ءىس-شاراعا «قارجى ورتالىعى» اق-نىڭ پرەزيدەنتى ىبرايىموۆ اسقار, ءبىلىم بەرۋ قىزمەتتەرىنە اقى تولەۋ جۇيەسىن دامىتۋ دەپارتامەنتى ديرەكتورىنىڭ ورىنباسارى ىبراەۆ تىلەش, دەپارتامەنت مەنەدجەرى ساتىبالدين الپامىس قاتىستى.
اسقار ىبرايىموۆتىڭ ايتۋىنشا, 2013 جىلى مەملەكەت باسشىسىنىڭ باستاماسى بويىنشا حالىققا جوو-لار مەن كوللەدجدەردە ءبىلىم الۋدا قارجىلىق قولداۋ كورسەتۋ ءۇشىن قاراجات جيناقتاۋدىڭ جاڭا جۇيەسىن (دەپوزيتتەر) ەنگىزۋدى كوزدەيتىن «مەملەكەتتىك ءبىلىم بەرۋ جيناقتاۋ جۇيەسى تۋرالى» قر زاڭى قابىلداندى.
مەملەكەتتىك ءبىلىم بەرۋ جيناقتاۋ جۇيەسى (بۇدان ءارى – مبجج) دەپوزيتتەرىنىڭ باستى ارتىقشىلىعى سالىمدارعا 12% دەيىن بانكتىك سىياقىدان بولەك مەملەكەتتەن سىيلىقاقى تولەنەدى. مەملەكەت سىيلىقاقىسىنىڭ مولشەرى – جىلدىق 5%, باسىمدىقتى ساناتتاعىلار ءۇشىن - 7%.
«بۇگىنگى تاڭدا مبجس شەڭبەرىندە 16 802 561 331 تەڭگە سوماسىنا 19 166 ءبىلىم بەرۋ جيناقتاۋ سالىمى تىركەلدى. اعىمداعى جىلدىڭ اقپان ايىندا 14 739 سالىمشى بويىنشا 757 409 000 تەڭگە مەملەكەت سىيلىقاقىسى تولەندى. وسى ۋاقىتقا دەيىن سالىمدار بويىنشا ەسەپتەلگەن مەملەكەت سىيلىقاقىسىنىڭ جالپى سوماسى 1 644 761 000 تەڭگەنى قۇرادى. قازىرگى ۋاقىتتا مبجج بويىنشا ءبىلىم الاتىن ستۋدەنتتەردىڭ مونيتورينگىن جۇرگىزۋ ءۇشىن قازاقستان رەسپۋبليكاسىنىڭ جوو-لارىمەن 105 جانە كوللەدجدەرىمەن 525 مبجج سالاسىندا كەلىسىم جاسالدى. بۇگىنگى كۇندە 403 ستۋدەنت مبجج شەڭبەرىندە ءبىلىم الىپ ءجۇر», دەيدى اسقار ىبرايىموۆ.
