جۋرناليستەردىڭ تىنىمسىز ەڭبەگىنىڭ ارقاسىندا جەرگىلىكتى بيلىك قوستانايلىقتاردى مازاسىزداندىرعان ماسەلەلەردى ءبىلىپ, جۇمىستى سوعان باعىتتايدى. ءوڭىر باسشىسى وبلىستاعى وقىرماندار مەن كورەرمەندەر نازارىندا بولاتىن, ولار ءار كۇنى كۇتىپ وتىراتىن باسىلىمدار مەن ەلەكتروندى بۇقارالىق اقپارات قۇرالدارىنىڭ جاقسى جۇمىسىن اتاپ ءوتتى. سونىمەن قاتار جۋرناليستيكا ارداگەرى تاتيانا باشكاتوۆا دا جۋرناليستەر كۇندەلىكتى كەزدەسىپ وىتراتىن قيىندىقتار, مەملەكەتتىك ورگانداردىڭ اقپاراتتى ۋاقىتىندا بەرۋگە اسىقپايتىنىن, جۇرە قارايتىنىن تىلگە تيەك ەتتى.
فورۋمعا «ينفورمبيۋرو.كز» اگەنتتىگىنىڭ باسشىسى ميحايل دوروفەەۆ پەن ل.گۋميلەۆ اتىنداعى ەۋرازيا ۋنيۆەرسيتەتىنىڭ وقىتۋشىسى قانات اۋەسباي قاتىسىپ, جۋرناليستيكانىڭ, مەديانىڭ بۇگىنگى ماسەلەلەرى تۋرالى اڭگىمەلەدى. فورۋم سوڭىندا وبلىس اكىمى ارحيمەد مۇحامبەتوۆ جۋرناليستەرگە وبلىس اكىمىنىڭ العىس حاتىن, گراموتالارىن جانە جۋرناليستەر مەرەكەسىنە وراي وتكەن بايقاۋ جەڭىمپازدارىنا جۇلدەلەر تاپسىردى.
مەديا-فورۋم اياسىندا جۋرناليستەرگە ارنالعان سەمينار ءوتتى.
ءنازيرا جارىمبەت,
«ەگەمەن قازاقستان»
قوستاناي
