ارينە, ەرتە كوكتەمنەن الا جازعا دەيىن قولىنان اي ماڭداي كەتپەنى تۇسپەي, القاپتىڭ ىشىندە داقىلدى جاعادان العان ارامشوپتەرمەن كۇرەسىپ جۇرەتىن, مەرزىمىندە سۋارىلۋىن قاداعالايتىن ديقان ماڭداي تەرىنىڭ اقتالعاندىعى وتە جاقسى. بۇل بازبىرەۋلەر ويلاعانداي ءبىر ماۋسىم بەل اۋىرتىپ پىشەن اقشانى قالتاعا باساتىنداي وڭاي تىرلىك ەمەس. ونى شارۋالار جاقسى بىلەدى. بۇگىندە ولار 500 گەكتار جەرگە ەگىلگەن داقىلدان كەمىندە 10 مىڭ توننا ءونىم جيناپ الۋدى ماقسات ەتىپ وتىر.
ءار وڭىردە سول ايماقتىڭ اتىن شىعاراتىن برەندتەرى بولادى. ماسەلەن, قاراعاندى وبلىسىنداعى جاڭاارقا اۋدانىنىڭ قىمىزى ەرەك. كۇبىنى توبىلعىمەن ىستاپ, پىسكەن سايىن قۋاتى ارتىپ, بەتىندە مەيىزدەي-مەيىزدەي بولىپ قارا قوشقىل مايى ءجۇزىپ جۇرەتىن جاڭاارقا قىمىزىن سول اۋىلداعىلار كۇندە ءىشىپ جۇرگەن سوڭ بايقامايتىن شىعار, ال سىرتتان كەلىپ, العاش رەت ءدامىن تاتقان ادام اۋىزىنىڭ سۋى قۇرىپ اڭىزداي ايتىپ جۇرەدى. نەگىزىنەن جۋساندى, سەلەۋلى دالانىڭ ءشوبى اسىل بولسا كەرەك. سول سياقتى جايىلما قاربىزىنىڭ ءدامى دە وزگەلەردەن ءتىل ۇيىرەر قاسيەتىمەن ەرەكشەلەنەدى. ديقانداردىڭ قاي داقىلعا بولسا دا تىڭايتقىشتى كوپ بەرەتىندىگى بەلگىلى. سوندىقتان دا ونىمدەر تابيعي قاسيەتىن ساقتاي بەرمەيدى. ال جايىلمادا تىڭايتقىشتىڭ ورنىنا ورگانيكالىق قورەك بەرىلەدى. باقشا ەگىستىگى قاراتاۋ ىرگەسىندەگى جيدەلى سۋ قويماسىنان سۋارىلادى.
ارينە, اۋىل شارۋاشىلىعى مەملەكەتتىك جاردەمسىز كۇتكەن ۇدەگە جەتكىزە بەرمەيتىندىگى بەلگىلى. ديقاندار «اۋىل شارۋاشىلىعىن قولداۋ قورى» ارقىلى «ەگىنجاي» باعدارلاماسىمەن جەڭىلدەتىلگەن نەسيە العان. تەحنيكالار جاڭارىپ جاتىر.
جاڭاقورعان اۋدانىنىڭ اكىمى عالىم امىرەەۆ مەملەكەتتىك قولداۋدىڭ ارقاسىندا جايىلما قاربىزىن ەكسپورتقا شىعۋىنا مۇمكىندىك تۋىپ وتىرعانىن ايتادى. ساپاسى جوعارى, باعاسى قالتاعا قونىمدى تاۋاردى كورشى مەملەكەتتەردەن دە اتتاي قالاپ وتىرعان ساۋداگەرلەر جەتكىلىكتى كورىنەدى. رەسەيدىڭ چەليابينسك قالاسىنان كەلىسىمشارت ارقىلى تاسىمالداۋعا نيەت ءبىلدىرىپ وتىرعان كاسىپكەرلەر بار. ەلىمىزدىڭ سولتۇستىك وبلىستارىنان دا ء«بىز قۇر قالىپ كەتپەيىك» دەگەن بازىنا ايتىلىپ جاتقانعا ۇقسايدى.
اۋدان اكىمى قىزىلوردا شاھارىنان تەك جايىلما قاربىزى ساتىلاتىن نۇكتەلەر اشۋعا مۇددەلىلىك تانىتىپ وتىر. وسىلايشا جايىلما قاربىزى قىزىلوردانىڭ ماقتانىشىنا اينالدى. جارتىسى بال, جارتىسى شەكەر سىر قاۋىنىنا قۇرمەت ەرتەدەن بار. جاز قىزىعىنىڭ بازارى وسىلاي قايناپ جاتىر.
باقتيار تايجان,
«ەگەمەن قازاقستان»
قىزىلوردا وبلىسى
