باستى ماقسات – جاڭا ەملە ەرەجەلەرىن دايىنداۋ بارىسىندا ەگجەي-تەگجەيلى اقىلداسا وتىرىپ, قوعامدىق پىكىردى زەرتتەۋ.
ەرەجەگە سايكەس سىناماعا وقۋشىلار وزدەرىنە قويىلعان التى سۇراققا جاۋاپ بەرۋگە ءتيىس بولدى. ۇزىن-ىرعاسى التى بەتتىك جيناقتىڭ العاشقى پاراعىنا سىناق تاپسىرۋشى تۋرالى مالىمەتتەر تولتىرىلادى. ەكىنشى, ءۇشىنشى بەتكە لاتىن ارىپتەرىمەن تاڭبالانعان سوزدەردىڭ دۇرىس نۇسقاسىن تاڭداۋ, كيريلليتسامەن جازىلعان سوزدەردىڭ دۇرىس جانە ىڭعايلى نۇسقالارىن لاتىن ارىپتەرىمەن جازىپ شىعۋلارى كەرەك. سوڭعى بەتتەردە وقۋشىلار وزدەرىنىڭ ۇسىنىستارىن بىلدىرەدى. بۇل ارادا ۇيىمداستىرۋشىلار وسى سىناق ارقىلى قازاق تىلىندەگى ءتول, كىرمە جانە شەتەل سوزدەرىن لاتىن الىپبيىمەن تاڭبالاعان كەزدە تۋىنداۋى مۇمكىن كەدەرگىلەر مەن كەمشىلىكتەردى ساراپتاماق.
– العاشقى سىناما وقۋشىلاردان باستالىپ وتىر. الداعى ۋاقىتتا بارلىق سالا قىزمەتكەرلەرىن قاتىستىراتىن بولامىز. سىناما ناتيجەسىندە الىنعان ستاتيستيكالىق, ساپالىق مالىمەتتەر ەملە ەرەجەلەرىنىڭ جالپىحالىقتىق قولداۋعا يە نۇسقاسىن ازىرلەۋگە سەپتىگىن تيگىزەدى, – دەدى تىلشىلەرمەن تىلدەسكەن ساتىندە ء«تىل – قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ.
شاراعا بەلگىلى قوعام قايراتكەرلەرى مەن ءتىل ماماندارى قاتىستى.
بايقال ءبايادىل,
«ەگەمەن قازاقستان»
