ەجەلگى وليمپياداعى پەلوپوننەس ارالىندا – العاشقى وليمپيادا ويىندارى تۋعان جەردە گرەك-نەمىس ارحەولوگتەرى تاريحي جادىگەرگە تاپ بولدى. ارحەولوگيالىق جۇمىستار كەزىندە گومەردىڭ «وديسسەيا» داستانىنىڭ ءۇزىندىسى جازىلعان توپىراق تاقتايشاسى تابىلعان.
تاقتايشادا «وديسسەيانىڭ» XIV راپسودياسىنىڭ ون ءۇش جولى يتاكا پاتشاسى وديسسەيدىڭ سەنىمدى دوسى ەۆمەيگە قاراتا ايتىلعان ءسوزى جازىلعان. ارحەولوگتەردىڭ ايتۋىنشا, ءبىزدىڭ زامانىمىزعا دەيىنگى III داۋىرگە تيەسىلى جادىگەر گرەتسيانى ريمدىكتەر بيلەگەن ۋاقىتتان قالعان. قازىردىڭ وزىندە بۇل جادىگەر ارحەولوگيالىق, ەپيگرافيالىق, ادەبي, تاريحي قۇندى ەكسپونات رەتىندە باعالانىپ وتىر.
باعاشار تۇرسىنباي ۇلى,
«ەگەمەن قازاقستان»
