ەۋروپالىق بالەتتىڭ جارقىن جۇلدىزدارى قازاقستاندىق كورەرمەنگە Gala de Paris اتتى باعدارلاما ۇسىنادى. «استانا وپەرا» سيمفونيالىق وركەسترىنە ماەسترو ۆلاديمير لاندە (رەسەي – اقش) جەتەكشىلىك ەتەدى.
گاسترول مادەنيەت جانە سپورت مينيسترلىگىنىڭ قولداۋىمەن استانانىڭ 20 جىلدىعى اياسىندا وتپەك. سونداي-اق پاريج ۇلتتىق وپەراسىنىڭ 350 جىلدىعىنا ورايلاستىرىلعان.
ايتا كەتەيىك, Paris Opéra Ballet – XIV ليۋدوۆيك پاتشانىڭ 1661 جىلى كورولدىك بي اكادەمياسى رەتىندە نەگىزىن قالاعان پاريج وپەراسىنىڭ رەسمي ۇلتتىق بالەت ترۋپپاسى. بۇگىندە ۇجىمنىڭ قۇرامىندا 150-دەن استام ءارتىس بار, پاريج ۇلتتىق وپەرا تەاترىنىڭ كوركەمدىك جەتەكشىسى – ورەلي ديۋپون. ءبىر جىلدا ترۋپپا 180-نەن استام ونەر كورسەتەدى.
