ۇلتتىق پرەميا ءباسپاسوز, راديو جانە ينتەرنەت-جۋرناليستيكا سالاسىندا ۇزدىك جەتىستىككە جەتكەن سونداي-اق وڭىرلەردە مۋلتيمەديالىق جۋرناليستيكانى دامىتۋعا ۇلەس قوسىپ جۇرگەن, ءارى جۋرناليستيكانىڭ بەدەلىن كوتەرۋگە اتسالىسقان, كاسىبي ستاندارتى مەن تالاپتارى بەكىتىلگەن, ونى ناسيحاتتان ەرەكشەلەپ تۇرعان سونداي-اق قوعامنىڭ ازاماتتىق بەلسەندىلىگىن كوتەرۋگە ۇلەس قوسىپ جۇرگەن ماماندارعا بەرىلەدى.
سىيلىقتىڭ نەگىزگى ماقساتى – تالانتتى جۋرناليستەر مەن ۇزدىك شىعارماشىلىق ۇجىمداردى انىقتاۋ, ولاردىڭ كاسىبي جۋرناليستيكانى دامىتۋعا قوسقان ۇلەستەرىن سارالاۋ جانە شىعارماشىلىق ادامدارىنىڭ ەلەۋلى ەڭبەگىنە قوعام نازارىن اۋدارۋ.
ۇلتتىق «ۇركەر» سىيلىعى كەلەسى نوميناتسيالارعا بەرىلەدى:
• ۇزدىك فوتوسۋرەت;
• ۇزدىك رەپورتاج;
• ۇزدىك ساراپتامالىق ماتەريال;
• ۇزدىك جۋرناليستىك زەرتتەۋ;
• ۇزدىك سۇحبات;
• قازاقستان تۋرالى ۇزدىك تانىمدىق ماتەريال;
• ۇزدىك حالىقارالىق تالدامالى ماتەريال;
• استانانىڭ 20 جىلدىعىنا ارنالعان ماتەريال
• ۇزدىك ايماقتىق راديوستانتسيا
• ۇزدىك ايماقتىق ءباسپاسوز باسىلىمى
• قازاقستاننىڭ ۇزدىك راديوستانتسياسى
• ۇزدىك ينتەرنەت باق
• ۇزدىك رەسپۋبليكالىق مەرزىمدى باسىلىم;
• ۇزدىك ۆاين
قازىلار القاسى قۇرامىنا ەنگەن تانىمال قوعام قايراتكەرلەرى مەن شىعارماشىلىق ينتەلليگەنتسيا وكىلدەرى ءار نوميناتسيا بويىنشا وزا شاپقان كىل مىقتىلاردى انىقتايدى. بايقاۋدىڭ لاۋرەاتى اتانعان جۋرناليستەرگە ەستەلىك ءمۇسىن مەن قارجىلاي جۇلدەلەر تابىستالادى. ءاربىر جەڭىمپاز 1 000 000 تەڭگە كولەمىندە اقشالاي سىيلىق پەن ءداستۇرلى ەستەلىك مۇسىنگە يە بولادى.
ءباسپاسوز, راديو جانە ينتەرنەت-جۋرناليستيكا سالاسىنداعى ەڭ بەدەلدى «ۇركەر» ۇلتتىق سىيلىعىنىڭ ماراپاتتاۋ راسىمىنە بەلگىلى جۋرناليستەر مەن تەلەجۇرگىزۋشىلەر, ەسترادا مەن شوۋ-بيزنەس جۇلدىزدارى سونداي-اق تانىمال ۆاينەرلەر قاتىسادى.
ءباسپاسوز, راديو جانە ينتەرنەت-جۋرناليستيكا سالاسىنداعى «ۇركەر» ۇلتتىق سىيلىعى بىلتىر قر اقپارات جانە كوممۋنيكاتسيالار مينيسترلىگىنىڭ باستاماسىمەن وتكەن بولاتىن. ۇلتتىق سىيلىقتى ۇيىمداستىرۋشى «Qazcontent» اق.
