«ۇبت-نىڭ ەكىنشى كۇنى 61 098 مەكتەپ ءبىتىرۋشى سىناقتان وتۋگە تىركەلگەن بولاتىن, الايدا تەستىلەۋگە ناقتى 58 967 تۇلەك قاتىستى. قاتىسۋشىلار سانى بىلتىرعى كورسەتكىشپەن سالىستىرعاندا 1% ءوسىپ تۇر. ولاردىڭ 85,6% نەمەسە 50 468 مەكتەپ ءبىتىرۋشى شەكتى باللدى جيناي الدى, ياعني بىلتىرعىمەن سالىستىرعاندا 1,5 پروتسەنتكە ءوسۋ بار. شەكتى باللدى جيناي الماعاندار سانى 1 پايىزعا تومەندەدى, 8 499 ادام سىناقتان وتە المادى», - دەدى قر بعم «ۇلتتىق تەستىلەۋ ورتالىعى» رمقك ديرەكتورى رامازان الىمقۇلوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ورتالىق ديرەكتورىنىڭ ايتۋىنشا, ازىرگە قازاقستان بويىنشا ورتاشا بالل - 83, بىلتىرعى كەزەڭدە ورتاشا كورسەتكىش - 80 بالل بولعان ەدى. «ەڭ جوعارى بالل الماتى قالاسىندا, ت. رىسقۇلوۆ اتىنداعى ۇلتتىق ەكونوميكالىق ۋنيۆەرسيتەتتە تىركەلدى. الماتىلىق حامزين داۋلەت ازات ۇلى 139 بالل جينادى. وكىنىشكە قاراي, ەڭ جوعارعى 140 باللدى ءالى ەشكىم جيناعان جوق. بىراق, تەستىلەۋ جۇمىستارى ءالى بەس كۇن بويى جۇرەدى, سوندىقتان ناعىز ءبىلىمدى تۇلەكتەرىمىز 140 باللدى الارىنا ءۇمىتتىمىز», - دەدى ول. رەسپۋبليكا بويىنشا 704 مەكتەپ ءبىتىرۋشى 130-139 بالل ارالىعىندا ناتيجە كورسەتكەن. ەسكە سالا كەتەيىك, ۇبت-2018 نəتيجەلەرىن ەندىگى كەزەكتە Telegram-بوت @edu.gov.kz نەمەسە edu.mail.kz سايتى ارقىلى ۇيدەن شىقپاي-اق بىلۋگە بولادى: ول ءۇشىن تەستىلەۋگە قاتىساتىن ءəربىر تالاپكەرگە بەرىلەتىن تجك (تەست تاپسىرۋشىنىڭ جەكە كودىن) ەنگىزۋ قاجەت. سونداي-اق, تەستىلەۋ قورىتىندىلارىن ۇلتتىق تەستىلەۋ ورتالىعىنىڭ سايتىنان دا بىلۋگە بولادى.
بۇل ورايدا تەستىلەۋ نəتيجەلەرىن تجك ارقىلى ءəربىر تالاپكەر ءوزى عانا كورە الادى. جوعارىدا كورسەتىلگەن رەسۋرستارعا ۇبت نəتيجەلەرى اقپاراتتىڭ وڭدەلۋىنە قاراي جاريالانىپ وتىرادى. بيىل رەسپۋبليكا بويىنشا مەكتەپ بىتىرۋشىلەردىڭ 70%, ياعني 102 مىڭى ۇبت تاپسىرادى. مەكتەپ بىتىرگەن 147 مىڭ تۇلەكتىڭ باسىم بولىگى ۇبت-نى قازاق تىلىندە تاپسىرادى. ۇبت-دا جالپى 80 مىڭ سۇراق بولادى. 2018 جىلعا ارنالعان ۇلتتىق بىرىڭعاي تەستى سۇراقتارى 50 پايىزعا جاڭارتىلعان. قازاقستاندىق مەكتەپ بىتىرۋشىلەرگە ۇلتتىق بىرىڭعاي تەستىلەۋدەن وتۋگە ەكى رەت مۇمكىندىك بەرىلەدى. ەكەۋىندە دە قاجەتتى بالل جيناي الماعان بالالار جوو-عا شارتتى تۇردە قابىلدانادى.
