ويتكەنى بۇلاي بولماعان جاعدايدا الەۋمەتتىك نىسانداردىڭ جۇزەگە اسۋ مەرزىمى كەشەۋىلدەۋى نەمەسە مۇلدەم تۇرعىزىلماي قالۋى ابدەن مۇمكىن. سوندىقتان دا وڭىردەگى وبلىستىق باسقارمالاردىڭ باسشىلارى جانە بيۋدجەتتىك باعدارلامالاردىڭ اكىمشىلەرى, سونداي-اق جوبالاۋ ۇيىمدارى مەن قۇرىلىس يندۋسترياسى كاسىپورىندارى باسشىلارىنىڭ مۇنداي سىلبىر ءىس-ارەكەتكە جول بەرمەۋىنىڭ پايداسى مەن تيىمدىلىگى وتە مول. ايتسە دە وبلىستا جوبالاۋ-سمەتالىق قۇجاتتاردى ازىرلەۋمەرزىمى ساقتالماي وتىر. بۇل جونىندە جەرگىلىكتى باسىلىم بەتتەرىنە اقتوبە وبلىسى اكىمىنىڭ ءباسپاسوز قىزمەتى حابارلادى. ياعني ولاردىڭ تۇجىرىمداۋىنشا وتكەن 2017 جىلدىڭ جەلتوقسان ايىندا 2018 جىلى بيۋدجەتتەن 281 الەۋمەتتىك جانە ينجەنەرلىك ينفراقۇرىلىمدار نىسانىنىڭ جسق جاساۋعا قاجەتتى قاراجات بولىنگە. ايتسە دە بۇگىنگى كۇنى ەكىنشى جارتىجىلدىق كەزەڭى باستالىپ كەتكەننىنە قاراماستان تابانى كۇرەكتەي 115 جوبانىڭ جوبالاۋ سمەتالىق قۇجاتتارى ءازىر بولماي وتىر ەكەن. بۇل جونىندە اتوبە وبلىسىنىڭ اكىمى بەردىبەك ساپارباەۆتىڭ توراعالىعىمەن وتكىزىلگەن جيىندا اقتوبە وبلىستىق قارجى باسقارماسىنىڭ باسشىسى گۇلقاسيما سۇيىنتاەۆا مالىمدەمە جاساپتى. بۇعان دەيىنگى جۇرگىزىلگەن تالداۋلار مەن ساراپتامالار ورىن العان جاعدايلاردىڭ باستى سەبەپتەرى, ياعني جسق-نىڭ دەر كەزىندە ءازىر بولماۋىنىڭ باستى ءمانىسى –كونكۋرستىق ۇدەرىستەر وتكىزۋ ءتارتىبىنىڭ كەش حابارلانۋى, ءارى ۇزاقا سوزىلۋى دەپ جازادى اقتوبە وبلىسى اكىمىنىڭ ءباسپاسوز قىزمەتى. سونداي-اق اتالعان جاريالانىمدا بۇعان قوسا باستاپقى دەرەكتەر مەن تەحنيكالىق جاعدايلارعا قاتىستى جاي-كۇيدى ۇسىنۋدىڭ مەرزىمدەرى دە كەشىكتىرىلگەنى كورسەتىلگەن.
بۇل نە دەگەن ءسوز. تالاس جوق, مۇنىڭ ءوزى جوعارىدا ايتىلعان اتالمىش ءىستىڭ باسى-قاسىندا جۇرگەندەردىڭ قولىندا ناقتى جوبالىق-سمەتالىق قۇجاتتار جوق دەگەن ۇعىم مەن تۇسىنىكتى بەرمەي مە؟ مۇنداي كورىنىس الەۋمەتتىك نىساندار قۇرىلىسىن جۇرگىزۋ ءىسىن جەرگىلىكتى جانە رەسپۋبليكالىق بيۋدجەتتەن قارجى تارتۋعا ءوز كەدەرگەسىن تيگىزبەي تۇرا المايدى. ءارى اتالعان دەرەكتىڭ ءوزى جوبالاۋ-سمەتالىق قۇجاتتاردى ازىرلەۋگە جاۋاپتى زاڭدى تۇلعالاردىڭ جاۋاپكەرشىلىگى تومەن, اتقارىپ جۇرگەن ىستەرى سىلبىر ەكەنىن ايعاقتاسا كەرەك-ءتى.
ايتالىق جسق-نى جاساقتاۋ بارىسىندا باعانى نەگىزسىز كوتەرۋدى بولدىرماۋدى ۇدايى نازاردا ۇستاۋ ءىسىنىڭ دە الاتىن ورنى ايىرىقشا. بۇل ماقسات ءوز كەزەگىندە جوبالاردىڭ سمەتالىق قۇنىن تىڭعىلىقتى ءارى جان-جاقتى زەرتتەۋدى قاجەت ەتەدى. مەدالدىڭ ەكى جاعى بار دەگەندەي بيۋدجەتتىك باعدارلامالاردىڭ اكىمشىلەرى ماسەلەنىڭ وسى جاعىنا دا جەتكىلىكتى تۇردە كوڭىل اۋدارماعانى اڭعارىلادى. سىلبىرلىق قاشاندا ءىستىڭ ناتيجەلى اياقتالۋىنا كەدەرگى كەلتىرەدى. ەندەشە بۇل ايتىلعانداردان ءتيىستى تۇلعالار ناقتى قورىتىندى شىعارادى دەگەن ويدامىز.
تەمىر قۇسايىن,
«ەگەمەن قازاقستان»
اقتوبە
