بۇل سەرۆيس ازاماتتاردىڭ: تۋى, ءولىم, نەكە, اجىراسۋ, بالا اسىراپ الۋ, اكەلىگىن انىقتاۋى, اتى-ءجونىنىڭ وزگەرۋى سەكىلدى بارلىق 7 وقيعا قىزمەتىنىڭ (ونىڭ ىشىندە 2008 دەيىن جاسالعان) ارحيۆتىك اكتىلىك جازبالارىن تسيفرلاۋعا جانە تەكسەرۋگە مۇمكىندىك بەرەدى.
ەندى جوق نەمەسە دۇرىس ەمەس مالىمەتتى تۇزەتۋدى تسيفرلاندىرۋ ءۇشىن eGov.kz https://egov.kz/services/SR.18/ پورتالىنىڭ سىلتەمەسى ارقىلى قۇجاتتاردىڭ سكانەرلەنگەن كوشىرمەلەرىن جىبەرۋ جەتكىلىكتى بولادى.
مىسالى, ءسىزدىڭ بالالارىڭىزدىڭ تۋ تۋرالى اكتىلىك جازبانى تەكسەرۋ كەزىندە, بالا تۋرالى دەرەكتەرى (تەگى, اتى, ازاماتتىعى, ۇلتى, تۋعان كۇنى, انا مەن اكە تۋرالى دەرەكتەرى) ۇسىنىلعان بولىمىندە دۇرىس ەمەس جازبالارى ەنگىزىلگەن جاعدايدا, وندا قۇجاتتاردىڭ سكانەرلەنگەن كوشىرمەلەرىن قويىپ, اقپاراتتى جاڭارتۋ مۇمكىن بولادى.
قىزمەت كورسەتۋدىڭ ناتيجەسى احاج اج مالىمەتتەرىن جاڭارتۋ مارتەبەسى تۋرالى اقپارات بولىپ تابىلادى. قىزمەتتىڭ كورسەتىلۋى مەرزىمى - 1 جۇمىس كۇنى, قىزمەت تەگىن كورسەتىلەدى. وسى سەرۆيس قىزمەتى ەلەكتروندىق ۇكىمەت پورتالىنىڭ باستى بەتىندە ورنالاسقان.
