جاڭا وبەكتىلەردىڭ جسق اعىمداعى جىلى ناۋرىزدا مەملەكەتتىك ساراپتامانىڭ وڭ قورىتىندىسىن الىپ, ستاتسيونارلىق پوليتسيا بەكەتتەرىنىڭ قۇرىلىسى باستالدى.
– اتىراۋ قالاسىنا كىرە بەرىستەردە بارلىعى 4 بەكەت سالىنادى. ولار استراحان, ورال, قۇلسارى جانە يندەر جاقتارىنان كىرەتىن جولداردا بولماق. بۇل پوليتسەيلەرگە قانداي دا ءبىر شتاتتان تىس جاعدايلار تۋىنداعان كەزدە مەيىلىنشە جەدەل ارەكەت ەتۋگە, سونداي-اق قالاعا كىرەتىن جانە شىعاتىن بارلىق اۆتوكولىكتەر تۋرالى دەرەكتەردى بىلۋگە مۇمكىندىك بەرەدى, - دەدى اتىراۋ وبلىستىق ءىىد ءباسپاسوز قىزمەتىندە.
سپيكەردىڭ ايتۋىنشا, قىلمىستاردىڭ نەگىزگى بولىگى كوبىنە دەمالىس كۇندەرى اتىراۋعا جەڭىل تابىس تابۋعا باسقا وبلىستاردان كەلەتىن «گاسترولەرلەرمەن» جاسالادى. سونداي-اق اۆتوموبيل اعىنىن مۇلتىكسىز باقىلاۋ ءۇشىن بالىق اۋلاۋ ماۋسىمى كەزىندە بەكەتتەردىڭ ءرولى ەرەكشە ماڭىزدى, بۇل براكونەرلىكپەن كۇرەسكە ايتاپرلىقتاي ۇلەس قوساتىنىن اتاپ كورسەتتى دەپارتامەنت وكىلى.
بەكەتتەر بارلىق اۆتوكولىكتەردى ەسەپكە الۋدى اۆتوماتتى رەجيمدە جۇرگىزەتىن دەرەكتەر بازاسى بار بەينەكامەرالارمەن جابدىقتالاتىن بولادى. اتىراۋ وبلىسى قۇرىلىس باسقارماسىنىڭ اقپاراتى بويىنشا وبەكتىلەر قۇرىلىسىن اعىمداعى جىلعى قىركۇيەكتە اياقتاۋ جوسپارلانۋدا. جاڭا بەكەتتەر اتىراۋ-ورال, اتىراۋ-يندەر, اتىراۋ-اقتاۋ جانە كوتياەۆكا-رۋبەج اۆتوجولدارىندا ورناتىلادى.
ەستەرىڭىزگە سالساق, بۇعان دەيىن 2016 جىلى ءوڭىر باسشىسى نۇرلان نوعاەۆ يندەر اۋدانىنا جۇمىس ساپارى كەزىندە قالادان شىعاتىن جەرلەردە پوليتسيا بەكەتتەرىنىڭ قۇرىلىسىن سالۋ تۇجىرىمداماسىن ازىرلەۋگە تاپسىرما بەرگەن بولاتىن. وبلىس اكىمى مۇنداي شارانىڭ كولىك اعىنىن باقىلاۋدى كۇشەيتۋگە مۇمكىندىك بەرەتىنىن, جۇرگىزۋشىلەردى تارتىپكە سالاتىنىن جانە جول قوزعالىسىنىڭ قاۋىپسىزدىگىنە قولايلى اسەرىن تيگىزەتىنىن باسا ايتتى.
