اتاقتى كۇيدىڭ تاريحىن ءبىلۋ, ونى ماڭگى ەستە ساقتاۋ ماقساتىندا وسىدان جەتى جىل بۇرىن شۋ قالاسىنداعى كۇرە جولدىڭ بويىنا «ەركە سىلقىم» ەسكەرتكىشى ورناتىلعان بولاتىن. كۇي كەيىپكەرى – قازاق ارۋىنىڭ بەينەسى سومدالعان ەسكەرتكىش كۇي ونەرىنە تۇرعىزىلعان عاجايىپ بەلگى. كەزىندە بۇل باستاماعا قولداۋ بىلدىرگەن پارلامەنت ءماجىلىسىنىڭ دەپۋتاتى قوجاحان جاباعيەۆ ەكەن. جامبىل وڭىرىندە قازاق ونەرىنە تۇرعىزىلعان ەسكەرتكىش ءالى كۇنگە دەيىن كوپتىڭ قىزىعۋشىلىعىن تۋىنداتىپ, حالىقتىڭ باس قوساتىن رۋحاني ورتالىعىنا اينالعان.
جالپى, حالىقتىڭ ءبىرتۋار تۇلعالارىنا تۇرعىزىلعان ەسكەرتكىشتەردەن بولەك, ۇلتتىڭ ادەبيەتى مەن مادەنيەتىنە ارنالعان ەسكەرتكىشتەر ەلىمىزدە ساناۋلى. ماسەلەن, كلاسسيك جازۋشى ءابدىجامىل نۇرپەيىسوۆتىڭ «قان مەن تەر» رومانىنىڭ كەيىپكەرلەرىنە ارنالعان ەسكەرتكىش ەلىمىزدەگى ساۋلەتتى نىساننىڭ بىرىنەن سانالادى.
حاميت ەسامان,
«ەگەمەن قازاقستان»
جامبىل وبلىسى
