جازعى مەكتەپ اياسىندا سەمينار-ترەنينگتەرمەن قاتار «قازاقستاننىڭ 100 جاڭا ەسىمى» جوباسىنىڭ جەڭىمپازدارى اتانعان سەرىك ەسماتوۆ, ۆالەنتين اليفانوۆپەن جانە كاسىپكەر-ترەنەر ەمين اسكەروۆپەن سۇحبات الاڭدارى قۇرىلدى.
- جازعى لاگەرگە ارنايى شاقىرىلعان ناۋرىزباي نۇرلىباەۆ, بوتاگوز بەگمانوۆا, فاريدا مۇساتاەۆا سىندى ترەنەرلەر, سونىمەن قاتار, «نۇر وتان» پارتياسى جانىنداعى «جاس وتان» جاستار قاناتىنىڭ اتقارۋشى حاتشىسى داۋلەت كاريبەك تە جاستارمەن كەلىپ, تاعىلىمدى اڭگىمەلەر جۇرگىزدى,-دەدى سەمەي قالاسىنداعى جاستار رەسۋرستىق ورتالىعىنىڭ ديرەكتورى ولجاس سوعىمباي,-«رۋحاني جاڭعىرۋ» باعدارلاماسى اياسىندا ۇيىمداستىرىلعان وسىناۋ جازعى مەكتەپكە قالا مەن اۋدانداردان كەلگەن 100-گە جۋىق جاس قاتىستى. ءاربىر جاس ءوزىنىڭ بەلسەندىلىكتەرىمەن كوزگە ءتۇسىپ, ونەرلەرىن ورتاعا سالدى.
سەمەي قالاسىنان قاتىسقان 14 جاس دەلەگات ەل مەن جەردىڭ الەۋمەتتىك جعادايلارى, تابيعاتتى ايالاۋ, تاريح قۇندىلىعى سياقتى وزەكتى ماسەلەلەردەن رۋحاني تاربيەلىك ساباقتار الىپ قايتتى.
راۋشان نۇعمانبەكوۆا,
سەمەي
