ءبىلىم جانە عىلىم مينيسترلىگى مەن «اتامەكەن» ۇلتتىق كاسىپكەرلەر پالاتاسى جوعارى وقۋ ورىندارىنىڭ ءبىلىم بەرۋ باعدارلامالارىن (باكالاۆريات) باعالاۋ جۇمىسىن بىرلەسە اتقارىپ وتىر. بۇگىندە 33 ماماندىقتىڭ رەيتينگى دايىندالدى. زەرتتەۋ جۇمىسقا ورنالاسقان تۇلەكتەر پايىزى مەن ولاردىڭ ورتاشا ەڭبەكاقىسى, باعدارلامانىڭ وزەكتىلىگىن باعالاۋ, سونداي-اق تۇلەكتەردىڭ ساۋالناما قورىتىندىسى ماڭىزدى ولشەم بولاتىن ادىستەمەگە سايكەس جۇرگىزىلدى. تۇلەكتەر مەن ولاردىڭ جۇمىسقا ورنالاسۋى تۋرالى مالىمەتتەر جوعارى ءبىلىمدى باسقارۋدىڭ بىرىڭعاي جۇيەسىنەن الىندى جانە ءبىلىم جانە عىلىم مينيسترلىگى بەرگەن مالىمەتپەن سالىستىرىلىپ تەكسەرىلدى.
ءبىرىنشى كەزەڭدە ءبىلىم جانە عىلىم مينيسترلىگىنەن الىنعان يەسى كورسەتىلمەگەن مالىمەتتەرمەن راستالعان بىلتىرعى تۇلەكتەردىڭ جۇمىسقا ورنالاسۋ پايىزى مەن ورتاشا ەڭبەكاقىعا ساراپتاما, پروفەسسور-وقىتۋشىلىق قۇرامنىڭ ءىس جۇزىندەگى تاجىريبەسىنە, جوعارى وقۋ ورىندارىنىڭ ءبىلىم بەرۋ باعدارلامالارىنا سالاتىن ينۆەستيتسيالارىنا, ءبىلىم بەرۋ باعدارلامالارىن دايىنداۋ دەرەگىنە, ەلەكتيۆتى پاندەر كاتالوگىنا, سالالىق قاۋىمداستىقتار مەن جۇمىس بەرۋشىلەر بىرگە جاساعان سيللابۋستارعا, ءبىلىم بەرۋ باعدارلامالارىنىڭ حالىقارالىق اككرەديتاتسيادان ءوتۋى تۋرالى مالىمەتتەرىنە ساراپتاما جۇرگىزىلدى.
ەكىنشى كەزەڭدە سالالىق ساراپشىلاردى قاتىستىرا وتىرىپ, ءبىلىم بەرۋ باعدارلامالارىنىڭ مازمۇندىق الشاقتىعى باعالانىپ, تالداندى. سونىمەن قاتار ساراپشىلار بەرىلگەن باعدارلامالار قر ءبىلىم جانە عىلىم مينيسترلىگى بەكىتكەن فورماعا سايكەس ەمەستىگىن (4-اق بەتكە جازىلعان ءبىلىم بەرۋ باعدارلامالارى كوپ, ونىڭ قاعاز جۇزىندە عانا ەكەنىن راستايدى), سونداي-اق ورفوگرافيالىق جانە ستيليستيكالىق قاتەلىكتەرى بار ەكەنىن اتاپ ءوتتى.
ايتا كەتەيىك, وسى جىلدىڭ سوڭىنا دەيىن ۇلتتىق كاسىپكەرلەر پالاتاسى 50-دەن استام ماماندىقتىڭ رەيتينگىن ۇسىناتىن بولادى.
