پالاتا زاڭناماعا گاز جانە گازبەن جابدىقتاۋ ماسەلەلەرى بويىنشا تۇزەتۋلەردى قابىلدادى.
قۇجات ەلىمىزدىڭ ىشكى نارىعىنا سۇيىتىلعان مۇناي گازىنىڭ تاپشىلىعىن بولدىرماۋ ءۇشىن جەتكىزۋدى رەتتەۋ, مۇناي گازىن وندىرۋشىلەردىڭ ءوندىرىس كولەمىن ارتتىرۋعا ىقىلاسىن قالىپتاستىرۋعا, سونداي-اق ايماقتاردا گاز ءبولۋ اشىقتىعىن ارتتىرۋ ماقساتىندا ازىرلەندى.
تسيفرلاندىرۋ جانە بيزنەس ءۇشىن اكىمشىلىك كەدەرگىلەردى ازايتۋ بويىنشا جۇرگىزىلىپ جاتقان ساياسات اياسىندا ەلەكتروندىق ساۋدا الاڭدارى ارقىلى سۇيىتىلعان مۇناي گازىن ىشكى نارىققا بەرۋ تەتىكتەرىن ەنگىزۋ ارقىلى ونى ءوندىرۋشى زاۋىتتاردىڭ تابىسىن قامتاماسىز ەتۋ كوزدەلىپ وتىر. 2019-2020 جىلدار ىشىندە ەسا ارقىلى وتكىزىلەتىن سۇيىتىلعان مۇناي گازىنىڭ ۇلەسىن كەزەڭ-كەزەڭىمەن ارتتىرۋ جوسپارلانۋدا, وعان ەلىمىزدىڭ ەنەرگەتيكا مينيسترلىگى بەكىتەتىن شەكتى باعا قولدانىلمايدى.
ناتيجەسىندە 2021 جىلعا قاراي سۇيىتىلعان مۇناي گازىنا باعالاردى مەملەكەتتىك رەتتەۋ گازدى توپتىق رەزەرۆۋارلىق قوندىرعىلار ارقىلى پايدالاناتىن حالىق ءۇشىن, سونداي-اق جوعارى دەڭگەيدە قايتا وڭدەلگەن ءونىم ءوندىرۋدى جۇزەگە اسىراتىن مۇناي-گاز-حيميا كاسىپورىندارى ءۇشىن عانا ساقتالادى.
سەناتورلار قازاقستان ۇكىمەتى مەن بىرىككەن ۇلتتار ۇيىمىنىڭ ازىق-ت ۇلىك جانە اۋىل شارۋاشىلىعى ۇيىمى (فاو) اراسىنداعى فاو-نىڭ قازاقستانداعى بايلانىس جانە ارىپتەستىك جونىندەگى بيۋروسىن قۇرۋ تۋرالى كەلىسىمدى راتيفيكاتسيالادى.
قازاقستاندا فاو-نىڭ بايلانىس جانە ارىپتەستىك جونىندەگى بيۋروسىن قۇرۋ ءۇشىن رەسپۋبليكالىق بيۋدجەتتەن مىناداي قاراجات كوزدەلگەن: سىرتقى ىستەر مينيسترلىگىنىڭ 017 «قازاقستان رەسپۋبليكاسىنىڭ حالقارالىق ۇيىمدارعا, وزگە دە حالىقارالىق جانە باسقا ورگاندارعا قاتىسۋى» بيۋدجەتتىك باعدارلاماسى بويىنشا: 300000 اقش دوللارى مولشەرىندە – قازاقستان رەسپۋبليكاسىنىڭ فاو-عا جىل سايىنعى جارناسى; ەرىكتى جارنالارعا – جابدىق پەن اۆتوكولىك ساتىپ الۋ ءۇشىن فاو-عا 25197 مىڭ تەڭگە سوماسىندا ءبىر رەتتىك جارنا. اۋىل شارۋاشىلىعى مينيسترلىگىنىڭ بيۋدجەتتىك باعدارلاماسى بويىنشا: وفيستىك ءۇي-جايدى جالداۋعا ارنالعان شىعىس – 44208 مىڭ تەڭگە سوماسىندا; 212 «اگروونەركاسىپتىك كەشەن جانە تابيعاتتى پايدالانۋ سالاسىنداعى عىلىمي زەرتتەۋلەر مەن ءىس-شارالار» باعدارلاماسى شەگىندە فاو-نىڭ حالىقارالىق كونسۋلتانتتارىن تارتۋ ارقىلى عىلىمي جوبالاردى ىسكە اسىرۋ كەزىندەگى جىل سايىنعى بىرلەسىپ قارجىلاندىرۋدىڭ ەڭ تومەنگى مولشەرى –2000000 اقش دوللارىن قۇرايدى.
زاڭناماعا ۆەنچۋرلىك قارجىلاندىرۋ ماسەلەلەرى بويىنشا تۇزەتۋلەر قابىلداندى. بۇل قۇجاتتا تۇزەتۋلەردىڭ ءۇش توپتاماسى قامتىلعان.
تۇزەتۋلەردىڭ ءبىرىنشى توپتاماسى ۆەنچۋرلىك قور قىزمەتىنىڭ قۇقىقتىق نەگىزىن قۇرايدى. اتاپ ايتقاندا, وسى بلوكپەن: ۆەنچۋرلىك قارجىلاندىرۋدىڭ ەرەكشەلىكتەرى بولىپ تابىلاتىن قوسىمشا ۇعىمداردى ەنگىزۋ; ۆەچۋرلىك قورلار بولىپ قۇرىلا الاتىن نىسانداردى بەلگىلەۋ; ۆەنچۋرلىك قور قاتىسۋشىلارىنىڭ سانىنا جانە ونى باسقارۋشىعا قويىلاتىن تالاپتاردى بەلگىلەۋ; ۆەنچۋرلىك قورلار ءۇشىن حالىقتىقتىڭ باسىم بولىگى اراسىندا ءوز قىزمەتىن جارنامالاۋعا تىيىم سالۋدى بەلگىلەۋ; ۆەنچۋرلىك قورلار مەن پورتفەل كومپانيالار جاساسۋى مۇمكىن كەلىسىمدەردىڭ جاڭا نىساندارىن ەنگىزۋ كوزدەلگەن.
تۇزەتۋلەردىڭ ەكىنشى توپتاماسى يندۋستريالىق-يننوۆاتسيالىق قىزمەتتى مەملەكەتتىك قولداۋ شارالارىن ۆەنچۋرلىك قورلاردا جاڭا مەملەكەتتىك قوسا قارجىلاندىرۋ تەتىكتەرىمەن تولىقتىرۋعا ارنالعان, ولار: ۆەنچۋرلىك قوردى يندۋستريالىق-يننوۆاتسيالىق ينفراقۇرىلىم ەلەمەنتى رەتىندە ەنگىزۋگە; مەملەكەتتىڭ دامۋ ينستيتۋتتارى جانە باسقا دا ۇلتتىق كومپانيالار ارقىلى ۆەنچۋرلىك قورلاردى قوسا قارجىلاندىرۋ مۇمكىندىگىنە باعىتتالعان.
ءۇشىنشى توپتاما «استانا حاب» حالىقارالىق تەحنولوگيالىق پاركى قىزمەتىن ۇيىمداستىرۋعا ارنالعان.
زاڭناماعا جوعارى وقۋ ورىندارىنىڭ اكادەميالىق جانە باسقارۋ دەربەستىگىن كەڭەيتۋ ماسەلەلەرى بويىنشا تۇزەتۋلەر دە قابىلداندى.
زاڭ جوعارى وقۋ ورىندارىنىڭ اكادەميالىق, باسقارۋ جانە قارجىلىق دەربەستىگىن كەڭەيتۋگە, نازارباەۆ ۋنيۆەرسيتەتىنىڭ تاجىريبەسىن ەسكەرە وتىرىپ, ولاردىڭ باسەكەگە قابىلەتتىگىن ارتتىرۋعا, سونداي-اق جوعارى ءبىلىم بەرۋدىڭ قولجەتىمدىلىگى مەن ساپاسىن ارتتىرۋعا جانە ستۋدەنت جاستاردىڭ كۇنەلتۋ جاعدايلارىن جاقسارتۋعا باعىتتالعان.
اكادەميالىق دەربەستىكتى كەڭەيتۋ ءۇشىن جوعارى وقۋ ورىندارىنا ءبىلىم بەرۋ باعدارلامالارىنىڭ مازمۇنى, ءبىلىم الۋشىلاردىڭ اۋىسۋى مەن قايتا قابىلدانۋى ماسەلەلەرىن, ءبىلىم بەرۋ قىزمەتتەرىن كورسەتۋ جانە كاسىپتىك پراكتيكانى وتكىزۋ شارتىنىڭ نىساندارىن ايقىنداۋ وكىلەتتىكتەرىن بەرۋ بويىنشا قۇزىرەتتەر كوزدەلگەن.
باسقارۋ جانە قارجىلىق دەربەستىك ماسەلەلەرى بويىنشا جۇمىسقا جالداۋ, جوعارى وقۋ ورنىنىڭ قۇرىلىمىن ايقىنداۋ, جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋدىڭ كوممەرتسيالىق ۇيىمدارىن كوممەرتسيالىق ەمەس ۇيىمدار ەتىپ قايتا قۇرۋ, جوعارى وقۋ ورىندارىنىڭ كوممەرتسيالىق قىزمەتتى جۇزەگە اسىرۋى, سونداي-اق جوعارى وقۋ ورىندارىنداعى ديرەكتورلار كەڭەسىنىڭ ايرىقشا قۇزىرەتى ماسەلەلەرىن رەتتەيتىن ەرەجەلەر كوزدەلىپ وتىر.
كادرلاردى دايارلاۋ باعىتتارى بويىنشا جاڭا سىنىپتاۋىشقا سايكەس جوعارى وقۋ ورىندارىنىڭ ءبىلىم بەرۋ قىزمەتىن ليتسەنزيالاۋدىڭ جاڭا تۇرىنە كوشۋى; جوعارى جانە جوعارى وقۋ ورنىنان كەيىنگى ءبىلىم بەرۋدىڭ ءبىلىم باعدارلامالارى بويىنشا وقىتۋدى تەك قانا كۇندىزگى وقىتۋ نىساندارىندا جۇزەگە اسىرۋ; ءومىر بويى وقىتۋ قاعيداتىن ىسكە اسىرۋ ماقساتىندا فورمالدى جانە فورمالدى ەمەس ءبىلىم بەرۋ ارقىلى وقىتۋدىڭ ناتيجەلەرىن تانۋ جونىندە جاڭا ەرەجەلەر دە بار.
مەملەكەت باسشىسىنىڭ ءۇشىنشى الەۋمەتتىك باستاماسىن ىسكە اسىرۋ اياسىندا جاڭا ستۋدەنتتىك جاتاقحانالار سالۋعا قاتىستى: ستۋدەنت جاستاردىڭ كۇنەلتۋ جاعدايلارىن جاقسارتۋدى; ەكىنشى دەڭگەيدەگى بانكتەردىڭ مەملەكەتتىك-جەكەشەلىك ارىپتەستىك شارتتارىن سەنىمدى كەپىل رەتىندە تانۋىن; ينۆەستيتسيالىق شىعىندار وتەماقىسىن ەسەپكە جاتقىزۋعا ارنالعان شوتتاردىڭ ساقتالۋىن كوزدەيتىن تۇزەتۋلەر ەنگىزىلدى.
سەناتورلار سونداي-اق زاڭناماعا ءبىلىم بەرۋ ماسەلەلەرى بويىنشا تۇزەتۋلەردى قابىلدادى. بۇل زاڭدا كوزدەلگەن تۇزەتۋلەر ەڭبەك كودەكسىنە, ء«بىلىم تۋرالى» جانە «ەڭ تومەن الەۋمەتتىك ستاندارتتار جانە ولاردىڭ كەپىلدىكتەرى تۋرالى» زاڭدارعا ەنگىزىلەدى.
اتاپ ايتقاندا ء«وزىن-ءوزى تانۋ» ادامگەرشىلىك-رۋحاني ءبىلىم بەرۋ
باعدارلاماسىن ەنگىزۋ ۇسىنىلادى, وندا قازاقستاندىق جاستاردىڭ ۇلتتىق جانە جالپى ادامي قۇندىلىقتارعا نەگىزدەلگەن دۇنيەتانىمىن قالىپتاستىرۋ جونىندەگى تاربيەلەۋ قىزمەتى جۇزەگە اسىرىلادى.
دۋالدى وقىتۋدى ەنگىزۋگە بايلانىستى زاڭدا وندىرىستىك وقىتۋ, تالىمگەر, تىڭداۋشى, تiرەك مەكتەپ (رەسۋرس ورتالىعى) ۇعىمدارىن بەكىتۋ كوزدەلىپ وتىر.
سەناتورلار «ادۆوكاتتىق قىزمەت جانە زاڭ كومەگى تۋرالى» زاڭدى قابىلدادى. زاڭ بىلىكتى زاڭ كومەگىن الۋعا كونستيتۋتسيالىق قۇقىقتى ىسكە اسىرۋ, حالىقتىڭ الەۋمەتتىك وسال توپتارىنا, قيىن ومىرلىك جاعدايعا تاپ بولعان ادامدارعا تەگىن نەگىزدە زاڭ كومەگىن الۋعا قول جەتكىزۋدى قامتاماسىز ەتۋ جانە ادۆوكاتتىق قىزمەت پەن زاڭ كومەگىن كورسەتۋ جۇيەسىن كەشەندى تۇردە جەتىلدىرۋ ماقساتىندا ازىرلەندى.
زاڭدا ادۆوكاتتار القاسىنىڭ جانە زاڭ كونسۋلتانتتارى پالاتاسى باسقارۋ ورگاندارىنىڭ قۇرىلىمى, ولاردى قالىپتاستىرۋ ءتارتىبى جانە ولاردىڭ قۇزىرەتتەرى ايقىندالادى. بۇل رەتتە ادۆوكاتتار القاسى پرەزيديۋىمىنىڭ توراعاسى مەن مۇشەلەرى ءۇشىن ءتورت جىلدان اسپايتىن, ال القالىق باسقارۋ ورگانى مەن زاڭ كونسۋلتانتتارىنىڭ اتقارۋشى باسقارۋ ورگانى ءۇشىن – ولاردىڭ جارعىسىمەن وكىلەتتىك مەرزىمى بەلگىلەنەدى.
ادۆوكاتتار القاسىنا جانە زاڭ كونسۋلتانتتارى پالاتالارىنا ولارعا مۇشەلىككە قابىلداۋ شارتتارى, زاڭ كومەگىن كورسەتۋ ستاندارتتارى جانە ولارعا مۇشەلىككە قابىلداۋ كەزىندە كىرۋ جارنالارىن تولەۋگە تىيىم سالۋ بەلگىلەنەدى.
زاڭدا زاڭ كومەگىن كورسەتۋ جونىندەگى قىزمەتتى رەتتەۋ جانە ءوز مۇشەلەرىنىڭ ادۆوكاتتىق قىزمەت جانە زاڭ كومەگى تۋرالى زاڭناماسىنىڭ, زاڭ كونسۋلتانتتارى پالاتاسىنىڭ قاعيدالارى مەن ستاندارتتارىنىڭ, كاسىپتىك ادەپ كودەكسىنىڭ تالاپتارىن ساقتاۋى بولىگىندە ولاردىڭ قىزمەتىن باقىلاۋ ماقساتىندا قۇرىلعان, زاڭ كونسۋلتانتتارى پالاتالارىنىڭ تىزىلىمىنە ەنگىزىلگەن, مۇشەلىك شارتتارىندا كەمىندە ەلۋ زاڭ كونسۋلتانتىن بىرىكتىرەتىن, مىندەتتى مۇشەلىككە نەگىزدەلگەن ءوزىن-ءوزى رەتتەيتىن ۇيىم زاڭ كونسۋلتانتتارىنىڭ پالاتاسى بولىپ تانىلاتىنى بەلگىلەنگەن.
ۋاكىلەتتى ورگان زاڭ كومەگىن كورسەتۋ سالاسىندا زاڭ كونسۋلتانتتارى پالاتالارىنىڭ ادۆوكاتتىق قىزمەت جانە زاڭ كومەگى تۋرالى زاڭناماسىنىڭ, زاڭ كونسۋلتانتتارى پالاتاسى قاعيدالارىنىڭ جانە ستاندارتتارىنىڭ, كاسىپتىك ادەپ كودەكسىنىڭ تالاپتارىن ورىنداۋىنا باقىلاۋدى جۇزەگە اسىرادى.
زاڭمەن 2020 جىلعى 1 قاڭتاردان باستاپ ءۇشىنشى تۇلعالارعا كەلتىرىلگەن زياندى وتەۋ ءۇشىن زاڭ كونسۋلتانتتارىنىڭ قىزمەتىن مىندەتتى ساقتاندىرۋ ينستيتۋتى قولدانىسقا ەنگىزىلەدى.
سونداي-اق زاڭناماعا ادۆوكاتتىق قىزمەت جانە زاڭ كومەگى ماسەلەلەرى بويىنشا تۇزەتۋلەر قابىلداندى.
قىلمىستىق-پروتسەستىك كودەكسiندە جانە «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» زاڭىندا ادۆوكاتتىق وردەردى قولدانۋ الىپ تاستالادى.
اكىمشىلىك قۇقىق بۇزۋشىلىق تۋرالى كودەكسىندە ادۆوكاتتىڭ سۇراۋ سالۋى بويىنشا مالiمەتتەردi بەلگiلەنگەن مەرزiمدەردە ۇسىنۋدان باس تارتقانى ءۇشىن جاۋاپتىلىققا تارتىلاتىن ادامداردىڭ تىزبەسىنە زاڭدى تۇلعالار ەنگىزىلدى.
ازاماتتىق-پروتسەستىك كودەكسىنە ادۆوكاتتىق قىزمەت جانە زاڭ كومەگى تۋرالى زاڭناماسىنىڭ تالاپتارىن بۇزا وتىرىپ, زاڭ كومەگىن كورسەتۋ تۋرالى تاپسىرما قابىلداعان ادۆوكاتتار, سونداي-اق زاڭ كونسۋلتانتتارى پالاتاسىنىڭ مۇشەلەرى بولىپ تابىلاتىن ادامدار سوتتا تاپسىرما بويىنشا وكىلدەر بولا المايتىنىن كوزدەيتىن تولىقتىرۋ ەنگىزىلەدى.
«نوتاريات تۋرالى» زاڭعا ءبىر مەرزىمنەن ارتىق رەسپۋبليكالىق نوتارياتتىق پالاتانىڭ توراعاسى لاۋازىمىن اتقارماۋدى; نوتارياتتىق پالاتانىڭ قارجىلىق-شارۋاشىلىق قىزمەتىن باقىلاۋ بويىنشا نوتارياتتىق پالاتانىڭ رەۆيزيالىق كوميسسياسىن ەنگىزۋدى كوزدەيتىن تولىقتىرۋلار ەنگىزىلەدى.
سەناتتىڭ ءۇشىنشى سەسسياداعى جۇمىسىن قورىتىندىلاي كەلىپ, ق.توقاەۆ بۇگىنگى حالىقارالىق احۋالدا تەكە-تىرەس كۇشەيگەن كەزەڭدە ەلىمىزدىڭ تۇراقتى دامۋىن جانە ۇلتتىق مۇددەسىن قامتاماسىز ەتۋگە باعىتتالعان مەملەكەت باسشىسىنىڭ ستراتەگيالىق شەشىمدەرىن زاڭنامالىق جاعىنان دەر كەزىندە قامتاماسىز ەتۋدىڭ ماڭىزى ەرەكشە ەكەنىن اتاپ ءوتتى.
«ەلباسى نۇرسۇلتان ءابىش ۇلى نازارباەۆتىڭ جولداۋى جانە حالىقتىڭ ءال-اۋقاتىن ارتتىرۋدى كوزدەيتىن بەس الەۋمەتتىك باستاماسىنان تۋىندايتىن اۋقىمدى مىندەتتەردى جۇزەگە اسىرۋ بارىسىندا پارلامەنت 84 زاڭ قابىلدادى. ولاردىڭ بىرقاتارى كۇشىنە ەنىپ, بۇگىندە حالىق يگىلىگىنە قىزمەت ەتۋدە», - دەدى سەنات توراعاسى.
ول قازىرگى جاھاندىق وزگەرىستەر مەن سىن-قاتەرلەر توعىسىندا ىشكى ساياسي تۇراقتىلىقتى ساقتاۋ جانە حالىقارالىق ارەنادا ۇلتتىق مۇددەمىزدى قورعاۋ ماسەلەلەرى وتە ماڭىزدى ەكەنىن اتاپ ءوتتى.
«وسى رەتتە, تاياۋدا قابىلدانعان «قاۋىپسىزدىك كەڭەسى تۋرالى» زاڭ قازىرگى دۇربەلەڭگە تولى دۇنيەدە مەملەكەت قاۋىپسىزدىگىن قامتاماسىز ەتۋدە, ەلدەگى ىشكى جانە سىرتقى ساياساتتى جۇرگىزۋدە ەلباسىنىڭ جەتەكشى رولىنە بەرىك قۇقىقتىق جاعدايدى, كەپىلدىكتەردى ارقاشان دا قامتاماسىز ەتەدى», - دەدى ق.توقاەۆ.
جوعارعى پالاتانىڭ باسشىسى سايلاۋ زاڭناماسىنا ەلىمىزدەگى دەموكراتيالىق ۇدەرىستەردى تەرەڭدەتۋدە ساياسي پارتيالاردىڭ جاۋاپكەرشىلىگىن ارتتىرۋعا باعىتتالعان جاڭا قۇقىقتىق ەرەجەلەر ەنگىزىلگەنى تۋرالى حاباردار ەتتى.
كاسىپكەرلىكتى دامىتۋعا مەيلىنشە قولايلى جاعداي قالىپتاستىرۋ ماقساتىندا ق.توقاەۆ سالىق, كەدەن كودەكستەرى جاڭا رەداكتسيادا قابىلدانىپ, بيۋدجەت زاڭناماسى جاڭارتىلعانىن, قارجى ۇيىمدارىنا ءتيىمدى باقىلاۋ جۇرگىزۋدەگى ۇلتتىق بانكتىڭ قىزمەتىن جەتىلدىرۋگە باعىتتالعان وتە ماڭىزدى زاڭدار قابىلدانعانىن ايتتى.
سونداي-اق, قولدانىستاعى زاڭناماعا الەۋمەتتىك سالا, اقپارات جانە كوممۋنيكاتسيالار, قۇقىق قورعاۋ جۇيەسىن جاڭعىرتۋ, جەر قاتىناستارى, ءبىلىم بەرۋ ماسەلەلەرى بويىنشا ناقتى تۇزەتۋلەر ەنگىزىلدى.
ق.توقاەۆ سونىمەن قاتار پارلامەنت قاراۋىنا كەلىپ تۇسەتىن زاڭ جوبالارىنىڭ مازمۇندىق جاعىنان ساپاسى ءالى دە وزەكتى ەكەنىن ايتا كەلىپ, وسى ماسەلەگە ۇكىمەتتىڭ نازارىن اۋداردى. اسىعىس دايىندالعان جوبالاردا كەزدەسەتىن ولقىلىقتار زاڭنامادا قايشىلىقتاردىڭ ورىن الۋىنا جول بەرۋى ىقتيمال ەكەنى ايتىلدى.
سەنات توراعاسى سەسسيا بارىسىندا بىرلەسىپ اتقارعان ناتيجەلى قىزمەتتەرىنە وراي ارىپتەس سەناتورلارعا العىس ايتتى جانە ەلىمىزدىڭ باس قالاسى – استانانىڭ 20 جىلدىعىنا بايلانىستى قۇتتىقتادى. «استانا – تاۋەلسىزدىكتىڭ قاستەرلى قۇندىلىقتارىنىڭ ءبىرى, ەلباسى جىگەرىنىڭ ايقىن جەڭىسى. ەلوردامىز ۇلتىمىزدىڭ ماقتانىشى, ۇلتتىق يدەولوگيامىزدىڭ نىشانى. قازاقستاننىڭ بولاشاعى ەندى جاڭا ەلوردامىزدىڭ دامۋىمەن تىكەلەي بايلانىستى. سەبەبى بۇل قالا حالقىمىزدىڭ تاعدىرىندا ەرەكشە ورىن الاتىن بولادى», - دەدى ق.توقاەۆ.
وتىرىس بارىسىندا دەپۋتاتتىق ساۋالدار جاريا ەتىلدى. سەناتور نۇرجان نۇرسيپاتوۆ اسكەري قىزمەتشىلەردى تۇرعىن ۇيمەن قامتاماسىز ەتۋ تۋرالى; ەدىل مامىتبەكوۆ «كاسىبي اسكەريلەندىرىلگەن اۆاريالىق-قۇتقارۋ قىزمەتى» رەسپۋبليكالىق مەملەكەتتىك كاسىپورنىن جەكەشەلەندىرۋ ماسەلەلەرى تۋرالى ساۋال جولدادى.
