- «جاسىل» ەكونوميكاعا كوشۋ جونىندەگى تۇجىرىمداماعا سايكەس وبلىستا 7 باعىت بويىنشا جۇمىس جۇرگىزىلىپ جاتىر. وبلىستىق بيۋدجەتتەن قازالى جانە قارماقشى اۋداندارىندا قاتتى تۇرمىستىق قالدىقتار پوليگونىن سالۋعا قاجەتتى قاراجات ءبولىندى. ەلباسىنىڭ جولداۋىنان تۋىنداعان باستى مىندەتتەرىنىڭ ءبىرى – ينۆەستيتسيالاردى تارتۋ. وسى ماقساتتا وبلىسىمىزدا بارلىق قىزمەتتەردى ءبىر جەردەن الۋعا مۇمكىندىك بەرەتىن بىرىڭعاي كاسىپكەرلەرگە قىزمەت كورسەتۋ ورتالىعى جۇمىس ىستەيدى. 2018 جىلدىڭ بەس ايىندا نەگىزگى كاپيتالعا تارتىلعان ينۆەستيتسيالار كولەمى 15,4 پايىزعا ءوسىپ, 65,9 ملرد.تەڭگەنى قۇرادى, - دەدى وبلىس اكىمى قىرىمبەك كوشەرباەۆ.
راپيل جوشىباەۆ حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنىڭ «جاسىل» جانە جاڭارتىلمالى قۋات كوزدەرى, قۋات تيىمدىلىگى مەن قۋاتتى ۇنەمدەۋ, قاتتى تۇرمىستىق قالدىقتاردى باسقارۋ, تۇرعىن ءۇي-كوممۋنالدىق شارۋاشىلىعى مەن اۋىل شارۋاشىلىعى ماسەلەلەرى بويىنشا جەرگىلىكتى اتقارۋشى ورگاندارمەن ارىپتەستىك ورناتۋدىڭ ماڭىزدىلىعىن اتاپ ءوتتى.
مەموراندۋم تۇراقتى دامۋ, ەكولوگيا, «جاسىل» ەنەرگەتيكا مەن جاڭارتىلمالى قۋات كوزدەرى, قۋاتتى ۇنەمدەۋ جانە ءتيىمدى پايدالانۋ, تسيفرلاندىرۋ, قاتتى تۇرمىستىق قالدىقتاردى وندەۋ جانە اۋىل شارۋاشىلىعىنىڭ تۇراقتى دامۋى سالاسىندا جوبالاردى جۇزەگە اسىرۋ ماسەلەلەرى بويىنشا ءوزارا ارەكەت ەتۋدى كوزدەيدى.
باقتيار تايجان,
«ەگەمەن قازاقستان».
قىزىلوردا وبلىسى.
