بۇل ءولىم كوك تۋ استىندا ءومىر ءسۇرىپ جاتقان بارشا قازاقستاندىقتاردىڭ قابىرعاسىن قايىستىردى. ءتىپتى, قاراپايىم حالىق قيماستىقپەن ونىڭ ولىمىنە سەنگىلەرى كەلمەيتىندىكتەرىن بايقاتتى. بارلىق الەۋمەتتىك جەلىلەردە, سايت بەتتەرىندە قوشتاسۋ پوستتارى مەن اقپاراتتاردىڭ كوپتىگى, بۇتىندەي ءبىر ەلدىڭ قايعىلى قازاعا ورتاقتاس ەكەندىگىن كورسەتتى. بۇل - قاراپايىم بۇقارانىڭ دەنيسكە دەگەن قۇرمەتى مەن ماحابباتى دەپ بىلەمىز..
جاس تالانتتىڭ حالىق اراسىندا مۇنداي ىستىق ىقىلاسقا يە بولۋىنىڭ باستى سەبەبى, ونىڭ ادامدىق اسىل قاسيەتتەرى بولسا كەرەك. ءتىپتى, سوڭعى كەزدەسۋ سəتتەرىندە جۇزىنەن كۇلكى كەتپەگەن. ال, ونىڭ از عانا ۋاقىت ىشىندە جاساپ كەتكەن ەرەن ەڭبەگى تاڭعالارلىقتاي...
جاس دارىن قامشىنىڭ سابىنداي عانا عۇمىرىندا ءبىرشاما بيىكتى باعىندىرعان بولاتىن. اتاپ ايتساق, 2014 جىلى مانەرلەپ سىرعاناۋدان سوچي وليمپياداسىندا 255,10 ۇپايمەن قولا مەدالعا يە بولسا, 2013 جىلعى الەم چەمپيوناتىنىڭ كۇمىس مەدال جۇلدەگەرى, ءVىى قىسقى ازيا ويىندارىندا مانەرلەپ سىرعاناۋدان چەمپيون اتانعان. ىشكى بىرىنشىلىكتە وعان بəسەكەلەس جوقتىڭ قاسى ەدى. ول قازاقستاننىڭ بەس دۇركىن چەمپيونى اتاعىنا يە.
دەنيس الماتى قالاسىندا تۋىپ-وسكەن ازامات. ونىڭ كورەي يمپەرياسى كەزىندە داڭقتى قولباسشىسى بولعان گەنەرال مين گىنحونىڭ ۇرپاعى ەكەندىگىن بىرەۋ بىلسە, بىرەۋ بىلمەس. شوق جۇلدىز مانەرلەپ سىرعاناۋدان بولەك, وزگە سپورت تۇرلەرىمەن, اتاپ ايتقاندا, تەننيس, اكروباتيكا, تاەكۆوندو, كاراتە, جۇزۋمەن اينالىسىپ, بي جانە سۋرەت سالۋ مەكتەبىنە بارعان. مۋزىكا مەكتەبىندە 5 سىنىپتى ءتامامداپ, حورعا قاتىسقان. كەيىننەن مانەرلەپ سىرعاناۋمەن اينالىسۋعا ءبىرجولا دەن قويعان ەكەن.
2003 جىلى "حرۋستالنىي كونەك" تۋرنيرىندە ونى ەلەنا بۋيانوۆا (ۆودورەزوۆا) بايقاپ, ماسكەۋگە ءوزىنىڭ قول استىندا جاتتىعۋعا شاقىرادى. بالا دەنيس ەرەسەك سپورتشىلارمەن جارىسىپ, 2006 جىلعى قازاقستان چەمپيوناتىن جەڭەدى. جاس ۆۋندەركيند سپورتشى حالىقارالىق دەڭگەيدە ءبىر جىلدان سوڭ كورىنەدى, وعان حالىقارالىق كونكيمەن سىرعاناۋشىلار وداعىنىڭ جاس شەكتەۋلەرى (13 جاس) سەبەپ بولادى. 2010 جىلى نيدەرلاندىداعى گران-ءپريدىڭ جاسوسپىرىمدەر اراسىنداعى كەزەڭىن 10-شى بولىپ اياقتاعان. قانداي دا ءبىر سəتسىزدىكتەر بولماسىن ونىڭ جىگەرى مۇقالماعان. 2014 جىلى وتكەن سوچي وليمپياداسىندا قازاقستان قورجىنىنا جالعىز جۇلدەنى, ياعني قولا جۇلدەنى سالىپ بەردى.
ەلىمىزدە قىسقى سپورت ءتۇرىنىڭ تانىمال بولۋىنا سەبەپكەر بولعان التىن ۇل "قازاقستانعا ەڭبەگى سىڭگەن سپورت شەبەرى" اتاعىن الدى. ول ء2011 جىلى Vىى قىسقى ازيا ويىندارى تۋرالى "bnews.kz" سايتىنا بەرگەن سۇحباتىندا : - تۋدىڭ كوتەرىلۋى مەن ءانۇراننىڭ ورىندالۋى ەڭ اسەرلى ءسات بولدى! مەن ءوز ەلىمنىڭ پاتريوتىمىن! مەن قازاقستاندا ءوستىم. وسى ەلدە كوپتەگەن جەتىستىكتەرگە جەتتىم. مەن شەتەلدە جاتتىعامىن, بىراق مەنىڭ بولاشاقتاعى بارلىق جوسپارلارىم, ەسىمىم قازاقستانمەن بايلانىستى, - دەگەن ەكەن. وسى سوزدەردەن ونىڭ ەلىنىڭ ابىرويى مەن حالقىنىڭ قۋانىشى ءۇشىن مىڭداعان شىڭداردى باعىندىرعىسى كەلگەندىگىن تۇيەمىز.
جايدارى ءجۇزدى جاس جىگىت بيىل عانا ءوزىن جاڭا قىرىنان تانىتقان بولاتىن. ول ونىڭ تازا, جاعىمدى داۋىسى, əنشىلىگى. "Gakku tv" مۋزىكالىق ارناسى رەسمي پاراقشاسىندا دەنيس تەننىڭ جاقىندا شاعىن البومىن جارىققا شىعارعىسى كەلگەندىگىن جاريالاپ جانە "She won't be mine" اتتى ءəنىن جارىققا شىعاردى.
ومىرگە عاشىق جىگىت 25 جاس مەرەيتويىندا ينستاگرامم پاراقشاسىنا: "ومىرگە عاشىقپىن. تۋعاندارىمدى جاقسى كورەمىن. ادامداردى سۇيەمىن. جاقسى كورگەندەردى جاقسى كورەمى. مەن وسىنى بولىسكىم كەلەدى. 25 جاستا əلەم وزگەرەك سەزىلە باستادى", - دەپ جازعان.
ەلىنىڭ باعى بولعان ءبىرتۋار سپورتشى اققان جۇلدىزداي وتە شىقتى. جانىڭ جəنناتتا بولسىن, قازاقتىڭ دەنيسى! ۇلى چەمپيون سەن حالىق جۇرەگىندەسىڭ!
ەرجىگىت كۇنتۋباەۆ,
ەۇۋ ستۋدەنتى
