بۇل تۋرالى بۇگىن قازاقستان رەسپۋبليكاسى اۋىل شارۋاشىلىعى ءبىرىنشى ۆيتسە-ءمينيسترى ا.ەۆنيەۆ تۇرعىندارمەن ەسەپتىك كەزدەسۋدىڭ قورىتىندىسى تۋرالى بريفينگتە مالىمدەدى.
شىعارىلعان جالپى اۋىل شارۋاشىلىعى ونىمدەرى 3,9%-عا, وندىرىلگەن تاماق ونىمدەرى 6,3%- عا ارتتى. اۋىل شارۋاشىلىعى ونىمدەرىنىڭ ەكسپورتى 3 ايدا 47%-عا, ونىڭ ىشىندە وڭدەلگەن ونىمدەر ەكسپورتى 26%-عا ۇلعايدى. اۋىل شارۋاشىلىعىنا سالىنعان ينۆەستيتسيالار كولەمى 1,4%-عا ءوسىپ, 88 ملرد. تەڭگەنى قۇرادى. 2018 جىلى ەگىستىك جەرلەر كولەمىن 50,2%-عا (11,4 ملن. گا) قىسقارتۋ جوسپارلانىپ وتىر.
مال شارۋاشىلىعىندا وتكەن كەزەڭدە مال مەن قۇس سانى ورتا ەسەپپەن 4,1%-عا ۇلعايدى. سونداي-اق, وندىرىلگەن ەت كولەمى 4,8%-عا (345,1 مىڭ توننادان 361,6 مىڭ تونناعا دەيىن), ءسۇت 2,5%-عا (1942,9 مىڭ تونناعا 1992,5 مىڭ تونناعا), جۇمىرتقا 15,7%-عا (1896,1 ملن. دانادان 2194,4 ملن. داناعا دەيىن) ارتتى.
قازىرگى ۋاقىتتا ازىق-ت ۇلىكتىڭ نەگىزگى 30 ءتۇرىنىڭ 25-ءى بويىنشا قامتاماسىز ەتىلۋى 80%, ال كەيبىر تۇرلەرى بويىنشا 100% قۇراپ وتىر. ىشكى نارىق وسى ءونىم تۇرلەرىمەن قامتاماسىز ەتىلۋدە. يمپورتقا تاۋەلدى قۇس ەتى, الما, ىرىمشىك جانە سۇزبە, شۇجىق, قانت, بالىق بۇل تىزىمگە كىرمەيدى.
ەلباسى حالىققا جولداۋىندا اگروونەركاسىپتىك كەشەن الدىندا ەڭبەك ونىمدىلىگىن تۇبەگەيلى ۇلعايتۋ جانە قايتا وڭدەلگەن اۋىل شارۋاشىلىعى ءونىمى ەكسپورتىنىڭ ءوسىمىن 5 جىل ىشىندە كەمىندە 2,5 ەسەگە ارتتىرۋ مىندەتىن قويدى. بۇل مىندەتتى شەشۋ سالانى دامىتۋدا مۇلدە جاڭا كوزقاراستى تالاپ ەتەدى.
وسى تاپسىرمانى ورىنداۋ ماقساتىندا قازاقستاننىڭ ەكسپورتتىق الەۋەتى جوعارى پوزيتسيالارى انىقتالدى. بۇل, ەڭ الدىمەن, ەت ونىمدەرى, سيىر جانە قوي ەتى.
سونىمەن قاتار, ءسۇت ونىمدەرى, قۇس ەتى, جەمىستەر مەن كوكونىستەر بويىنشا يمپورتتان ارىلۋىمىز كەرەك.
وسى ماسەلەلەردى شەشۋ سالانى دامىتۋدا جاڭا ادىستەردى تالاپ ەتەدى. جوعارىدا اتالعان مىندەتتەردى ەسكەرە وتىرىپ, قازاقستان رەسپۋبليكاسى اۋىل شارۋاشىلىعى مينيسترلىگى اگروبيزنەس جانە ۇكىمەتتىك ەمەس ۇيىمداردىڭ وكىلدەرىن تارتا وتىرىپ, 2017-2021 جىلدارعا ارنالعان قازاقستان رەسپۋبليكاسى اگروونەركاسىپتىك كەشەنىن دامىتۋدىڭ مەملەكەتتىك باعدارلاماسىنا تۇزەتۋلەر ەنگىزۋ بويىنشا جۇمىس جۇرگىزدى.
باعدارلامانىڭ ءتۇيىندى كورسەتكىشتەرى مەن ءىس-شارالارى نەگىزىندە, جوبالىق باسقارۋ ستاندارتتارىنا سايكەس اگروونەركاسىپتىك كەشەننىڭ نەگىزگى باعىتتارى بويىنشا ۇزاق مەرزىمدى سالالىق باعدارلامالار ازىرلەندى, ولاردى ىسكە اسىرۋ مەرزىمى 10 جانە ودان دا كوپ جىلدى قۇرايدى.
بۇل ەت جانە ءسۇتتى مال شارۋاشىلىعىن, قۇس شارۋاشىلىعىن, سۋارمالى جەرلەردى دامىتۋ باعدارلامالارى.
سونىمەن قاتار, مەملەكەتتىك باعدارلاما اياسىندا سالانى تسيفرلاندىرۋعا, تەحنيكالىق رەتتەۋگە, اۋىلدىق اۋماقتاردى دامىتۋ جانە سالىق سالۋ ماسەلەلەرى قاراستىرىلاتىن بولادى.
جالپى مەملەكەتتىك باعدارلامادا 10 مىندەتتى ورىنداۋ كوزدەلگەن. بۇل – ازىق-ت ۇلىك قاۋىپسىزدىگىن قامتاماسىز ەتۋ, قارجىلاندىرۋدىڭ قولجەتىمدىلىگى, ءتيىمدى سالىق سالۋ, جەر جانە سۋ رەسۋرستارىن ءتيىمدى پايدالانۋ, نارىقتارعا قول جەتكىزۋ جانە ەكسپورتتى دامىتۋ, اگرارلى عىلىم, تەحنيكالىق جابدىقتاۋ مەن ءوندىرىستى جانداندىرۋ, مەملەكەتتىك قىزمەت كورسەتۋ ساپاسى مەن تسيفرلاندىرۋ, اۋىلدىق جەرلەردى دامىتۋ.
