كەشە پرەمەر-مينيستر كارىم ءماسىموۆتىڭ توراعالىعىمەن «سامۇرىق-قازىنا» ۇلتتىق ءال-اۋقات قورى» اق-تىڭ ديرەكتورلار كەڭەسىنىڭ كەزەكتى وتىرىسى ءوتتى.
وندا «سامۇرىق-قازىنا» اق-تىڭ 2011-2015 جىلدارعا ارنالعان دامۋ جوسپارى بەكىتىلدى. جوسپاردا قىزمەتتىڭ شەشۋشى كورسەتكىشتەرىنىڭ ستراتەگيالىق وندىرىستىك, قارجىلىق, الەۋمەتتىك, يندۋستريالىق-يننوۆاتسيالىق توپتارى كورىنىس تاپقان.
سونداي-اق جوسپاردا 2010-2014 جىلدارعا ارنالعان مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىنا, يندۋستريالاندىرۋ كارتاسىنا جانە باسقا دا سالالىق باعدارلامالارعا ەنگەن ستراتەگيالىق ينۆەستيتسيالىق جوبالار قامتىلعان.
سونىمەن بىرگە ديرەكتورلار كەڭەسى «سامۇرىق-قازىنا» اق-تىڭ جاڭا رەداكتسياداعى ەرەجەسىن بەكىتتى. وندا قور باسقارماسىنىڭ قىزمەتى ەگجەي-تەگجەيلى رەگلامەنتتەلگەن.
«ەگەمەن-اقپارات».
