− راسىندا, بۇل ماسەلە ءبىراز ادامدى الاڭداتتى. ول الاڭداۋشىلىق «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭىنىڭ 25-بابى 4-بولىگىنە اعىمداعى جىلدىڭ شىلدە ايىندا وزگەرىستەر ەنگىزىلگەننەن كەيىن پايدا بولدى. بىراق مۇنداعى نەگىزگى ماقسات, ازاماتتىق-قۇقىقتىق شارت بويىنشا قىزمەت كورسەتىپ ناپاقا تاۋىپ جۇرگەن ادامدارعا ولاردىڭ اي سايىنعى كىرىستەرىنەن بىرىڭعاي جيناقتاۋشى زەينەتاقى قورىنا 10% زەينەتاقى جارناسىن تولەتۋ ەدى. ايتسە دە نەگىزىندە حالىقتىڭ مازاسىن قاشىرعان بۇل اقپارات ەمەس ەدى. وزگەرتىلگەن رەداكتسياداعى 25-باپتى وقىعاندار دۇنيە-م ۇلىكتەرىن, ماسەلەن پاتەر, اۆتوكولىكتى ساتۋدان تاپقان كىرىستەن 10% زەينەتاقى جارناسىن تولەۋىمىز كەرەك پە دەپ الاڭدادى.
ماسەلەن, اتالمىش زاڭنىڭ 25-باپتىڭ جاڭا رەداكتسياسىندا:
«...ازاماتتىق-قۇقىقتىق سيپاتتاعى شارتتار بويىنشا كىرىستەر الاتىن جەكە تۇلعالار ءۇشiن بىرىڭعاي جيناقتاۋشى زەينەتاقى قورىنا تولەۋگە جاتاتىن, ءاربiر اي ءۇشiن ەسەپتەلەتiن ءوز پايداسىنا مiندەتتi زەينەتاقى جارنالارى الاتىن كىرىسىنىڭ 10 پايىزى مولشەرiندە...» دەپ كورسەتىلگەن.
بايقاساڭىز, بۇل سويلەمدە «ازاماتتىق-قۇقىقتىق سيپاتتاعى شارتتار بويىنشا» كىرىس الاتىن جەكە تۇلعالار دەپ كەلىپ, «جۇمىستار مەن قىزمەتتەر» دەگەن ەكى ءسوز كورسەتىلمەي قالعان. سول سەبەپتى, بۇل وزگەرىستى تىكەلەي تۇسىنەر بولساق, ازاماتتار بارلىق ازاماتتىق-قۇقىقتىق سيپاتتاعى شارتتار بويىنشا كىرىستەرىنىڭ 10% زەينەتاقى جارناسى رەتىندە تولەۋلەرى ءتيىس بولىپ كورىندى. ماسەلەن, پاتەرىڭىزدى نەمەسە اۆتوكولىگىڭىزدى ساتقىڭىز كەلسە, ساتىپ الۋشىمەن ازاماتتىق-قۇقىقتىق سيپاتتاعى شارت بويىنشا جۇزەگە اسىرۋعا مۇمكىنشىلىگىڭىز بار. دەگەنمەن ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا دۇنيە-م ۇلىكتى ساتۋدان تۇسكەن كىرىستەن زەينەتاقى جارناسىن تولەۋدىڭ قاجەتى جوق ەكەندىگىن ايتتى. «جەكە تۇلعالاردىڭ كىرىسى ازاماتتىق-قۇقىقتىق شارتقا ساي جۇمىستاردى ورىنداۋ نەمەسە قىزمەت كورسەتۋ ناتيجەسىندە العان تابىسى بويىنشا انىقتالادى. جەكە م ۇلىكتى, دەپوزيتتەردى, اكتسيالاردى نەمەسە باعالى قاعازداردى ساتۋدان تۇسكەن كىرىستەر زەينەتاقى جارنالارى بويىنشا مىندەتتى بولىپ سانالمايدى», دەدى ۆيتسە-مينيستر.
دايىنداعان الەكساندر تاسبولات,
«ەگەمەن قازاقستان»
