وسى ماقساتتا "قازاقتەلەكوم" اق-مەن بىرگە كابەلدى قىمبات ءəرى قيىن جولمەن تارتپاي-اق, اقپاراتتى تەز جەتكىزۋدى قامتاماسىز ەتەتىن بايلانىستىڭ تالشىقتى-وپتيكالىق جەلىلەرىن سالۋ مەن "راديوكوپىر" تەحنولوگياسىن ەنگىزۋدىڭ اۋقىمدى جۇمىستارى باستالدى.
ءوڭىر باسشىسى بەردىبەك ساپارباەۆتىڭ توراعالىعىمەن وتكەن جيىندا ەلباسىنىڭ ءبىلىم بەرۋ, دەنساۋلىق ساقتاۋ جəنە ەكونوميكانىڭ ت.ب. سالالارىن تسيفرلاندىرۋ بويىنشا تاپسىرمالارىنىڭ ورىندالۋ بارىسى قارالدى.
- جالپى, وتكەن بەس ايدىڭ ىشىندە ۇلكەن جۇمىس اتقارىلدى. بەلگىلى ءبىر نəتيجە بار. "تسيفرلىق قازاقستان" باعدارلاماسىن ورىنداۋ كەرەك جəنە ءəرى قاراي دا ۇنەمى ەرەكشە باقىلاۋدا ۇستاۋ قاجەت,- دەپ اتاپ ءوتتى وبلىس əكىمى.
كەڭ جولاقتى ينتەرنەتكە قول جەتكىزۋدى قامتاماسىز ەتۋمەن قاتار, اقپاراتتىق جۇيەلەردى ەنگىزۋ جۇمىسى دا جالعاسۋدا. ونىڭ ارتىقشىلىعىنا اقتوبەلىكتەر ءتيىستى باعالارىن بەرىپ تە قويعان. مəسەلەن, ءبىلىم بەرۋ باسقارماسىنىڭ مəلىمەتىنشە "كۇندەلىك" اقپاراتتىق جۇيەسى ەنگىزىلىسىمەن مەكتەردە ساباقتان قالۋ جاعدايى ەكى ەسەگە ازايدى. وقۋشىنىڭ ساباققا كەلۋى مەن ۇلگەرىمى جايىندا اقپارات ونىڭ اتا-اناسىنا سول بويدا قول جەتىمدى بولادى. وبلىس تۇرعىندارى مەديتسينا جۇيەلەرىن دە بەلسەندى تۇردە قولدانادى. سول ارقىلى جىل باسىنان بەرى دəرىگەرگە 209 مىڭنان استام ادام جازىلعان. مەديتسينالىق اقپاراتتىق جۇيە ارقىلى بارلىعى 371 مىڭنان اسا ادامعا نەمەسە وبلىس تۇرعىندارىنىڭ 43%-نا قىزمەت كورسەتىلگەن.
جيىن كەزىندە سونداي-اق, تۇرعىن ءۇي - كوممۋنالدىق شارۋاشىلىعى مەن كولىك جۇيەسىندەگى تسيفرلىق جاڭاشىلدىقتار دا قارالدى.
ايتا كەتەيىك, ءوڭىر دامىپ كەلە جاتقان تسيفرلاندىرۋدىڭ اياسىندا حالقىنىڭ تسيفرلىق ساۋاتتىلىعىنىڭ دەڭگەيىنە باسا نازار اۋدارادى. بۇل ءۇشىن 220-دان اسا جاتتىقتىرۋشى دايىندالدى. ولار ەندىگى وبلىس تۇرعىندارىن, əسىرەسە شالعايداعى ەلدى مەكەندەردە تۇراتىن حالىقتى وقىتۋعا كىرىسىپ تە كەتكەن. بۇگىندە ولاردىڭ ىجداعاتتىلىقتارىنىڭ ارقاسىندا 14,4 مىڭ ادام زاماناۋي اقپاراتتىق جۇيەلەرمەن جəنە تەحنولوگيالارمەن جۇمىس ىستەۋدىڭ جالپى بازالىق بىلىمدەرىن الدى. ەرەسەك ادامداردى وقىتۋ جاعىنا باسىمدىق بەرىلىپ وتىر.
تەمىر قۇسايىن
"ەگەمەن قازاقستان"
