بۇل جىلى – ەلىمىز «قازاقستان 2030» ستراتەگياسىندا ايقىندالعان مىندەتتەردى ىسكە اسىرۋعا بەلسەندى كىرىسىپ, العاش رەت انالارعا بالا تۋىنا بايلانىستى ءبىر رەتتىك جاردەماقى بەرىلە باستادى. سونىمەن قاتار وسى جىلدان باستاپ, الداعى ءۇش جىل (2003-2005 ج.ج) «اۋىلدى قولداۋ جىلى» دەپ جاريالاندى.
20 قاڭتار – مەملەكەت باسشىسى ن.نازارباەۆ رەسمي ساپارمەن شۆەيتسارياعا بارىپ, كونفەدەراتسياسىنىڭ فەدەرالدى پرەزيدەنتى پ.كۋشپەنمەن كەزدەسىپ, ەلارالىق ماسەلەلەردى تالقىلادى.
23 قاڭتار – ەلباسى ن. نازارباەۆ داۆوستاعى 33-ءشى دۇنيەجۇزىلىك ەكونوميكالىق فورۋمنىڭ جۇمىسىنا قاتىستى. فورۋمدا سويلەگەن سوزىندە پرەزيدەنت: «مەملەكەتتىك تاۋەلسىزدىككە يە بولىپ, حالىقارالىق ارەناعا تانىلعان ساتتەن باستاپ قازاقستان الەمدىك ەكونوميكالىق جانە ساياسي ەليتامەن پىكىرلەسۋ مۇمكىندىگىنە يە بولدى. وسىنداي فورۋمدار جاڭا ارىپتەستەر تابۋعا كومەكتەسەدى, ەڭ باس-
تىسى مەملەكەتتەردى جاقىنداستىرادى, ءبىزدىڭ ورتاق بولاشاعىمىزدى ايقىندايدى» دەدى.
6 اقپان – پرەزيدەنت نۇرسۇلتان نازارباەۆ ۆاتيكاندا پاپا يوانن پاۆەل II-مەن كەزدەسىپ, استانا قالاسىندا دۇنيەجۇزىلىك دىندەر مەن كونفەسسيالار كوشباسشىلارى قۇرىلتايىن شاقىرۋ تۋرالى اقىلداستى.
16 ءساۋىر – پرەزيدەنت ن. نازارباەۆتىڭ قازاقستان حالقىنا جولداۋى جاريالاندى. جولداۋدا قوعامدى ودان ءارi دەموكراتيالاندىرۋ مەن مەملەكەتتiك باسقارۋ تيiمدiلiگiن ارتتىرۋدىڭ, مادەنيەت, بiلiم بەرۋ جانە رۋحانيات سالالارىن دامىتۋدىڭ نەگiزگi باعىتتارى باياندالدى. «تاريحي اسا قىسقا مەرزiمنiڭ iشiندە بiز ەڭ شۇعىل ەكونوميكالىق جانە ساياسي رەفورمالاردى جۇزەگە اسىردىق. بۇگiن مەن بiزدiڭ ەڭ جاڭا تاريحىمىزدا الەۋمەتتiك شىعىستاردى بارىنشا ۇلعايتقانىمىز جايىندا جاريالاۋ ابىرويىنا يە بولدىم, بiز بۇل iستi كوپ ۇزاماي قولعا الامىز, ءارi ونىڭ يگiلiگi ءاربiر قازاقستاندىققا جانە ءار وتباسىنا تيەتiن بولادى», – دەدى ەلباسى جولداۋىندا.
6 مامىر – پرەزيدەنت ن.نازارباەۆ دۇنيەجۇزىلىك يسلام ليگاسىنىڭ باس حاتشىسى دوكتور ابداللا بەن ابدەل-مۋحسين ءات-تۇركيمەن كەزدەستى. ەكى جاق استانا تورىندە الەمدىك دىندەردىڭ قۇرىلتايىن وتكىزۋ ماسەلەسىن تالقىلادى.
17 مامىر – استانا قالاسىندا ەلباسى نۇرسۇلتان نازارباەۆتىڭ قاتىسۋىمەن «دۋمان» ويىن-ساۋىق ورتالىعى اشىلدى. ويىن-ساۋىق ورتالىعىندا وكەاناريۋم, «دجۋنگلي» انيماترونيكستەر تەاترى, ەكزوتاريۋم-حايۋاناتتار باعى, 5D كينوتەا-
تر مەن كادەسىيلار دۇكەنى ورنالاسقان. مۇحيتارالدىڭ سۋ قورى – 3 ميلليون ليتر. ونى ازىرلەۋ ءۇشىن 120 توننا تەڭىز تۇزى قاجەت بولدى. وندا تەڭىز جاندىكتەرىنىڭ 100-دەن استام ءتۇرى تىرشىلىك ەتەدى.
28 مامىر – پرەزيدەنت ن.ءا.نازارباەۆ ماسكەۋدە وتكەن شىۇ مەملەكەتتەر باسشىلارىنىڭ سامميتىنە قاتىستى.
3 ماۋسىم – استانا قالاسىندا ەلباسى ن.نازارباەۆ قازاقستانعا رەسمي ساپارمەن كەلگەن قحر توراعاسى حۋ تسزينتاومەن كەزدەستى. كەلىسسوزدەر ناتيجەسىندە 2003-2008 جىلدارعا باعىتتالعان قازاقستان-قىتاي ىنتىماقتاستىق باعدارلاماسىنا قول قويىلدى.
23 قىركۇيەك – استانادا الەمدىك جانە ءداستۇرلى دىندەر كوشباسشىلارىنىڭ ءبىرىنشى قۇرىلتايىنىڭ اشىلۋ سالتاناتى بولدى. وعان كاير قالاسىنداعى ءال-ازھار جوعارعى يمامى شەيح مۋحامماد سايد تانتاۋي, دۇنيەجۇزىلىك يسلام ليگاسىنىڭ باس حاتشىسى شەيح ابداللا بەن ابدەل-مۋحسين ءات-تۇركي باستاتقان ءدىن قايراتكەرلەرى قاتىستى.
13 قازان – ۇزىندىعى 1225 شاقىرىمدى قۇرايتىن الماتى – استانا اۆتوجولى سالتاناتتى تۇردە اشىلدى. وعان ەلباسى نۇرسۇلتان نازارباەۆ قاتىسىپ, جوبانى ىسكە اسىرعان وتاندىق جانە شەتەلدىك قۇرىلىس كومپانيالارىنا, سونداي-اق وسى قۇرىلىستى جۇرگىزگەن جۇمىسشىلارعا العىس ايتتى.
11 قاراشا – ەلباسى ن.نازارباەۆ فيليپپينگە مەملەكەتتىك ساپارمەن بارىپ گ.ماكپاگال-اررويومەن كەزدەسىپ, قازاقستان رەسپۋبليكاسى مەن فيليپپين رەسپۋبليكاسى اراسىنداعى دوستىق پەن ىنتىماقتاستىق تۋرالى دەكلاراتسياعا قول قويدى.
4 جەلتوقسان – پرەزيدەنت ن.نازارباەۆ استاناعا رەسمي ساپارمەن كەلگەن گەرمانيانىڭ فەدەرالدىق كانتسلەرى گەرحارد شرەدەرمەن كەزدەستى. ەكى ەل باسشىسى قازاقستان مەن گەرمانيا اراسىنداعى ىسكەرلىك قاتىناستاردى تالقىلاي كەلىپ, ەلباسى نۇرسۇلتان ءابىش ۇلى گەرمانيانىڭ قازاقستاننىڭ ەۋروپاداعى جەتەكشى ساۋدا-ەكونوميكالىق ارىپتەستەرىنىڭ ءبىرى بولىپ تابىلاتىنىن اتاپ ءوتتى.
8 جەلتوقسان – پرەزيدەنت ن.نازارباەۆ ەكى كۇندىك رەسمي ساپارمەن پاكىستان يسلام رەسپۋبليكاسىنا باردى. كەزدەسۋ بارىسىندا تاراپتار ساياسي-ەكونوميكالىق ماسەلەلەرگە باسا نازار اۋداردى.
25 جەلتوقسان – ەلباسى ن.نازارباەۆ استانا قالاسىندا قىرعىزستان پرەزيدەنتى ا.اقاەۆپەن كەزدەستى. اڭگىمە بارىسىندا نۇرسۇلتان نازارباەۆ وڭىرلىك قاۋىپسىزدىك پەن ەكونوميكالىق ينتەگراتسيانى دامىتۋ مەن نىعايتۋدا قىرعىز رەسپۋبليكاسى شىنايى ارىپتەس بولا بەرەتىنىنە سەنىم ءبىلدىردى.
دايىنداعان بەكەن قايرات ۇلى,
«ەگەمەن قازاقستان»
