوبەيتۋ. وسى باستامانىڭ وبلىستا قالاي جۇزەگە اسىرىلىپ جاتقانىن قاداعالاۋ ءۇشىن ماۋلەن اشىمباەۆ شىعىس قازاقستان وبلىسى كاسىپكەرلەر پالاتاسى كاسىپكەرلەرگە قىزمەت كورسەتۋ ورتالىعىنا باردى. ول جەردە ءوز ءىسىن وركەندەتۋ ءۇشىن شاعىن نەسيە الىپ، جۇمىس ىستەپ وتىرعان كاسىپكەرلەرمەن كەزدەسىپ، پرەزيدەنت باستاماسىنىڭ ماڭىزدىلىعىنا نازار اۋداردى. بۇگىندە وبلىس بويىنشا شاعىن نەسيەنى كوبەيتۋ ءۇشىن قوسىمشا 1،7 ملرد. تەڭگە بولىنگەن. ال قارجىلاندىرۋدىڭ جالپى كولەمى 4،9 ملرد. تەڭگەنى قۇراپ، ناتيجەسىندە 377 ادام قولجەتىمدى شاعىن نەسيە العان.

كاسىپكەرلەرمەن كەزدەسۋىندە «؛نۇر وتان»؛ پارتياسى ءتوراعاسىنىڭ ءبىرىنشى ورىنباسارى شاعىن جانە ورتا بيزنەستى قولداۋعا باعىتتالعان پارتيالىق جوبالار تۋرالى ايتىپ بەردى.

&ndash؛ ەلباسىنىڭ بەس الەۋمەتتىك باستاماسى اياسىندا شاعىن نەسيە بەرۋدى كوبەيتۋ باعدارلاماسىنىڭ جۇزەگە اسىرىلۋى پارتيانىڭ ۇنەمى باستى نازارىندا. جالپى شاعىن جانە ورتا بيزنەستى دامىتۋ پارتيا باسىمدىقتارىنىڭ ءبىرى بولىپ تابىلادى. وسى باعىتتا «؛اتامەكەن»؛ ۇلتتىق كاسىپكەرلەر پالاتاسىمەن جانە اكىمدىكتەرمەن بىرلەسىپ ءبىرقاتار جوبالاردى قولعا الدىق،&ndash؛ دەگەن ماۋلەن اشىمباەۆ ونلاين تۇردە ۇلتتىق ءبىرىڭعاي گەواقپاراتتىق قىزمەت كورسەتەتىن پورتالدىڭ جۇمىسىن كەڭىنەن ءتۇسىندىردى. بۇل پورتال ارقىلى كاسىپكەرلەر بوس جەر تەلىمدەرى تۋرالى تولىق اقپارات الۋعا قول جەتكىزەدى جانە ول بارلىق قولدانۋشىعا قولجەتىمدى بولماق.

وز سوزىندە ماۋلەن اشىمباەۆ پارتيانىڭ پرەزيدەنتتىڭ بەس الەۋمەتتىك باستاماسىنا قوعامدىق باقىلاۋ جۇرگىزۋدى ودان ءارى جانداندىرا تۇسەتىنىن ايتتى. سوعان بايلانىستى رەسپۋبليكالىق جانە ايماقتىق قوعامدىق كەڭەستەر، ارنايى جۇمىس توپتارى قۇرىلعانىن جانە پارتيانىڭ nurotan.kz رەسمي سايتىنىڭ «؛پرەزيدەنتتىڭ بەس الەۋمەتتىك باستاماسى»؛ بولىمىندە جاڭا «؛100 سۇراق &ndash؛ 100 جاۋاپ»؛ ايدارى اشىلعانىن جەتكىزدى.

باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار