بۇل كىتاپتاردى تانىستىرۋ ءراسىمىن اشقان اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى, پروفەسسور تاكير بالىقباەۆ: «ەلباسىمىز نۇرسۇلتان ءابىش ۇلى نازارباەۆ وتانىنا, حالقىنا قىزمەت ەتۋدىڭ بىرەگەي جولىن قالىپتاستىرعان كورنەكتى تۇلعا. ەلىمىزدىڭ قارقىندى دامۋى, الەمگە تانىلۋى ەلباسىمىزدىڭ ساليقالى ساياساتىنىڭ جەمىسى. ءوز ومىرىندە كوپكە ۇلگى بولاتىنداي داڭعىل جول قالىپتاستىرعان مەملەكەت باسشىسىنىڭ ءومىر جولى كىم-كىم ءۇشىن دە قىزىقتى ءارى ونەگەلى. ولاي بولسا, بۇگىن ءبىزدىڭ ۋنيۆەرسيتەتىمىزگە سىيعا تارتىلىپ وتىرعان دۇنيەلەر ءبىز ءۇشىن وتە قۇندى», دەدى.
م.قاسىمبەكوۆ تۇڭعىش پرەزيدەنتىمىز نۇرسۇلتان ءابىش ۇلى نازارباەۆتىڭ ءومىرى مەن قىزمەتى ەل تاۋەلسىزدىگىمەن, قازاقستاننىڭ جاڭا داۋىردەگى تاريحىمەن تىكەلەي بايلانىستى ەكەنىن اتاپ ءوتتى. ەلباسىنىڭ «تاڭدامالى سوزدەر» دەپ اتالاتىن كوپتومدىق جيناعىنا ونىڭ جىلدار بويعى ساياسي قىزمەتىنىڭ بارىسىندا جۇرتشىلىق الدىندا سويلەگەن سوزدەرى ەنگىزىلىپ وتىر. وندا قازاقستاننىڭ تاۋەلسىزدىك الدىنداعى كەزەڭ مەن تاۋەلسىزدىكتىڭ العاشقى شيرەك عاسىرى تۇسىنداعى ەل ومىرىندەگى اسا ماڭىزدى ماسەلەلەر باياندالادى. ال «قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ. قىزمەت حرونيكاسى» سەرياسىمەن شىققان كىتاپتاردا مەملەكەت باسشىسىنىڭ قاتىسۋىمەن ەلىمىزدە جانە شەتەلدەردە وتكەن نەگىزگى ءىس-شارالار كەزەڭ-كەزەڭىمەن بەرىلگەن جانە ن.ءا.نازارباەۆتىڭ ەڭ ماڭىزدى سوزدەرىنىڭ ماتىندەرى مەن ول قول قويعان زاڭدار, جارلىقتار جانە باسقا دا انىقتامالىق ماتەريالدار ورىن العان.
م.قاسىمبەكوۆ سونىمەن بىرگە ەلباسىنىڭ «تاۋەلسىزدىك ءداۋىرى» كىتابى ەگەمەندى ەلىمىزدىڭ تاريحي شەجىرەسى, تەڭدەسى جوق اسىل مۇراسى بولعانىنا ەرەكشە نازار اۋداردى. ويتكەنى بۇل كىتاپتا تاۋەلسىزدىكتىڭ العاشقى كۇنىنەن بەرگى جەردەگى كەزەڭدە مەملەكەتىمىزدىڭ قالىپتاسۋى, دامۋى, حالىقارالىق قوعامداستىقتان ويىپ تۇرىپ ورىن الۋى – ءبارى-ءبارى ناقتىلى دەرەكتەرمەن باياندالعان. سوندىقتان بۇل ەڭبەكتەردىڭ ەل تاريحىن سيپاتتاۋداعى ورنى ەرەكشە. ستۋدەنت-جاستارعا بۇل كىتاپتاردىڭ بەرەر تاعىلىمى مول. بەلگىلى ءبىلىم, عىلىم جانە قوعام قايراتكەرى ءشامشا بەركىمباەۆا جانە باسقالار ەلباسى كىتاپتارى مەن ول تۋرالى ەڭبەكتەردىڭ جاستاردى وتانشىلدىققا, پاتريوتتىققا, ادامگەرشىلىككە تاربيەلەۋدەگى ماڭىزىنا توقتالدى.
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى ت.بالىقباەۆ وسى ەڭبەكتەردىڭ تولىق جيناقتالىپ, مۇقيات توپتاستىرىلىپ, رەداكتسيالانۋىنا جانە جارىق كورۋىنە باسشىلىق ەتىپ, ولشەۋسىز ەڭبەك سىڭىرگەن جانە ەلباسى تۋرالى عاجايىپ كىتاپتار جازعان ساياسي عىلىمدار دوكتورى ماحمۇد قاسىمبەكوۆكە جانە ۋنيۆەرسيتەت كىتاپحاناسىنا ساليقالى سىي جاساعان قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ۇجىمىنا العىس ايتتى.
مىرزاحان احمەتوۆ,
اباي اتىنداعى قازۇپۋ قوعاممەن بايلانىس ءبولىمىنىڭ باستىعى
الماتى
