بريفينگتە قويىلعان جۋرناليستەردىڭ سۇراقتارىنا قركف الەۋمەتتىك-ەكونوميكالىق ماسەلەلەر جانە الەۋمەتتىك ارىپتەستىك جونىندەگى كوميتەت توراعاسى ساتىبالدى داۋلەتالين, «اتامەكەن» ۇكپ الەۋمەتتىك سالا جانە الەۋمەتتىك ارىپتەستىك كوميتەتىنىڭ توراعاسى تالعات دوسكەنوۆ, قر جۇمىس بەرۋشىلەر كونفەدەراتسياسىنىڭ اتقارۋشى ديرەكتورى ۆالەنتينا برەۋسوۆا جاۋاپ بەردى.
قازاقستان رەسپۋبليكاسى كاسىپوداقتار فەدەراتسياسى 2018 جىلدى «ەڭبەك قاۋىپسىزدىگى جانە ەڭبەكتى قورعاۋ جىلى» دەپ حابارلادى. بۇل باستاما ەڭبەك قاۋىپسىزدىگى جانە ەڭبەكتى قورعاۋ سالاسىندا ەڭبەك زاڭناماسىنىڭ ساقتالۋىنا قوعامدىق باقىلاۋدى كۇشەيتۋگە باعىتتالعان.
«ەڭبەكتى قورعاۋداعى پروفيلاكتيكا مادەنيەتىن بىرگە ارتتىرامىز» رەسپۋبليكالىق اكتسياسىنىڭ ماقساتى ەڭبەكتى قورعاۋ شارتتارىنا, وندىرىستە توتەنشە جاعدايلاردىڭ الدىن الۋ, جۇمىس بەرۋشىلەردىڭ جۇمىسشىلارعا لايىقتى جانە قاۋىپسىز ەڭبەك شارتتارىن قالىپتاستىرۋعا مۇددەلى بولۋى, ۇجىمدىق الەۋمەتتىك جاۋاپكەرشىلىكتى دامىتۋ, ەڭبەكتى قورعاۋ ماسەلەلەرىنە جۇمىسشىلاردىڭ كەڭىنەن قاتىسۋىن قامتاماسىز ەتۋ ماسەلەلەرىنە كوپشىلىكتىڭ نازارىن اۋدارۋ بولىپ تابىلادى.
الەۋمەتتىك سەرىكتەستەرمەن اكتسيانىڭ قورىتىندىسىن شىعارۋ 2019 جىلعى جەلتوقسانعا جوسپارلانۋدا.
